radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ކައްޓަލަ
ނ ފަލަމަޑީގެ ބާވަތެއް މިއީ ބިމުގައި ދުވަމުން ހެދޭ ވެލެއްގެ ގޮނޑިއެކެވެ މިގޮނޑި ފައިބަނީ ފަތުބުޑުންނެވެ މީގެ ބާވަތްތައް ވަރަށް ގިނައެވެ
ކައްޓަލަ މުގުރާން
ނ މުގުރާމުގެ ބާވަތެއް މިއީ ނަގޫފަތުގައި ކުރެހުމެއް ހުންނަ ރަތްކުލައިގެ މުގުރާމެކެވެ
ކައްޓެޅި
ނ ފަރުމަހުގެ ބާވަތެއް މިއީ ދިގުކޮށް ފަތިކޮށް ހުންނަ މަހެކެވެ އަނގައާއި ލޯބޮޑެވެ މަހުގެ ދަތްތައް ކޮޅަށް އޫވެފައި ވަރުގަދައެވެ މަހުގެ ކުލައަކީ ގަދަމުށިކުލައެވެ މުޅި މަހުގައި ވައިލެޓު ކުލައިގެ އޮފެއް ހުރެއެވެ
ކަމަންދު
ނ ޙަމަލާގައި ތިބޭ މީހުން އެކަކު އަނެކަކުގެ ކަރުގައި އަޅުވައިފައި ދަމައިގަންނާން ގެންގުޅުނު މަޅިއެއް މިއީ ކަނޑި ހަނގުރާމައިގެ ތެރޭގައި ކޮށް އުޅުނު ކަމެކެވެ
ކަފާޅަ
ނ ބޮލުމެދު މިއީ ޅައިރު ނާށިގަނޑު ނުބެދިހުންނަ މަޑު ހިސާބެވެ
ކަފާޅަކެކުން
މ އުމުރުން ގާތްގަނޑަކަށް 81 މަސްނުފުރޭ ކުޑަކުދިންގެ ބޮލުގެމެދުގައި މަޑުކޮށް ހުންނަ ތަންކޮޅު އުފުލި އުފުލިފައި އަޑިވުން މިއީ ގިނަކުދިންނަށް ޠަބީޢީގޮތުން ވާކަމެކެވެ
ކަފާސްތޮޅި
ނ މޫދުގައި އުޅޭ ތޮޅީގެ ބާވަތެއް މިތޮޅި ހުންނަނީ ބޮނޑިބަތް ތޮޅިފާޑަށް ތުންގަނޑުގެ ދެފަޅި އެއްވަރަށެވެ މިއީ ތުންދިގު ތޮޅީގެ ކުދި އެއްޗެހި ކަމަށްވެސް ބުނެއެވެ
ކަފިހިމަސް
ނ ފަރުމަހުގެބާވަތެއް މިއީ ކަނޑުގައި އުޅޭ ބޮޑެތިމަސްމަހުގެ ނިވަލުގައްޔާއި ކަނޑުގައި އޮޔާދާ އޮއިވާލި އެތިގަނޑުގަނޑުގެ ނިވަލުގައި އުޅޭމަހެކެވެ މަހުގެ ހުރަހަށް ކަޅުކުލައިގެ ފުޅާ ގަޅިތަކެއްހުރެއެވެ އަރިމަތީގައި ހުންނަނީ ރިހިވިދުން ކުލައެވެ މަހުގެ މަތީބައިގައި ނޫކުލައިގެ ކުދިލައްތަކެއް ހުރެއެވެ
ކަފިކޮޅު
ނ ނަކަތްތެރިން އިރުވަރު ބަލަން ބޭނުންކުރާ މިންގަނޑެއް މިއީ ޑަބްލިޔޫ އަކުރެއް ހެންހުންނަ ކުރެހުމެކެވެ މިއިން ބަލަނީ އަރަމުންދާނަކަތްތަކާއި ފައިބަމުން ދާނަކަތްތަކެވެ
ކަފުއޮޑި
ނ ކަލާސީން ދަތުރުކުރާން އަތޮޅު އަތޮޅުން ގެންނައޮޑިއެއް. މިއީ ވާރު ނެގި ޒަމާނުގައި ވާރުގެ ތެރެއިން ހިމެނިގެންވާ އެއްޗެކެވެ
