radheef.info
ރަދީފު


ބަ
އ އައްބަ
ހުޅަތް
ނ (1) ވައްބަސް (2) ކަތިބަސް
ހުޅި
ނ (1) ޒީނަތަށް ބޮލުއިސްތަށިގަނޑުން ޖަހާ ގޮށް (2) ގުޅަކޮށް ހައްޔަރުކޮށްފައި އޮންނަ އިސްތަށި ގަނޑު (3) އަންހެނުންގެ ރުމާއޮޅާން ކައްޗޭ ބޯފަދަ ތަކެތީގައި ފޮތީން ބަންނަ ބޮނޑި (4) ބައެއް ދޫނީގެ ބޮޅުގައި ވަކީން އުފުލިފައި ހުންނަ ފަތްކޮޅު (5) ސިންގާ އަސްފަދަ ތަކެތީގެ ކަނދުރާމަތީގައި ވަކީން ދިގުކޮށް އޮންނަ ކެހެރިގަނޑު (6) )ޏ ސ ( ނާޅި ލާހިފަދަ ތަކެތީން މިނާއިރު އުސްތުނބަށް ހުންނަތަން (7) ރާޅު އުފުލިގެންދާއިރު ވަކީން އުސްކޮށް ހުންނަތަން
ހުޅުހުޅު
ނ ހުޅު މިބަސް ގިނަކުރުމަށް ބޭނުންކުރާ ގޮތެއް
ހުޅުބަލިފެލާ
ނ )ޏ.ސ.( ޗަސްބިމުގައި ހެދޭ ވިނައެއް )މިވިނަގަސް ހެދެނީ ބަދަބަދައަށެވެ. ވެލެއްހެން ހެދޭ މިވިނަގަސް ބިންމަތީ ދުވަމުން ދާއިރު ބަދަވަޅުތަކުން މޫފައިބަމުންދާނެއެވެ މިއީ ވަރަށް އަވަހަށް ހެދޭ އަދި ގިނަވާ ވިނައެކެވެ މިގަސް ބިމުން ލުހެލަން އުޅެފިނަމަ ބަދަވަޅުތަކުން ބިންދަ ބިންދައިގެންދާތީ "ހުޅުބަލިފެލާ" އޭކިޔަނީއެވެ
ހުޅުއެޅުން
މ އެއްރަށަކުން އަނެއްރަށަކަށް އަންގާން އަލިފާންދެއްކުން މިކަން ކޮށްއުޅެނީ ކޮންމެވެސް ބޮޑު ޚަބަރެއް އެންގުމަށެވެ
ހުޅުވައި
ނ (1) ރާއްޖެބަލީގެ ވަޔެއް (2) ދުޅަނުވެ ހުޅުހުޅުގައި ރިހޭ ބައްޔެއް
ހުޅުދުޅަވުން
މ ދޯނގިބަލި
ހުޅުގަނޑު
ނ ރޯވެގެން އަރާ އަލިފާން މިސާލު: )ހ( ބައްތީގެ ހުޅުގަނޑު )ށ( އުދުނުގެ ހުޅުގަނޑު
ހުކުރު ހެދުން
ނ (1) ހުކުރަށްދާން އަޅާ ހެދުން (2) މަޖާޒު: އަވަހަށް ބަދަލުވާ ބަދަލުވުމާމެދު ދޭމިސާލެއް މިސާލު: އިރުވައި ވިއްސާރައެކޭ ހުކުރު ހެދުމެކޭ އެއްގޮތެވެ
ހުކުރުފަނި
ނ )ސ ( (1) ބިމުގައިއުލޭ ރަތްކުލައިގެ ފަންޏެއް (2) އިހުގައި ކޮންމެ ހުކުރުވިލޭރެއަކު މަޣުރިބުނަމާދުން ފޭބީމާ މިސްކިތްދޮށުގައި ބަހައި އުޅުނު ފަންޏެއް
