radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ފޮނިބުއިން
މ (1) ކޮކާ މާބުރު ފަދަތަކެތި މާމެލާމެލީގެ ކަރުގަނޑުގައި ހުންނަ ފޮނިކޮޅު ބޮއިލުން (2) ފޮނިކޮޅު ދަމައިގަތުން (3) މަޖާޒު: އުފަލާއި މީރުކަން ހޯދައިގަތުން
ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ފޮތަށްނެގުން
މ ނޯޓު ކުރެވިފައި ހުންނަ ތަކެތި ފޮތެއްގައި ލިއުން
ފޮތި
ނ (1) ފޭރާން. (2) ރޮދިން ވިޔެފައި ހުންނަ އެއްޗެއް. މިއީ ފޭރާމަށާއި އެހެނިހެން ބޭނުންތަކަށް ގެންގުޅޭ އެއްޗެކެވެ. (3) ބޯކިބާ އަނބު ފަޅޯ ފަދަ އެއްޗެހި ކަފައިފައި ހުންނައިރު އެއިން ބައެއް. (4) މަޢުދަނަކުން ނުވަތަ ލަކުޑިން ތުނިކޮށް ވަކި ސައިޒަކަށް ހަދައިފައިވާ އެއްޗެއް. (5) މަޢުދަނަކުން ނުވަތަ ލަކުޑި ފަދަ އެއްޗަކުން ދިގުކޮށް ނުވަތަ ތުނިކޮށް ވަކިކޮށްލެވޭ ބައެއް (6) ބައެއް ތަކެތި ކައްކާ އޮލަވީމާ އޭގެ ތެރެއަށް އުނދުޅިއާއި ދޭފަތް ފަދަ އެއްޗެއްލައިފައި ނެގީމާ އެއިން ފައިބާ އެތިއެތިކޮޅު
ފޮތިކެނޑުން
މ (1) ފޮތިފޭލިން ފޮތި ބުރި ކުރުން. (2) ތުނިކޮށް ހުންނަ ކުދި ވައް ގާކޮޅުކޮޅު މޫދުގެ ލޮނުގަނޑުގެ މަތީގައި ޖެހިފައި ފެންގަނޑު ކެފެމުން ދާގޮތަށް އުކުން (3) ބައެއް ތަކެތި ކައްކައި އޮލަވީމާ ދޭފަތުން ނުވަތަ އުނދުޅިން ނަގާއިރު އެ އެއްޗެހި ފޮތިފޮއްޗަށް ވެއްޓުން
ފޮތިއެޅުން
މ (1) އަންނައުނާއި ރިޔާފަދަ ތަކެތި ވީދުމުން އެތަނެއްގެ ބޮޑުމިނުގައި ވަކި ފޮތިކޮޅެއް އަޅައި ފެހުން (2) މަޖާޒު: ކަމެއް ފޮރުވައިލުން
ފޮތިފޮތިކުރުން
މ (1) ލަކުޑި ފަދަ ތަކެތި ކީހައި ފިލަޔަށް ހެދުން. (2) ބަނބުކޭލާއި ބަރަބޯ ފަދަ ތަކެއްޗާއި ކަރަޔާއި ފޭރާއި އަނބުފަދަ ބައެއް މޭވާ ފަޅިފަޅި ކުރުން. (3) ކޭކާއި ބޯކިބާ ފަދަ ތަކެތި ބައިބައި ކުރުން (4) ބައިބަޔަށް ކެފުން
ދަށުވަތް
ނ ތޮށައްޔާއި ސާންތިފަދަ ތަކެތި ވިޔާއިރު ދަށުން ނަގާވަތް
ދަށްބޫރަ
ނ ތޫނުކޮށްގެން ގެންގުޅޭ ތަކެތި ކޮށިވުމުން އެތަކެއްޗާމެދު ބުނާގޮތެއް މިސާލު: މިހީވަނީ ކޮށިދަށް ބޫރައެއް ހެންނެވެ
ދަށްދަށުންދިއުން
މ ފުރާދުއްވާ ތަކެތި ރަށްރަށާއި ފަރުފަރާއި ފަޅުފަޅުގެ ވައިދަށް ފަރާތުން ދަތުރުކޮށް ދިއުން
ދަނޑުއެންދުން
މ ދަނޑުކޮށައިގަސްތައް ހިކުނީމާ އެތަކެތި އެންދުން
ދަންދެލި
ނ (1) ފިހާތަކެތި ބޭނުން ނުހިފޭވަރަށް އަނދައި ދެއްޔަށްވާވުން (2) )މ ( އެއްޗެއްމާބޮޑަށް ހިކިހަރުވުން މިސާލު: ހިކި ދަނދެލިކާއްޓެއް
ދަރަނަ
ނ (1) ތަނަކަށް ނިސްބަތްވާ ހުރިހާ ތަކެތި (2) ޢިމާރާތާގުޅޭ ހުރިހާ ތަނެއް
ދަރަނިކާޑު
ނ ދަރަނީގެ ގޮތުން ސަރުކާރުން ރައްޔިތުންނަށް ދޫކުރައްވާ ހަނޑޫ ހަކުރު ފުށް ފަދަ ތަކެތި
ދަރީން
ނ (1) ތިމާގެ އުފަން ކުދީން (2) އެޖަނަވާރެއް ނުވަތަ އެއެއްޗެއް ބަނޑުއަޅައި ވިހޭ ތަކެތި (3) މަޖާޒު: ތަނުގެ އަހުލުވެރިން
ދަރު
ނ (1) އަންދަން ބޭނުންކުރާ ލަކުޑިފަދަ ތަކެތި (2) ހަމަރިޔަލާއި ފޭލި ކޮށިކޮށްލުމުގެ ގޮތުން އޮޅައިލާބައި (3) އަރިޔަންލިޔުމާއި ދިގުހަރު ލިޔުމުގައި ބޭނުންކުރާ ކަށިފަދަތަކެތީގެ ކޮޅުފަތިކޮށްލައި އެއްފަރާތަކަށް ލަނބައި މިޔައަޅައިފައި ހުންނަބައި (4) ފޮނުމަތުގެ ކަށީގެ ކޮޅުގައި ދެފަރާތަށް އަޅައިފައި ހުންނަ މިޔަ (5) ބދ ކުދި ދަގަނޑުކޮޅު
ދަރުކޮށުން
މ ދަރަށް ބޭނުންކުރާ ތަކެތި ކަނޑައި ބުރިކުރުން
ދަރުމަކުރުން
މ ރުއްގަސްފަދަ ތަކެތި ސަބީލަކުރުން
ދަބަސް
ނ އަތްމަތީގައި ގެންގުޅޭ ތަކެތިލާން ހަދައިފައި ހުންނަ އެއްޗެއް މިހަމާއި ފޮތިފަދަ ތަކެތިން ތަފާތުގޮތްގޮތަށް ހަދައިފައިހުރެއެވެ
ދަޅުކާނާ
ނ ދަޅުގައި ބަންދުކޮށްފައިވާ ކާތަކެތި