radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ކުލިނިކު
ނ ސިއްހީ ކަންތައްތަކާ ބެހޭގޮތުން ލަފާދޭ ނުވަތަ ފަރުވާދޭ ހޮސްޕިޓަލާއި ޞިއްހީ މަރުކަޒު ނޫން ތަންތަން
ކުސަ
ނ (1) ދެގަނޑެއްޗެއް އެއްކުރާން ރޯނުން ނުވަތަ ނަނުން ފުރާ ބައިން. މިގޮތަށް ހުންނަ ކޮންމެ ބައިނެއް. (2) ފުށާއި ހުންޏާއި ހަކުރާ އަޅައިގެން ހިލާ ކާ އެއްޗެއް. (3) މަޖާޒު: އެއްޗަކަށްނުވާހެން ކުރާކަންތައް ނުވަތަ ހަދާ އެއްޗެއްނޫނީ ދައްކާ ވާހަކަ
ކުސަހޭވުން
މ މަޖާޒު: އެއްޗަކަށް ނުވާނޭހެން ކަންތައް ކުރުން
ކުޑަދޮޅި
ނ ބުރުގާއަޅާ މީހުންނާއި އަންހެނުން ނަމާދުކުރާއިރު ބޮލުއިސްތަށިތައް ހިފެހެއްޓުމަށް އަޅާ ދޮޅިޖެހި ފޮތިކޮޅު
ކުޑަތަންވުން
މ (1) ކަމެއްވާން ކައިރިވުން (2) ކަމެއްވާން ތައްޔާރުވުން
ކޫރުފާނަ
ނ ފާނައިގެ ބާވަތެއް. މިއީ ފަރުފަޅުތަކުގެ ބޭރުގައްޔާއި ހާހަލާއި ތިލަތިލައިގައި އުޅޭމަހެކެވެ މަހުގެ ކުލައަކީ މަޑު މުށިކުލައެވެ މަހުގެ ބޭރުގައި ގަދަރަތްކުލައަކަށްދާ ތިކިތަކެއް ހުރެއެވެ މިތިކިތައް މަހުގެ ފަހަތުކޮޅުގައި ހުންނަނީ ކޫރެއް ހެން ގުޅިފައެވެ
ކޫޒީ
ނ ބަކަރީގައި ތައްޔާރުކުރާ ކެއުމެއް. މިއީ ބަކަރި ކަތިލައި ނޮޅައިފައި ބަނޑުތެރޭގައި އޮންނަގޮހޮރު ނަގައި ސާފުކޮށްފައި ބަނޑުތެރެއަށް ބަތްއަޅައި ބިރިޔާންކޮށްފައި ހުންނަކާނާއެކެވެ
ކެހުން
ނ (1) ނ. ގައިގެ ހަމުގައި އުފެދޭ ހިރުވުމެއް. (2) ހިރުވުން ފިލުވުމަށް އިނގިލިތަކުގެ ކޮޅުން ނުވަތަ އެހެންވެސް އެއްޗަކުން ގައިގެ ހަމުގައި ކޭއްތުން (3) ރާޅު އެއްޗަކުން ތަނެއްގައި ކޭއްތުން. (4) ތޫނު އެއްޗަކުން އެއްޗެއްގައި ކާއްތައިގެން ކުނޑި ނެގުން ނުވަތަ އުނިކުރުން. މިސާލު: )ހ( ކެލާކެހުން. )ށ( އުނބުކެހުން. (5) ފާރުގައި ސިމެންތި ޖަހާއިރުގައްޔާއި ތަޅުން އަޅަމުންދާއިރު އެއްވަރު ކުރުމަށް ސިމެންތިގަނޑު ފަތިގަނޑަކުން ކާއްތައި ހަމަކުރުން (6) އިލޮށި ފައްޗާއި ފިހިގަނޑު ފަދަތަކެތީން ކުނި އެއްކޮށް ސާފުކުރުން މިސާލު: ކުނިކެހުން. (7) ލޮލުގައި ހުންނަ ވަކި ވައްތަރެއްގެ ބައްޔެއް ބޭސްއަޅައިގެން ފިލުވުން. މިސާލު: ފުސްކެހުން. (8) އުޔާއި ބަރަންޏާއި ނަނު ފަދަ ތަކެތި އަތަށް ނުވަތަ އެއްޗަކަށް ދޫދޫކޮށް އޮޅުން. (9) ތަނެއްގައި ހުރި އެއްޗެހިތަކެއް އެއްފަހަރާ ގިނައިން ގެންދެވޭގޮތަށް އަތުން ނުވަތަ އެއްޗަކުން ފަރާތަކަށް ޖައްސައިލުން. )01( ދަމާފޮތިގަނޑެއް ނުވަތަ ފަރުދާއެއްފަދަ އެއްޗެއް މައްޗާއެކު އެއްފަރާތްކޮށްލުން. (11) އެއްޗެއްގެ މަތީ ތޮށި ތޫނު އެއްޗެއް ކާއްތައިގެން ފިލުވުން މިސާލު: ކަނޑޫކެހުން. (21) ނަގިލި ހިލިގެން ދެމެމުން ދިޔުން. މިސާލު: ނަގިލިކެހުން. )31( ހިފައިފައި ހުންނަންވާ އެއްޗެއް ނުހިފައި ކެހެމުން ދިއުން. މިސާލު: )ހ( ފުރޮޅުކެހުން. )ށ.( ރޯލުކެހުން. )41( އެމަށް ފައްތައިފައި އޮތް ދަލެއް އަތްމައްޗަށް ދެމުން މިސާލު: ދާކެހުން )51( ވިލާތައް ފަރާތްފަރާތަށް ޖެހުން މިސާލު: ވިލާކެހުން )61( ކުރުނބާއިން ހެވާ ނެގުން )71( އުސްކޮށް ހުންނަ ފަސްތައް ފަތުރައި އެއްވަރުކުރުން މިސާލު: ފަސްކެހުން )81( ރިޔާ ފަރުމާނު މައްޗަށް ބޮނޑިކުރުން މިސާލު: ރިޔާ ކެހުން )91( )ޏ ސ( ފުނާ އެޅުން މިސާލު: ބޯކެހުން )02( މަޖާޒު: ތުނބުޅި ބޭލުން
ކެނޑުން
މ (1) ގައިގެ ތަނެއް ތޫނު އެއްޗަކުން ކެފުން. (2) ކޮޅަށް ހުރި ގަހެއް ތޫނު އެއްޗަކުން ބުރިކުރުން. (3) އެއްޗަކުން އަނެކައްޗެއް އަޅައިގަންނާނެހެން ތަނެއްކޮށައި އުނިކުރުން. (4) ގަހެއްގެ ފަތެއް މަލެއް މޭވާއެއް ކޯޅިއެއްފަދަ އެއްޗެއް ތޫނު އެއްޗަކުން ވަކިކުރުން. (5) ބައެއް މޭވާ ކެއުމަށްޓަކައި ފަޅިކުރުން ނުވަތަ ބުރިކުރުން. (6) މޫދުމަސް ބޭނުމަށްޓަކައި ފަޅައި ކޮށުން. (7) ވަލެއް ރޮއްޖެއްފަދަ އެއްޗެއް ބުރިކުރުން. (8) ހިސާބުގެ އިޞްތިލާޙުގައި އެއް އަދަދަކުން އަނެއް އަދަދެއް ނެގުން. (9) ބައެއް ގޮވާން ވަނަށް އަޅައިގެން ތަޅައި ތޮށިފިލުވުން. ނުވަތަ ސާފުކުރުން. )01( ތާސްކުޅޭއިރު އަތްބައި ބެހެއްޓުމަށްޓަކައި ގަނޑުތައް އަތްމަތީ ބަހައްޓައިގެން އެއްކޮށްލައި އޮޅުވައިލުން. (11) ވޭވޭހުންނަ ބައެއް ކަންތައްތައް ނުވަތަ ހިނގަހިނގާ ހުންނަ ބައެއްކަންތައްތައް ހުއްޓުން. މިސާލު: )ހ( މުސާރަކެނޑުން. )ށ( ޚަރަދުކެނޑުން. (21) ދެމީހެއްގެ ދެމެދުގައި އޮންނަ ގާތްކަން ނެތިގެންދިއުން. މިސާލު: ގުޅުންކެނޑުން. )31( ވަކި އެއްޗެއް ފެހުމަށްޓަކައި