ހުކުރުޙަދީޘް
ނ ހުކުރުނަމާދަށް ބަންގިދީފައި މީސްތަކުންނާ ދިމާޔަށް އެނބުރިހުރެ މާމުދިންމީހާ ކިޔައިއުޅުނު މަޝްހޫރު ހަދީޘް
ހުކުރެދި
ނ ބޭހަށް ބޭނުންކުރާ ފަތްޕިލާވެއްޔެއް މިއީ ގާތްގަޑަކަށް ދެފޫޓުބަޔަށް ހެދޭގަހެކެވެ ފަތްތައް ހުންނާނީ ކުރަދިފަތާއި ވައްތަރުކޮށް އެއަށްވުރެ މާތުނިކޮށެވެ
ހުއިހެއްޕުން
މ ގެރިބަކަރިފަދަ ތަކެތި ވިނަކާން ވިނަގަނޑަށް ގެންދިއުން
ހުއިވަކި
ނ (1) މޫދުގެ ހުއިގަހުގައި އަޅާއޮށް (2) )ހ ( ބަތާވިގާ
ހުއިވަކުބަލި
ނ ފުރަގަސްފަރާތުގެ ބަލީގެ ބާވަތެއް މިބަލިނަގަނީ ފުރަގަސް ފަރާތު ދޮރުގެ ކައިރިފަށުގައި އުހިވަކެއް ހެންނެވެ އެއީ "ހުހިވައް" މިކިޔާއެއްޗެކެވެ
ހުއިފަތުފިލޮޅު
ނ ފިލޮޅުގެ ބާވަތެއް މިމަހުގެ ތުން ދިގުވެފައި މަހުގެ ހަށިގަނޑުގައި ހުންނަ ހުޅުބުތައް ހަރުވެފައި ބޮޑެއްޗެވެ މަހުގެ ބޮލުގެ މަތީބަޔާއި ކަރުތާފަތް އަދިކަންފަތްގަނޑުގެ ބުޑުދޮށުގައި ހުޅުނބެއްނުހުރެއެވެ މިމަހުގެ ކުލައަކީ މުށިކުލައެވެ
ހުއިފިލަނޑާ
ނ މޫދުގައިއުޅޭ ދިރޭ އެއްޗެއް މީގެ ތަފާތު ވައްތަރުތައް ހުރެއެވެ ބައެއް އެއްޗެހި ކަޅުކުލައިގައި އުންފަޅައިފައި އަނެއްބައި އެއްޗެހި ކުކުޅުބިސް ކުލައިގައި ކަޅުލައް ޖަހައިފައިހުރެއެވެ މީގެތެރެއިން ބައެއް އެއްޗެހީގެ ބަނޑުގައި ބިއްލޫރި ކުލައިގެ ހިމަދިގު މަހެއް އޮވެއެވެ
ހުއްބުކޭން
ނ ހުއްބުކިޔަވާ މީހާއަށް ކައްކާ ބަދިގެއިން ގެންދާ ބޮނޑިބަތް މަލާފަތެއް
ހުއްދަބަލައިދިއުން
މ ގަނޑުވަރުތެރޭ ބޭފުޅުންނާއި ދައުލަތުގެ ކުރިޔަށް ތިއްބެވި ބޭފުޅުން ތިއްބަވާ ތަންތާނގެ ކައިރީގައި ތިބޭމީހުން އެބޭފުޅުން ތިއްބަވާ ތަންތާނގެ އެތެރެފެންނަވަރުގެ އުސްތާކަށް އަރަން ޖެހިއްޖިއްޔާ އެކަމުގެ އިޒުނަ ހޯދަން އެތަންތަނަށް ދިއުން
ހުއްދަފަތާ ނިކުތުން
މ އިހުގައި ހުއްދަފަތާއި ޚިލާފަށް ހިނގާ ކަންތައް މަނާކުރުމަށް ވެރިކަމުގެ ފަރާތުން ބަޔަކު ނެރުން