radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބަރަފައި
ނ )މ ( ކަކުނީގެ ދާނަދަތްގަނޑު ކަކުނީގެ މެދުތެރޭގައި ހުންނަ ބޮޑުދެދަތްގަނޑު
ބަރުކޮލި
ނ މުޑަހަނދީގެ ބޮޑެތި ވައްތަރު. މިއީ އަނގަބޮޑު ތުންކުރު ފަތިމަހެކެވެ. މިމަހުގެ މެދުން ފެށިގެން މަތީބައިގައި ހުންނަނީ އަޅިކުލައެވެ ތިރީބައި ހުންނަނީ ހުދުކުލައެއްގައެވެ
ބަރުވެލި
ނ ކަކުނީގެ ފާޑަށް ދަތްގަނޑާއި ފައިތައް ހުންނަ ބިމުގައި ކޭއްތެމުން ދުވެއުޅޭ ދިރޭ އެއްޗެއް މިއީ އޭގެ ފޫޅުގަނޑު ނިވާކުރުމަށް އެކިބާވަތް ބާވަތުގެ ތޮށިގަނޑުގަނޑަށް އެރިގެން އުޅޭ އެއްޗެކެވެ
ބަރުގޮނު
ނ (1) އިޝާރާތެއްގެ ގޮތުން އަންގައިލުމަށްޓަކައި އަޑުއިއްވަން ބޭނުންކުރާއެއްޗެއް (2) މީހުން ސަމާލުކުރުވުމަށް އަޑެއް ގޮއްވާލުމަށް ބޭނުންކުރާ އެއްޗެއް އެންމެ އާންމުކޮށް މިބޭނުންކުރަނީ އެއްގަމުގައި ދުއްވާ އެއްޗެއްސާއި ކަނޑުގައި ދުއްވާ ބައެއް އުޅަނދު ފަހަރުގައެވެ
ބަބުރުހަނދި
ނ ފަނިހަނދީގެ ބާވަތެއް މިއީ މުޑަހަންޖާ ވައްތަރު ގަދައަޅިކުލައިގެ މަހެކެވެ މިމަހުގެ އަނގައިގެ މަތީ ތަލީގައި ދެބަރިއަކަށް ދަތްހުރެއެވެ އެއީ ކޮޅަށް އޫކޮށް ވަރުގަދައަށް އުފެދިފައި ހުންނަ ދަތްބަރިއަކާއި އޭގެ އެތެރޭން ހުންނަ ކުދި ދަތްބަރިއެކެވެ ތިރީބައިގައި ހުންނަނީ ގަދަފަދަ ދަތްބަރިއެއް އެކަންޏެވެ މިމަހަށް "ކަޅަހަނދި" ވެސް ކިޔާއުޅެއެވެ
ބަބުރުފަޅޯ
ނ ދޮންވީމާ ވަރަށް ފަނޑު ރިއްސެޔޮކަމެއް ނޫނީ ފާޅުނުވާ ވަރަށް ގަދަކަޅު ފެހިކުލައެއްގެ ފަޅޮލެއް ފަޅޮލުގެ ސިފަ ހުންނާނީ ދިގުކޮށް ހުރެފައި ފޫވަށްކޮންނެވެ
ބަބުރުތިންހަމަ
ނ ރާއްޖޭގައި ކުޅޭ އާދައިގެ ތިންހަމަ މިކުޅިވަރުގައި ހަމަޔަށް އެޅުނު ކަމަށްވަނީ ތިން ފުއް ދިމާވީމައެވެ
ބަޅެބޮލާ
ނ )ގ ( އޮޑިފަހަރުގެ ދިރުނބާކޮޅު މުލައްގަނޑު )މީގެ ކޮޅުއޮންނާނީ ވަށްކޮށްލައިފައެވެ
ބަކަރި
ނ ބަނޑުއަޅާވިހާ ޖަނަވާރެއް މިއީ ހަތަރު މޮށްގަނޑުޖެހި ޖަނަވާރެކެވެ މީގެ ކެހެރިތައް ހުންނާނީ ކުރުކޮށް ފަންކޮށެވެ މިއީ އޭގެކިރާއި މަހުގެ ބޭނުމުގައި ކާންދީ ބޮޑުކޮށްގެން ގެންގުޅޭ ޖަނަވާރެކެވެ މިޖަނަވާރުގެ ފިރިހެން ޖިންސުވަކިކުރަން ބޭނުންނަމަ ކިޔައިއުޅެނީ "ގިތެޔޮ" މިހެންނެވެ