އެއެއްޗަކަށް ބޭނުންވާގޮތަށް ފޮތި ކެފުން. މިސާލު: )ހ( ހެދުން ކެނޑުން. )ށ( ފަޓުލޫނު ކެނޑުން. )41( އެއްކޮށް އޮތް ފޮތިގަނޑެއްފަދަ އެއްޗަކުން ބައެއް ވަކިކުރުން. )51( ތޫނު އެއްޗަކުން ގުނަވަނެއް ނުވަތަ ގުނަވަނަކުން ބައެއް ބުރިކުރުން )61( އެމީހަކު ހުރި ކަމަކުން ވަކިވުން މިސާލު: )ހ( އޮފީހުން ކެނޑުން )ށ( މަދުރަސާއިން ކެނޑުން )71( ބަންދުކޮށްފައި ހުންނަ ބައެއް އެއްޗެހި ހުޅުވުން މިސާލު: )ހ( ސިޓީކެނޑުން )ށ( ފޮށިކެނޑުން
ކެރިހުރުން
މ (1) ކުޅަދާނަވެހުރުން (2) ތައްޔާރުވެ ހުރުން
ކެއުންގަނޑު
ނ ތައްޔާރުކޮށްފައިހުރި ކާއެއްޗެހިތަކެއް
ކެވެލި
ނ (1) އަތްފައިގައި އަޅަން ހަދައިފައި ހުންނަ ގަހަނާއެއް. މިއީ މަޢުދަނަކުން ނަރުދަމައިގެން އެނަރުން ގަތައިފައި ނުވަތަ ބޮޅު އަމުނައިފައި ހުންނަ އެއްޗެކެވެ (2) ގަހަނާއެއްގެ ގޮތަށް ނޫނަސް އެކިއެކި ބޭނުންތަކަށް ފަތިކޮށްނާއި ހަތަރު އަރިއަށް ނުވަތަ އެނޫން ސިފަސިފައަށް ތައްޔާރުކޮށްފައި ހުންނަ ހިމަފަށް (3) ފަންގިވިންނަ ކަނިވަޅު (4) )ހ ( ކޭލި
ކެމްޕޭން
ނ (1) ވަކި ކަމެއް ޙާޞިލު ކުރުމުގެ މަޤްޞަދުގައި ރާވައިގެން ހިންގާ ޙަރަކާތްތައް (2) ޢަސްކަރީ ނުވަތަ ސިޔާސީ ނުވަތަ އިޖްތިމާޢީ ނުވަތަ ވިޔަފާރީގެ ލަނޑުދަނޑިއެއް ޙާޞިލުކުރުމަށްޓަކައި ރާވައިހިންގާ ޙަރަކާތްތައް
ކެތިބޯދޮށަށްއެޅުން
މ މަޖާޒު: މުސްކުޅިވެގެންގޮސް ވިސްނުމުގެބާރުތައް ކޮށިވުން
ކެތް
ނ (1) ލިބޭވޭންތަކަށް ޝަކުވާ ނުކޮށް ހުންނަ ހުރުން (2) ހިތުގައި އުފެދޭ އަސަރުތައް މަތަކޮށްގެން ހުންނަ ހުރުން
ކެތްތެރި
ނއ (1) ލިބޭ ވޭންތަކަށް ޝަކުވާ ނުކޮށް ހުންނަ (2) ހިތުގައި އުފެދޭ އަސަރުތައް މަތަކޮށްގެން ހުންނަ
ކެތްތެރިކަން
ނއނ (1) ލިބޭ ވޭންތަކަށް ޝަކުވާނުކޮށް ހުންނަކަން (2)ހިތުގައި އުފެދޭ އަސަރުތައް މަތަކޮށްގެން ހުންނަކަން
ކެތްތެރިވުން
މ (1) ލިބޭ ވޭންތަކަށް ޝަކުވާނުކޮށް ހުރުން (2) ހިތުގައިއުފެދޭ އަސަރުތައް މަތަކޮށްގެން ހުރުން
ކެތްތެރިޔާ
ނ (1) ލިބޭ ވޭންތަކަށް ޝަކުވާ ނުކޮށް ހުންނަ މީހާ (2) ހިތުގައި އުފެދޭ އަސަރުތައް މަތަކޮށްގެން ހުންނަ މީހާ
ކެޔޮއަރި
ނއނ ކެޔޮގަނޑުގެ ވައްތައް އެއްކޮށްހުންނަބައި