radheef.info
ރަދީފު


ދޯ
އ އާނބަސް ބުނުވުމުގެ ގޮތުން ސުވާލު ކުރުމަށް ބޭނުންކުރާ ބަހެއް މިސާލު: އަހަރެން މިބުނީ ތެދެއްނޫންދޯ
ލާޖެހުން
މ (1) މަލާއި ލަކުޑިން ހަދައިފައި ހުންނަ ފަތާއި. ނާޅިއާއި ލާއްސާއި ފުރޯދަނޑި ފަދަ އެއްޗެހީގައި ލާހިންގުން ނުވަތަ ލާ ދުއްވުން. (2) އޮޑިދޯނި ފަހަރު ފަޅުގައި އަޅައިފައި ހުއްޓައި ދިޔަވަރު ހިކެމުން އަންނައިރު ރާޅާ އުފުލަ އުފުލައިފައި ވެލިގަނޑުގައި ފަށަން ޖެހުން
ލެއްވުން
މ (1) އެއްޗެއްގެ ތެރެއަށް އަނެކަޢްޗެއް ވެއްދުން (2) ޖަމާޢަތެއްގައި ހިމެނުން (3) އުނދޯލި ފަދަ ތަކެތި ހެއްލުން (4) ބައިވެރި ކުރުން
ލެފުން
މ (1) އުޅަނދުފަހަރު ދުއްވައިފައި އައިސް ބަނދަރުޖެހުން (2) އޮޑިދޯނިފަހަރު ފަޅަށްވަދެ ގޮނޑުދޮށާ ނުވަތަ ފާލަމާ ކައިރިވުން (3) ގާތްވުން (4) މަޖާޒު: )ސ ( ޖޯޑުވުން
ލޭކަރުވުން
މ މަސްދޯނިފަހަރުގެ ވަތުގައި އޮންނަ ދިޔަގަނޑުގައި ލޭކުލަ ހިފައިފައިވުން
ލޮނދިކަނދު
ނ އޮޑިދޯނިފަހަރު އެހެލައި ބާލާއިރު ބޭނުންކުރާ ރޯކަނދު
ލޮއްވުން
މ (1) ލޮވުން މިބަސް ކުރުވުމުގެ މާނައިގައި ބުނާގޮތް (2) )ގ ( އުނދޯލި ހެއްލުން
ލޮތާރި
ނ )ސ ( ނ (1) އޮޑިދޯނިފަހަރު ތަންތާނގައި އެޅުމަށްޓަކައި ބޭނުންކުރާ ފަސްދަތްލީ ނަގިއްޔެއް (2) )ހ ( ނަގިލި
ގަނޑުވަކަރެ
ނ )ގ ( އޮޑިދޯނިފަހަރު ބާވެގެން ބަނޑުފިލައިން ހަލާކުވާ ވަކަރު ގަނޑަކަށް ލައްވާ ވަކަރުގަނޑު
ގަނޑޮވަކަރޮލުން
މ )ޏ ސ ( އޮޑިދޯނިފަހަރުން ބާވެގެން ހަލާކުވާ ވަކަރުގަނޑަކަށް އަލުން ވަކަރުގަނޑެއް ލެއްވުން
ގަޅިބަޑި
ނ )ސ ( އެހެލައި ބޭލުމަށް ފަސޭހަކުރުމަށް އޮޑިދޯނިފަހަރުގެ ފަށަނާ ކަނދާ ދެމެދަށް ލައްވާ އެއްޗެއް
ގަމަށްދާނީ
ނ )ޏ ( އިހުގައި ވަދުދޯނިފަހަރުގައި ދިޔަހިއްކަން ގެންގުޅުނު އެއްޗެއް މިހުންނަނީ ނާށިންހަދައި ކުރުދަނޑިއެއްލައިފައެވެ
ގަމަތެ
ނ )ގ ( ދޯނީގެ ވަތުގައި ހުންނަ ދިޔަ
ގަމަތްޖެހުން
މ އޮޑިދޯނިފަހަރު ކޮޅުން
ގަދަން
ނ އޮޑިދޯނިފަހަރު ގޮނޑުދޮށަށް ބީއްސައިފައި ހަމަޔަށް ބެހެއްޓުމަށްޓަކައި ބިމަށް އެއްޗެހި ޖަހައި މަތިކަނާ އެއްކޮށް އަޅާއޮޅު
ގަދަންއެނބުރުން
މ ދިޔަވަރު ހިކި އޮޑިދޯނިފަހަރުގެ ފަށަން ބީހުމުން ފަރާތަކަށް އަރިވިޔަނުދިނުމަށް ދެފަރާތު ބިމަށް މުޑިޖަހައި އޮޑީގެ ހަފޮޅަށް އޮޅުއަޅައި ހަރުކުރުން
ގަތްކޮޅުމަޅި
ނ މިޔަރުގަތުމުން ދޯނި ކައިރިއަށް ގެނެސްފައި ވާގަނޑަކުން ނަނުމެދަށް ލައިފައި ހަދާމަޅިއެއް މި މަޅި ހެދުމުގެ ބޭނުމަކީ މިޔަރުގެ ބޯ މަޅީގެ ތެރެޔަށް ލައްވައިގެން ގެނެސް މިޔަރުގެ ފީކަރުގައި ބައްދައިގެން ދޯންޏަށް ނެގުމެވެ
ގަލަގަދި
ނ އޮޑި ދޯނިފަހަރުގެ ދިޔަވާ ތަންތަން ބެއްދުމަށް އަޅާ ގަދަފަދަ ފުޓުންޏެއް މިހަދަނީ ބަނބުކެޔޮ ގަހުގެ ކިރާއި އީޓުމުށީގެ ކުނޑި އެއްކޮށް ކައްކައިގެންނެވެ
ގަސްއަޅޯ
ނ )ބ ( އޮޑިދޯނިފަހަރުގެ ފަރުމާނަށް ފަޅައިގެން ބޭނުންކުރާ ވަރުގެ ފަލަ ނިކައަޅޯ
ގަސްފޭލި
ނ ރަސްރަނިކަނބަލުންގެ ސަންދޯއްޕުޅު އުފުލާއިރު ކުދި ބޭކަލުންގެ ކޮނޑުމަތީގައި އަޅާފޭލި
ގަސްގަނޑު
ނ (1) ބޮޑު ގަހެއްގެ މައިގަނޑު (2) އިންޖީނު ދޯނިފަހަރުގެ ނުވަތަ ކުދި ބޯޓު ފަހަރުގެ ބުރަފަތި ދަގަނޑު ހަރުކުރުމަށްޓަކައި ކޮޅުފަސްކޮޅު މައްޔަލާ ގުޅައިގެން އެތެރޭ ފަށަން މަތީގައި އަޅާ ލަކުޑި ގަނޑެއް