radheef.info
ރަދީފު


ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
ފޫޅަށްވައިއެރުން
މ ތިމާ އަރާއިން ނުވަތަ އަރާހުރި އެއްޗެއް މަތިން ތިރިއަށް އަންނައިރު ފޫޅަށް ވާއި އިޙްސާސެއް
ފޫޅު
ނ (1) އިންސާނުންގެ ބަނޑުގެ މެދުގައި އަޑިވެލާފައި ހުންނަތަން މިއީ ބަނޑުގައި އޮންނައިރު މަހުގެ ފޫޅުދަނޑި ގުޅިފައިވާ ތަނެވެ (2) ވިހާއިރު އޮންނަފޫޅު ދަނޑި ކަނޑާލީމާ އޮންނަ ތަންކޮޅު (3) މަޖާޒު: ބަލިކަށި (4) ވާދަކޮށްގެންވާ ދެރަ
ފޫކިބަ
ނ (1) ކާށި ބިދެފައި އޮންނައިރު ލޯ ނުހުންނަބައި (2) ފާރޮށިޖޯޑުގެ މަތީ ކިބަ (3) މަލާފަތް ފަދަ ތަކެތީގެ ދަށުކިބަ (4) ދެބަޔަކަށް ހަދާފައިވާ ތަކެތީގެ ވަތުކިބަ
ފޫދުން
މ (1) ފެނުގައި ގިނައިރު އޮތުމުގެ ސަބަބުން އަތްފައި މޭލިވުން (2) ފެނަށް ލައިގެން ފާރުގަނޑު ފަދަ ތަންތަން ފޯކުރުން (3) ދިޔަވަރު ބޮޑުވުން
ފޫގެޅުވުން
މ ފޫގެޅުން މިބަސް ކުރުވުމުގެ މާނައިގައި ބުނާގޮތް
ފޫޓުމަސް
ނ (1) އެމުގެ ބާވަތެއް މިއީ ފެނާއި ލޮނުގައި ދިރިއުޅޭ ފެހި މުށިކުލައިގައި ހުންނަ ހުލުނބުތަށް ބޮޑެތި މަހެކެވެ ގިނައިން މިމަސް ދިރިއުޅެނީ ކުޅިކުޅީގައެވެ މި މަހަށް ފޫޓުމަހޭ ކިޔަނީމިމަސް ފޫޓެއްހާ ވަރަށް ބޮޑު ވާތީއެވެ (2) ތެލާޕިޔާ
ފެހިވިނަ
ނ ނަންބަރު ވިނައިގެ ފެހިބާވަތް
ފެންހިންދާވަޅުގަނޑު
ނ (1) ވަޅުގަނޑެއް ކޮނެ އާނުކަނޑައި ވަށައިގެން ރާނައި މައްޗާ ހަމަކޮށް އަޑިއަށް އަކިރި އަޅައިފައި ހުންނަ ވަޅު (2) ތިލަކޮށް ކޮނެލައިފައި އަކިރި ނުވަތަ ގައު އަޅައިފައި ހުންނަ ތަން
ފެންނަގާސަރަކަ
ނ ކުރީޒަމާނުގައި ފެންގިނައިން ނަގަންޖެހޭ ވަޅުވަޅު ކައިރީ ފެންނަގަން ހަދައިފައި ހުންނަ އެއްޗެއް
ފެންކެނޑިޔަށް
މ މަޖާޒު: އެއްޗެއް ބޭނުންވެގެން އުޅޭވަރަށްވުރެ މާގިނައިން ގެނައުމުން ބުނެއުޅޭ ބަހެއް
ފެންކޯސަޅަ
ނ )ސ ( (1) އެއެއްޗެއްގައި ހުންނަންވާ ވަރަށްވުރެ ގިނައިން ފެން ހުންނަ ކާއެއްޗެހި (2) ގިނައިން ފެންބުއިމުން ފުފޭ މަހެއް
ފެންފުށްޓަށް މަހާނަގާ ވިއްކުން
މިސާލު: އެއްޗެއް އެންމެގިނައިން އުފައްދާ ނުވަތަ އުފެދޭ ތަނަކަށް އެބާވަތުގެ އެއްޗިހިތަކެއް ހިފައިގެން ވިއްކަން ދިޔައިމާ ބުނާގޮތެއް މިސާލު: ތިޔައުޅެނީ ފެންފުއްޓަށް މަހާނަގާ ވިއްކަންތާއެވެ