ކަތިރިނދަލި
ނ ރިނދަލީގެ ބާވަތެއް މިއީއާދައިގެ ރިނދައްޔަށްވުރެ ހިމަދިގުކޮށްހުންނަ ރިނދައްޔެކެވެ މީގެ އެއްކޮޅުއޮންނާނީ ފަޅިބުރެއްގޮތަށެވެ އަނެއްކޮޅު ކުޑަކޮށް ތޫރިވާނެއެވެ މީގެދެފަޅިވަރު ހުޅުވައިލީމައި ފެންނާނީ ކޮކާހުންނަ ބައްޓަމަށްވުރެ ދިގުބައްޓަމެއްގެ ކޮކާލެއް ގޮތަށެވެ
ކަތީބު
ނ (1) މާލެފިޔަވައި ރާޖޭގެމީހުންއުޅޭ ރަށްރަށުގެ ވެރިކަމާ ހަވާލުކުރައްވައިފައި ހުންނަމީހާ. (2) އިހުގައި ހުކުރުނަމާދާއި އީދުނަމާދު އިމާމުވެކޮށް މަރުވާމީހުން ވަޅުލައިހެދުމަށް އިސްކޮށްފައިހުންނަ މީހާ
ކަތީބުބައި
ނ އިހުގައި ރަށްރަށުގެ ކަތީބުންނަށް އެރަށެއްގެ ރައްޔިތުންކުރާ މަސައްކަތަކުން ލިބޭއެއްޗަކުން އޮންނަބައި މިއީ ސައުވީސްބައިކުޅަ އެއްބައެވެ
ކަތުރު
ނ ދެފައިކަށިލީ ތޫނު ހަތިޔާރެއް މިއީ ބައެއްތަކެތި ކޮށާށާއި ކަފަން ގެންގުޅޭ އެއްޗެކެވެ މީގެ ތަފާތު ބާވައްތައް ހުރެއެވެ
ކަތުރުމަޑަ
ނ މަޑައިގެބާވަތެއް. މިއީ ކަނިފަށުގައި ހުޅުލައިފައި ލައްޕައި ހުޅުވާން ހަދައިފައިހުންނަ މަޑައެކެވެ
ކަތުރުފަނި
ނ (1) ތުންރަތްކޮށް ހުންނަ ހުދުކުލައިގެ ފަންޏެއް މިއީލަކުޑިއާއި ކަރުދާސް ފަދަތަކެތީގައި އަޅާފަންޏެކެވެ އަދި ފިޔަލައިގެން އުދުހޭ އެއްޗެކެވެ (2) މަޖާޒު: ދެމީހެއްގެ ދެމެދުގައި ފިތުނަ އުފައްދާ މީހާ
ކަލާސީ
ނ (1) ފުރާދުއްވާ އެއްޗެހީގެ ފަޅުވެރިން. (2) ބޮޑު ހަނޑުލާއި ބަނޑު ހަނޑޫ ގޭގެޔަށް ގެންގޮސް ދިނުމާއި އަދި މިނޫންވެސް ކިތައްމެކަމެއް ކުރާން ތިބޭ ރަސްމީ ބަޔެއް މިއީ ރަނަހަމައިދި ބޭކަލެއްގެ ދަށުގައިވާ އަށްގުރާބުގެ ފަޅުވެރިނެވެ
ކަލިމަތިމުގުރު
ނ )ހ ( ވަޑާންކަށީގައި ޖަހާން ގެންގުޅޭ ކުޑަ މުގުރު މިއީ ވަޑާންކުރާއިރު ގެންގުޅޭ އަތްމަތީ މުގުރެވެ
ކަލިޔާ
ނ (1) ގިތެޔޮ އަޅައިގެން ކައްކާބަތެއް މި ފޮނިކޮށް ވެސް ލޮނުކޮށް ވެސް ކައްކައެވެ ޢާންމުގޮތެއްގައި މިއީ ރަށްމާލޫދުގައި ހުންނަ އެއްޗެކެވެ (2) ބަށްޓާއި ކޭލުގައި އެއްގަމު ޖަނަވާރުގެ މޭބިސްކުރަނޑި އަޅައިގެން ކައްކާ ހިކިރިހައެއް
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