radheef.info
ރަދީފު


ލީ
ނ (1) އުކުނުގެ ބިސް (2) ލުން މިބަހުގެ ނިމި ނިމުނުކަން
ހަތްދެވި
ނ ފަންޑިތަ ވެރިން ގެންގުޅޭ ޚިޔާލީ ހަތްނަމެއް (1) ބުއްޑެވި (2) ކަށްޑެވި (3) މުޅަދެވި (4) ކިއްސައްދެވި (5) ރަށްދެވި (6) ދަކުދެވި (7) ބޮޑު މުޅަދެވި
ހަތްޤިރާއަތް
ނ ތިރީގައި މިލިޔާ ހަތްބޭކަލުން ޤުރުއާން ކިޔަވާ ވިދާޅުވިގޮތް އެހަތްބޭކަލުންނީ: (1) އަބޫ ޢަބުދުއް ރަހްމާން ނާފިޢު ބުނު އަބީ ނުޢައިމިލް މަދަނީ (2) ޢަބުދުﷲ ބުނު ކަޘީރުލް މާލިކީ (3) އަބޫޢަމްރު ބްނުލްޢަލާ އަލްބަޞަރީ (4) ޢަބުދުﷲ ބުނު ޢާމިރިއްދިމަޝްޤީ (5) އަބޫބަކުރު ޢާސިމް ބުނު އަބިއްމުޖޫދިލްކޫފީ (6) އަބޫ ޢިމާރާ ހަމްޒަތު ބުނު ހަބީބުއް ޒައްޔާތިލްކޫފީ (7) ޢަލީ ބުނު ހަމްޒާ އަބުލް ހަސަނުލްކިސާއީ
ހަލުއި
ނއ (1) އަވަސް (2) ބުރަހެލީގެ އިދިކޮޅު (3) ތަންތަނަށް އަރައި ދުވެފުމެ ހެދުމަށް ފަރިތަ (4) ހިނގުމަށް ފަސޭހަ
ހަސްކާ
ނ (1) ކުއްލި (2) އެއްވާމަކަށް ވާންވެފައިހުރެފައި ދުލެއް ޖެހިލައިފައި ޖެހޭލަކި މިބަސް ގިނައިން ބޭނުންކުރަނީ ވައިމަޑު އިރަށް ރިޔަލުގެ ދަންމާނުން ޖަހާ ލަތްކަށާއި ނަގިލީގެ ކެނބަށް އަރާ ކުއްލިއަށެވެ (3) މަޖާޒު: ވެރިޔަކު ދަށުގައިވާ މީހަކަށްވާ ކޯފާ
ހަޑަގަތާނަ
ނ (1) އަންގާ ނަކަތް ތެރި ކަމުގައި ދުވަސް ބަހައިފައިވާ ބައިތަކުގެ ތެރެއިން އެއްބައި (2) ޚިޔާލީ ފުރޭތައެއް
ހާނަރު
ނ ބޮނބިތަޅައި ކުނޑިފިލުވައިފައި ލީލި ނާޅައި ހުންނަ ނަރު
ހިރިހަމައިދި
ނ ކަންގަތި ކޮލީގެ ތެރެއިން ވަކި ކޮއްޔެއްގެ ނަމެއް
ހިރިހަމައިދިކަން
ނ ކަންގަތި ކޮލީގެ ނަމެއް. މިކޮލި ލެވިފައިވާ މީހުންގެ ކަމަކީ ދަޢުލަތުގެ އެންމެ އިސް ވެރިޔަކަށް ހުންނަ މީހަކަށް ލަފާދިނުމާއި ބޮޑެތި ޢިއްޒަތުގެ ރަސްމިއްޔާތުތައް ފުރިހަމަކުރުމުގެ ގޮތުން ބައިވެރިވުމެވެ
ހިރިބައި
ނ )ސ ( ފޭލީގެ ހުދުހިރު ދެހިރު
ހިރު
ނ (1) އަނގައިގެ ދަތްތައް ހިފެހެއްޓުމަށް ހުންނަ މަސް (2) އެއްޗެހި ޒީނަތް ކުޅައުމަށް ނުވަތަ ކުރެހުމުގައި ބޮޑުކޮށް ފާޅުކޮށް ހުންނަ ކޮންމެ ކުލައެއްގެ ނުވަތަ ރޮނގެއްގެ ކައިރީގައި އެހެން ކުލައަކުން ދަމާ ހިމަ ރޮނގު މިސާލު: )ހ( ފޭލީގެ ހިރު )ށ( ދަމާ ފޮތިގަނޑުގެ ހިރު (3) ބޯވަޅުގައި ހަރުކުރާން ކަސަބުން ނުވަތަ ބަރަނިން ހަނިކޮށް ފަތިކޮށް ގަތާ ފަށް
ހިރުއްދަ
ނ ދިވެހިގޭގޭގައި ހުންނަ އެނދުބައިލީދޮރުގެ އެނދުބައިގެ ތިރިޔާއި މަތީގައިކުދިކުދި އެއްޗެހި ބެހެއްޓޭނޭހެން ހުންނަތަން
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިކަނދިފޭލި
ނ އަނުމަށާއި ބޮލުގައި އޮޅުން ނޫންކަންތަކަށް ބޭނުންކުރާ ފޭރާންދެރަ ފޭއްޔެއް މިފޭލީގެ ކުލައަކީ އަޅިކުލައެވެ
ހިއްލައިލުން
މ (1) އެއްޗެއްގެ އެއްކޮޅު ނުވަތަ އެއްފަރާތް ކުޑަކޮށް އުފުލައިލުން (2) ވޮލީކުޅޭއިރު ޝޮޓްޖެހުމަށްޓަކައި ބޯޅަ އުފުލައިލުން
ހިއްލުން
މ (1) ނެގުން. (2) އުފުލުން. މިސާލު: )ހ( މިގާ ހިއްލާލަދީބަލަ! )ށ( ހެދުން ނުހިއްލާ! (3) ނޭވަޔަށް އުނދަގޫވުން. (4) ރިޔާނަގައިގެން ދުއްވާ އެއްޗެހި ވަޔަށް ނެގުން. (5) ވޮލީ ކުޅޭއިރު ސޮޓްޖެހުމަށް ބޯޅަ އުފުއްލައި ދިނުން. (6) ހުޅުވުން (7) މަޖާޒު: ކޮޅުވުން
ހިމަގޮދަން
ނ ބާރްލީ މިއީ މަޝްހޫރު ގޮވާމެކެވެ
ހިފުން
މ (1) އަތުން ނުވަތަ އިނގިލީން އެއްޗެއްގައި ބެއްދުން (2) މުށުތެރޭގައި އެއްޗެއް ބަންދު ކުރުން (3) ގަދަ ބައްޔަށް ދެމީހުން އޮޅުލުން (4) ޝިކާރަ ކުރުން (5) އަތުލައި ގަތުން (6) ހަރުލުން
ހިތިކަށި
ނ )ސ ( (1) ކަނޑުމަހުގެ ބަޑާދޫ ކަނޑާލީމާ ބަނޑުގެ އެތެރޭ ހަމާއިމަސްގަނޑާއި ގުޅިފައިވާ ފަތިކަށީގެ ބައި (2) ނއ ހިކިއަނަރޫފަ
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