ބަކަރިދަނޑި
ނ ފުޅައްއަޅާއިރު ދުރުކޮށް ހުންނަ ދޭތެރެ ދޭތެރޭގައި މެދުކެހަޔާ ހަމައަށް ބަހައްޓައިފައި ހުންނަ ދަނޑި ބުރިބުރި މިބަހައްޓައިފައި ހުންނަނީ ބަކަރި ވަދެދާނެތީއެވެ
ބަކަރިދަނޑި ބެހެއްޓުން
މ (1) ފުޅަށް އަޅާއިރު ބަކަރި ދަނޑިލުން (2) މަޖާޒު: ނަހަލާލަށް ބަލިވެއިނީމާ އެކަން ފޮރުވާން މީހަކާއިނުން (3) ފަށްކެނޑުން
ބަކާވެލީމާ
ނ މީރުވަހެއްދުވާ ހުދުކުލައިގެ މަލެއް މިމާ އަޅާގަހުގެ ގަސްގަނޑު ހުންނާނީ ރީނދޫ ކުލައިގައެވެ
ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
ބައިތުބާޒީ
ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތު ކިއާކިއުން. އެކަން ކުރާ ގޮތަކީ އެއްކޮޅުން އެކަކު ޅެންބައިތެއް ކިއުމުން އެބައިތު ހުއްޓުނު އަކުރަކުން އަނެއްކޮޅުން އަނެކަކު ޅެންބައިތެއް ފަށައިގެން ކިޔަނީއެވެ
ބައިސިކަލު
ދެފުރޮޅުލީ ދުއްވާ އެއްޗެއް މިއީ އޭގެ މައްޗަށް އަރައިގެން ދުއްވާ އެއްޗެކެވެ މިދުއްވަނީ ފުރޮޅު އަނބުރަން ހަދައިފައި ހުންނަތަން ފައިން އަނބުރައިގެންނެވެ
ބައްއަޑު
ނ (1) ބަންދުގޮތް ހުންނަ އަޑު (2) ކަންފަތަށް ފެންއެޅުނީމާ އެއިވޭ ކަހަލަ އަޑުއަޑު
ބައްދާރަންކަރު
ނ ރަންރިހި ބެއްދުމަށާއި ބޭހަށް ބޭނުންކުރާ މައުދަނީ އެއްޗެއް
ބަމަ
ނ (1) މިންއަޅާންގެންގުޅޭ މިނެއް މީގެ ދިގުމިނަކީ ތިންރިޔަނާ އަށް އަނގުލެވެ މިމިންބޭނުންކުރަނީ ފެނުގެ ފުންމިން ބެލުމަށާއި ބިމުގެ ބޮޑުމިން ބެލުމަށެވެ (2) ދެއަތް ދެފަރާތަށް ދަމާލީމާ އެއްއަތުކޮޅުން އަނެއްއަތުކޮޅާ ދެމެދު
ބަދަބަދަވެޔޮ
ނ ތަނޑުގަނޑު ހަތަރުއަރިއަށް ބަދަބަދައަށް ހުންނަވެލެއް މީގެ ކޮންމެ ބަދައަކުން ކުޑަފަތެއް ފަޅަމުން ހެދެއެވެ މިހެދެނީ ވެލަނބުލިވެޔޮ ފާޑަށެވެ މިވެލުގެ ތަނޑުގަނޑު ވަރަށް މަޑުވާނެއެވެ
ބަދުރާމަހުކޮލި
ނ )މ ( ކޮލީގެ ބާވަތެއް މިއީ ފަޅުފަޅުގެ ފުން ހިސާބުގައި ވިލުވިލުގައި މަދުމަދުން އުޅޭމަހެކެވެ މިމަހުގެ ބޭރުފަރާތް ހުންނާނީ ހުދުކުލައާއި ކަޅުކުލައިން އެކުލެވޭ މަންޒަރުތަކެއްގެ ސިފައިގައެވެ