radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ރާބޮނދި
ނ ތުން ދިގު ކުޑަ ދޫންޏެއް މިއީ ކޮށްޖަހާ ދޫންޏެކެވެ މީގެ ދެތިން ކުލައެއް ހުރެއެވެ
ރާބޯންދިނުން
މ މަޖާޒު: ދެރަކޮށްލުމުގެ ގޮތުން މީހަކާ ދިމާޔަށް ރާބޯށޭ ބުނުން
ރާކަސާލި
ނ )ށ.( ފަރުމަހުގެ ބާވަތެއް. މިމަހުގެ ހުރަހަށް ހުދުކުލައާއި ކަޅުކުލައާއި ރީނދޫކުލައިގެ ރޮނގުތަކެއް ހުރެއެވެ މިއީ ފަތިކޮށް ހުންނަ މަހެކެވެ
ރާއުނދުނުފަތަފޮޅި
ނ މަސްފަތަފޮޅި ފިހަން ފުށްގަނޑު މޮޑޭގޮތަށް މޮޑެފައި ފަތުގައި ޖަހައި ފަތާކޮށްލައިފައި މަތިން ފަތްގަޑެއްޖަހައި ހޫނުކޮށް ހުންނަ ރާއުނދުނުގެ އަޅިގަނޑުދަމައިގެންފައި އުނދުނުގެތެރޭގައި ބާއްވާއި މައްޗަށް ހޫނުއަޅިއަޅައިގެން ފިހާފަތަފޮޅި
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާޑި
ނ (1) އޮށްވަޅާއި ޖޯޑުބިޖޯޑާއި ބޮލިގަނޑުފަދަ ކުޅިވަރުގައި އަތް ހުސްވެގެންވާދެރަ (2) ކުރަން އުޅޭ ބައެއް ކަންތަކުގައި ކާމިޔާބު ނުވެގެންވާ ދެރަ (3) މީހަކާ ދިމާކޮށްލައިގެން އުޅެއުޅެފައި ގޮތެއް ނުވެގެންވާ ދެރަ (4) މީހަކަށް ނަސޭހަތްދީދީ ނާހައިގެން ދެން އަލުން ދޭނޭ ނަސޭހަތެއް ނެތުނީމާވާ ދެރައާއި ފޫހި
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ
ރިހައޮށް
ނ )ހ ( ގުޅަހަދަން ތައްޔާރުކުރާ މަސްގަނޑާ ފުށާ އެއްކޮށްގެން ހަދާ ކުދިކުދި ގުޅަ
ރިހަފަތަފޮޅި
ނ ގުޅަޔަށް އަޅާހެން މަސްމޮޑެގެން އެއަށް ހަވާދުލައި ގުޅަ ހަދާހެން ހަދާ ފަތާކޮށްލާފައި ފިހާ ފަތަފޮޅިއެއް މިގޮތަށް ހަދާއިރު ހަވާދު ނުލިއަސް ކިޔަނީ މިހެންނެވެ
ރިހަފޮޅި
ނ ވަޅޯމަހުގައި ހިކިކޮށް ކައްކައިފައި ހުންނަ ރިހައެއް އެތެރެޔަށް އަޅައިގެން ތައްޔާރުކުރާ ފޮޅި
ރިހާކުރު
ނ ގަރުދިޔަ ކައްކާ އޮލަކޮށްގެން ހަދާ ލައިގެން ކާއެއްޗެއް
ރިހާކުރުބަގީޗާ
ނ ކުރޯޓަންއާއިލާގެ ގަހެއް މިގަހުގެ ފަތް ހުންނަނީ ރީނދޫކުލައިގެ ތިކިތަކެއްޖަހައިފައި ފެހިކުލައިގައެވެ ބައެއްގަސްގަހުގެ ފަތް ހިމަދިގުކޮށް އަނެއްބައިގަސްގަހުގެ ފަތް ކުރުފަލަކޮށް ހުރެއެވެ މިގަހުގެފަތް ޗިސްކުރުމުން ރިހާކުރުވަސް ދުވައެވެ
ރިހާކުރުބޮނޑި
ނ ރިހާކުރަށް އަޅައިފައި ހުންނަ މަހުގެ ގުޅަ މިއީ ކަނޑުމަހުގެ ކަށިފަތި ކަހައިގެން ނަގާމަސްގުޅަ ވަށައިގެން ކައްކައި ހިއްކައިގެން ނުވަތަ ވަޅޯކޮށްގެން ހަދައިފައި ހުންނަ އެއްޗެކެވެ
ރިހާކުރުފޮޅި
ނ ރިހާކުރާއި ހަނޑުލުފުށާއި ކާށިހުނި އެއްކޮށް މޮޑެ ކެޔޮފަތުގައި ޖަހައިގެން ފިހާ އެއްޗެއް
ރިބު
ނ ނާފަހަރުގެ ރިޔާ ކުޑަކޮށްފައި ބަނުމަށް ރިޔަލުގައި ހަދައިފައި ހުންނަ އަނގޮޓިވަޅު
ރިއްމަސް
ނ މުށިމަހުގެ ސައިޒުގެ މަހެއް މިއީ މަހުގެ މަތީބައިގެކުލަ ނޫކުލައަކަށް ދާ ފެހިކުލައެއްގައި ހުންނަ އައިން އައިން ގަނޑަށް އުޅޭމަހެކެވެ މި މަސް އާއްމުކޮށް އުޅެނީ އެތެރެވަރީގެ ކަނޑުތަކުގައާއި ފުން ވިލުވިލުގައެވެ މިއީ ކަށިގިނަ މަހެކެވެ
ރިވާކުރުން
މ މީހަކު ދެއްކި ވާހަކައެއް ނުވަތަ ހިނގިކަމެއް އެދެއްކި ގޮތަކަށް ނުވަތަ އެހިނގިގޮތަކަށް ބުނުން ޢާއްމުކޮށް މިބަސް ބޭނުންކޮށްއުޅެނީ ކީރިތި ރަސޫލާގެ ސުންނަތަށް ނިސްބަތްކޮށެވެ
ރިވާޔަށްކިޔެވުން
މ ހަރުކޮށް ކިޔެވުން އެއީ ފޮތް ފޮށިކިޔާއިރު ކިޔަވާހެން އަވަސް އަވަހަށް ކިޔެވުމެވެ
ރިތްދަނޑިބައިން
ނ )ހ ( ރިތްތައް އެއްކޮށް އައްސާލުމަށްޓަކާ އޮޑިދޯނިފަހަރުގެ ހަފޮޅު ތޮރުފައިފައި ޖަހައިފައި އޮންނަ މާރުގަނޑު
ރިޒާވުކުރުން
މ (1) މުސްތަގުބަލުގެ ބޭނުމަކަށްޓަކައި އެއްޗެއް ރައްކާކޮށްފައި ބެހެއްޓުން (2) ޖާގައެއް ޚާއްޞަކުރުން