radheef.info
ރަދީފު


ލުމަ
ނ (1) އުއިކޮށާ ނުވަތަ ރޮދިއޮޅާ ސަރަކައިގެ ފޯއްޔެއް ނއ (2) ތެދަށްހުރި އެއްޗެއްކަން އަންގައިދިނުމަށް ބުނާ ބަހެއް މިސާލު: )ހ( ތެދުލުމައެއް ހެން ހުރި ރުކެއް )ށ( އޭނާގެ ހަށިގަނޑު ހީވަނީ ތެދުލުމައެއްހެންނެވެ
ނަޑަރު
ނ ވެލާގެ ޒަކަރު މީހަކު ދެރަކޮށްލުމަށް އެމީހާއީ އެއްވެސް އެއްޗެއްނޫން ކަމުގައި ހަދައިފައި މިނަމުން ބުނެއެވެ
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިއުޅުންކުރުން
މ އެއްޗެއްގައި ހުންނަ މަޢުނަވީ ބަންދުކަމެއް މޮހައިލުމަށް ފަންޑިތަހެދުން ނުވަތަ ހަދާފައިވާ ފަންޑިތައިގެ ބާރު ކެނޑުވުމަށް ކަމެއް ކުރުން
ނިލަ
ނ (1) ކަށިކެޔޮ ހޮޅުފަޅައިގެން ހަދާފަތި (2) ބައްތެލި ފަހަރުގެ ހިޔަލުމަތީ އަޅައިފައި ހުންނަފަތި
ނުކުޅެދުން
މ (1) ބުއްދީގެ ގޮތުން ނުވަތަ ޖިސްމާނީ ގޮތުން އުނިވެފައިވުން (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވުން މަޖާޒު: (3) ކަމެއް ވެވޭނޭގޮތްނެތުން (4) ކަމެއްގެ ލަޔާޤަތާއި ޤާބިލިއްޔަތު ނެތުން
ނުކުޅެދޭމީހާ
ނ (1) ބުއްދީގެގޮތުން ނުވަތަ ޖިސްމާނީ ގޮތުން އުނިވެފައިވާމީހާ (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވެފައިވާމީހާ މަޖާޒު: (3) ކަމެއް ވެވޭނޭގޮތް ނެތްމީހާ (4) ކަމެއްގެ ލަޔާޤަތާއި ޤާބިލިއްޔަތު ނެތްމީހާ
ނޭފަތް
ނ ވަސްދުވުމާއި ނޭވާލުމަށް ޚާއްޞަ ގުނަވަން
ރަހުއިތެޔޮ
ނ މިސްކިތްތަކުގެ ވޮށް ދިއްލުމަށް ވެރިކަމުގެ ފަރާތުން ކާށިދީގެން ހާނާ ތެލެއް
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރައްކާބައިން
ނ (1) ފަލީގެ ދުލުން މެއްކަށް އައްސައިފައި ހުންނަ މާރު (2) ހުންގާނުގައި އޮޅައިފައި ދެފަރާތުންގެނެސް އައްސައިފައި ހުންނަ މާރު (3) މީހަކު ގެއްލުމަކުން ސަލާމަތްކުރުމަށްޓަކައި ރައްކައުތެރިކުރުވުމުގެ ގޮތުންއަޅާ ކަމަރު (4) ގޮނޑީ ކަމަރު
ރާއަކިރި
ނ ހަކުރު ހިލުމަށް ރާކައްކާއިރު އޭގެހުތް ކެނޑުވުމަށް އަޅާ އަކިރި
ރާޑާއައިން
ނ ބަލާބެލުމަށް ދަހިވާނެކަމަށް ފެންނަ ނަމަވެސް ދަހިނޫން މަސްއައިން
ރިތްދަނޑިބައިން
ނ )ހ ( ރިތްތައް އެއްކޮށް އައްސާލުމަށްޓަކާ އޮޑިދޯނިފަހަރުގެ ހަފޮޅު ތޮރުފައިފައި ޖަހައިފައި އޮންނަ މާރުގަނޑު
ރޭލުއިސްޓޭޝަން
ނ (1) ރޭލުގެ ދަތުރު ފަތުރާބެހޭ ކަންތައް ހިންގާތަން (2) ދަތުރުވެރިން އަރާ ފޭބުމަށްޓަކައި ރޭލުމަޑުކުރާތަން
ރޯދަޖަބޮ
ނ ރޯދަވިއްލުމަށް އަމިއްލައަށް ހޯދާ ނުވަތަ މީހަކު ހަދިޔާކުރާ މޭވާއާއި ކުރުނބާ ފަދަތަކެތި
ބަނގަލާބޯޓު
ނ މުދާ އުފުލުމަށް ބޭނުންކުރެވޭ އުޅަނދެއް މިއީ ކަތިރިޔަލުގައި ކަނޑު ދަތުރުކުރާ އެއްޗެކެވެ މިބޯޓުގައި ގެހަދައިފައި ހުންނަނީ ކޮޅުފަސްކޮޅުގައެވެ މި އުޅަނދު ގެންނަނީ ރާއްޖޭން ބޭރުންނެވެ
ބަނޑުންލޯއަޑުކިޔުން
މ މަޖާޒު: ބަނޑު ފުފޭ ވަރަށް ކައި ބަނޑުފުރައިލުމަށް ބުނެއުޅޭ ބަހެއް
ބަންބުޑި
ނ (1) ބަސްތާ ނުކަނޑައި އެތެރޭގައި ހުރި އެއްޗެއް ބެލުމަށް ބަސްތާއަށް ހަރާން އޮނުފަޅިކޮށް ދަގަނޑުން ހަދައިފައި އޮންނަ އާލަތެއް (2) ބަންބުޅި
ބަރުގޮނު
ނ (1) އިޝާރާތެއްގެ ގޮތުން އަންގައިލުމަށްޓަކައި އަޑުއިއްވަން ބޭނުންކުރާއެއްޗެއް (2) މީހުން ސަމާލުކުރުވުމަށް އަޑެއް ގޮއްވާލުމަށް ބޭނުންކުރާ އެއްޗެއް އެންމެ އާންމުކޮށް މިބޭނުންކުރަނީ އެއްގަމުގައި ދުއްވާ އެއްޗެއްސާއި ކަނޑުގައި ދުއްވާ ބައެއް އުޅަނދު ފަހަރުގައެވެ