ފެންފޮދުބަޑި
މ ގަނޑުވަރުތެރޭ ބޭފުޅުން ރައްކާވެގެން އަންނަ ސަމާގެ ދުވަސްވަރު ދުވާލު ދެއިރުޖަހާ ބަޑިއެއް. މިބަޑިޖަހާނީ ފިރިހެން ބޭފުޅަކަށް ނަމަ 7 ބަޑި އަންހެން ބޭފުޅަކަށްނަމަ 5 ބަޑިއެވެ މިއި ނައިނޭ ފިއްލަވާ ވަގުތު ޖަހާ ބަޑިއެކެވެ
ފެންފޮދުއޮޑިކޮޅު
ނ އިހުގައި ގަނޑުވަރުތެރޭ ބޭފުޅުން އާލާސްވެއިންނަވާ ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތުން ފެން ފޮދު ބަލައިދާ އޮޑި މިފެންފޮދު ގެންނަނީ އެބޭފުޅަކު ނައިނެ ފިއްލެވުމަށެވެ
ފެއްތުން
މ (1) ފެންގަނޑެއްގެ ނުވަތަ ކަނޑުގެ އަޑިޔަށް ގެންބުން (2) ބާރުކޮށް ހުންނަ ގޮތަށް އެއްޗެއްގެ ތެރެއަށް އަނެއްކައްޗެއް ލުން (3) މަޖާޒު: މީހަކު ކުށެއްގައި ބެއްދުން (4) ފެތުން މިބަސް އަނެކަކު ލައްވައި ކުރުވުމުގެ މާނައިގައި ބޭނުންކުރާގޮތް
ފޮނިކޮކާ
ނ އިރުވަޔާއި ހުޅަނގާއި ބެދޭ ދުވަސްވަރު އަންނަ މަޑު ދޮންކުލައިގެ ކޮކާލެއް. މިކޮކާ ގިނައިން އަންނަނީ އަހިގަހުގެ މަލަށާއި މާނިފާ ވެލުގެ މަލަށެވެ ބައެއް މޫސުމުގައި ކަނދުގަހަށްވެސް އާދެއެވެ
ފޮނުކެނޑުން
މ (1) ރާތަރާފަތް ކެކިގަންނައިރު އަރާފޮނުގަނޑު ރާފޮންޏަށްވާން ފެށުމުން މައިތިރިވެ އެފޮނިގަނޑު ހިނދުން (2) ފޮނުހިނދުން
ފޮޅި
ނ (1) ފުށް ގިރައި ތަވަޔަށް އަޅައިގެން ފިހާއެއްޗެއް (2) ސާފު ކުރުމުގެ މާނައިގައި ބޭނުން ކުރެވޭ "ފޮޅުން" މިބަހުގެ ނިމި ނިމުނުކަން މިސާލު: އޭނާ މޭޒުމަތި ފޮޅިއެވެ
ފޮތި
ނ (1) ފޭރާން. (2) ރޮދިން ވިޔެފައި ހުންނަ އެއްޗެއް. މިއީ ފޭރާމަށާއި އެހެނިހެން ބޭނުންތަކަށް ގެންގުޅޭ އެއްޗެކެވެ. (3) ބޯކިބާ އަނބު ފަޅޯ ފަދަ އެއްޗެހި ކަފައިފައި ހުންނައިރު އެއިން ބައެއް. (4) މަޢުދަނަކުން ނުވަތަ ލަކުޑިން ތުނިކޮށް ވަކި ސައިޒަކަށް ހަދައިފައިވާ އެއްޗެއް. (5) މަޢުދަނަކުން ނުވަތަ ލަކުޑި ފަދަ އެއްޗަކުން ދިގުކޮށް ނުވަތަ ތުނިކޮށް ވަކިކޮށްލެވޭ ބައެއް (6) ބައެއް ތަކެތި ކައްކާ އޮލަވީމާ އޭގެ ތެރެއަށް އުނދުޅިއާއި ދޭފަތް ފަދަ އެއްޗެއްލައިފައި ނެގީމާ އެއިން ފައިބާ އެތިއެތިކޮޅު
ފޮތިކޮޅު
ނ (1) ނައިކައާއި ބިހުރަނުލައި އާދައިގެ ހުދުފޮތިން ފަހާފައި ހުންނަ ކީމަކޮޅު (2) ބޮލުފޮތިކޮޅު (3) ފޮތީގެ މިންވަރެއް