radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ކަށިގޯނބިލި
ނ ބޭހަށް ބޭނުންކުރާ ކުޑައޮށެއް މީގައި ހުންނަނީ ކަށިތަކެއް ފަޅައިފައެވެ މިއީ ވެލެއްގައި އަޅާ އެއްޗެކެވެ މިވެލުގައި އަޅާ މާ ހުންނަނީ ރީނދޫ ކުލައިގައެވެ
ކަށުނަމާދު
ނ މައްޔިތާގެ މައްޗަށް ކުރާނަމާދު
ކަށްޑެވި
ނ (1) ފޮއްސިވާ ބައްޔެއް ޖައްސާކަމަށް ހީކުރާ ޚިޔާލީ ފުރޭތައެއް މިއުޅޭކަމަށް ބުނެވެނީ ޤަބުރުސްތާނުގައެވެ (2) ގަބުރުސްތާނު ތެރޭގައި އުޅޭކަމަށް ފަންޑިތަވެރިން ބުނާ ދެތްވެއް
ކަނބާދި
ނ (1) އިހުގައި ދަތުރަށް އަރާ ވަޑައިގަންނަވާ ދޮރޯއްޓާއިދިމާ ގޮނޑުދޮށުގައި އަރާ ފައިބާން ބިންގަޑު ކަތިކޮށް ހަދާފައި އޮތްތަނެއް (2) ގޮނޑުދޮށުގައި ބޮއްކުރާލަފައި މީހުންފައިބާ އުޅޭން ހަދައިފައި އޮންނަ ކެންޑުން
ކަނބުރުއުނދުން
ނ ދަގަނޑު ތަޅާމީހާ ދަގަނޑު ދޮންކުރާން އަލިފާން އަންދާތަން
ކަނދިކަމަނާމަސްތެލުލުން
މ )މިސާލުބަހެއް( ތިމާކުރާން އުޅޭ މަސައްކަތުގެ ގިނަބައި ތިމާއިންތާ އިނދެގެން އެހެން މީހުންލައްވައި ކުރުވައިފައި މިކުރިކަމެއް ރަނގަޅުވެއްޖެއްޔާ ތިމާ ކުރިކަމެއް ކަމުގައި ހަދައި ނުބައި ވެއްޖިއްޔާ އެހެންމީހުން މަތީއެޅުވީމާ ދީ އުޅޭ މިސާލެއް
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނދުފަތި
ނ (1) އެއްކޮޅު ނުވަތަ ދެކޮޅު ނަރުވިލިކޮށް ހަދައިފައި ހުންނަ ލަކުޑިތަކެއް އެއްކޮށް ބަނދެ ފެނުބާރު ހިފާގޮތަށް ހަދައިފައި ހުންނައެއްޗެއް މިގިނައިން ގެންގުޅެނީ ފަޅުތެރޭގެ އެކިއެކި ބޭނުމުގައި ދަތުރުކުރާށެވެ (2) ފެނުބާރު ހިފާގޮތަށް ހަދައިފައި ހުންނަ އެއްޗެއް މިއީ އެއްޗެހި އުފުލުމަށް ކަނބާފައި ގެންދާ އެއްޗެކެވެ (3) މަޖާޒު: ހިތާވެގެންއުޅޭ ދެމީހުން ދޭތެރޭ ހިނގާމީހާ
ކަނޑަ
ނ )ޅ ( ފޭރާންކުރާއިރު ވިޔުން ބަދަލުކުރާން ގެންގުޅޭ ފަތިގަނޑު
ކަނޑައެޅުން
މ (1) ކަމެއްވަކިގޮތަކަށް ނިންމާން އެއްބަސްވުން (2) ކަންކުރާނެ ގޮތް އެކަށައެޅުން
ކަނޑި އެނބުރުން
މ ކުޅިހުއްޓާ ރޭ ބަންޑާރަކޮށީ މީހަކު ދެމިޔައެޅި ދެކަނޑި ދެއަތުން އަނބުރަމުން ކުރާ ހެވިކަމެއް މީ ކަނޑިހެވިކަމުގެ ވަރަށްބޮޑު ކަމެކެވެ މިކަންތައް ކުރާނީ ކޮށީގެ އިސްދަރިވަރެކެވެ
ކަނޑި މިޔަރު
ނ ނިގޫފަތުގެ މަތީބައި ކަނޑިޔެއްހެން ހުންނަ މިޔަރެއް. ނިގޫފަތުގެ މިބައިގެ ދިގުމިން މުޅިމިޔަރުގެ ހަށިގަނޑުގެ ދިގުމިންވަރުވެއެވެ އާއްމުކޮަށް މިއުޅެނީ އަތޮޅުން ބޭރުގައެވެ މިއީވަރަށް ބާރަށް ދަތުރުކުރާ ވަރުގަދަ މިޔަރެކެވެ
ކަނޑިންމާއުޅާގަނޑު
ނ (1) މާލޭކަނޑިންމާ ބަންދުކޮށް ހުޅުވައިއުޅުނު ޒަމާނުގައި ދެފަރާތު ފައިކަށީގައި ޖަހައިފައި ހުރި އަރުގޯލައިގެ އުޅައްގަނޑު (2) މަޖާޒު: އަބަދު އަނގަ ގަދަކުރާމީހާ
ކަނޑިންޖެހުން
މ ހެވިކަން ދަސްކުރާން ކަނޑީން އެއްޗެހި ބުރިކުރުން
ކަނޑިބުރި
ނ ތިލަ އިތިކޮށް ކޮޅުކައްޗަށް ބުރިކޮށްލައިފައި ހުންނަ ވަޅިއެއް މި ވަޅި ބޭނުންކުރަނީ ކަތިވަޅިން ކުރާ ކަންތައްތަކަށެވެ
ކަނޑިފާރުބޭސް
ނ ތޫނުއެއްޗިހިން ކެނޑޭ ތަންތަނަށް ކުރާ ދިވެހިބޭސް
ކަނޑީރަސްގެއެއްކަހަލަ
)މިސާލުބަހެއް( މާރުޅިގަދަ ގޮތްދޫނުކުރާ މީހުންނާ މެދު ބޭނުންކޮށްއުޅޭ މިސާލުބަހެއް
ކަނޑުހަންޑި
ނ ކަނޑުން އަރާކަމަށް ހީކުރާ ޚިޔާލީ ފުރޭތައެއް
ކަނޑުއޮޅި ދަތުރު
ނ މީހަކު ނުވަތަ ސިޓީއެއް ފަދައެއްޗެއް ގެންގޮސްލާން އެއްރަށުން އަނެއްރަށަށް ކުރާ ބަންޑާރަ ދަތުރު މިދަތުރުގައި ގެންދަންވީ އެއްޗެއް އެންމެ ކައިރީގައި އޮންނަ ރަށަށް ފުރާތަކުރުމުން އެ ބައެއްގެ ކިބައިން ނިމުނީއެވެ
ކަނޑުފޭރުން
މ ކަނޑުދަތުރުކުރާ އުޅަނދުފަހަރަށް ގަދަކަމުން އަރައި އޭގައިހުންނަތަކެއްޗާއި މުދަލާއި އަދި ބައެއްފަހަރަށް އުޅަނދުވެސް އަތުލައިގަތުން