radheef.info
ރަދީފު


ލިޔުން
މ (1) ތަނެއްގައި ނުވަތަ އެއްޗެއްގައި އަކުރު އެޅުން. (2) ލިޔެފައިވާ އެއްޗެއް. (3) މަޒުމޫނެއް ނުވަތަ ޅެމެއް ނުވަތަ ފޮތެއް އެކުލަވައިލުން (4) ދިގު ހަރުގައި ނުވަތަ އަރިޔަން ހަރުގައި އަޅައިގެން ލިޔާ ކަށިން ލަކުޑި ކޮށައި މަށައި އެކިވައްތަރަށް ސިފަ ގެނައުން (5) ހިކިމަހާއި ކަށިކެޔޮ ފަދަ ތަކެތި ތުނިކޮށް ކޮށުން (6) ލޭތުކުރުން
ދުވަހުނޫސް
ނ ޚަބަރުތަކާއި މަޢުލޫމާތުތައް ޗާޕްކޮށްގެން ޤަވާޢިދުން ދުވާލަކު އެއްފަހަރު ނެރޭ ލިޔުން
ތަސްނީފުކުރުން
މ ފޮތް އެކުލަވައި ލިޔުން
ތާރީޚު
ނ (1) ސަނަތު. (2) ކަމެއްހިނގި ނުވަތަ އެއްޗެއް އުފެދުނު ދުވަސް. (3) ރަސްރަސްކަލުންނާއި މަޝްހޫރު މީހުންގެ ނަސަބާއި ވާހަކަތަކާއި އެމީސްމީހުން އުފަންވި ދުވަހާއި މަރުވިދުވަސްވަރާ ބެހޭ މަޢުލޫމާތު. (4) ތާރީޚް ޢިލްމު (5) ކަމެއް ހިނގަމުން އައިގޮތް ލިޔެފައިވާ ލިޔުން ނުވަތަ ކިޔައިދީފައިވާ ކިޔައިދިނުން
ލިއުން
މ ލިޔުން
ލިއުންތެރިން
ނ ލިޔުންތެރިން
ލިއުންތެރިކަން
ނއނ ލިޔުންތެރިކަން
ލިތޯ
ނ ޗާޕުގެ ބާވަތެއް މިއީ ލިޔުންގަނޑު ހިލަޔަށް ކޮޕީކޮށްގެން ކުރާ ޗާޕެކެވެ
ލިޔުންތެރިން
ނ (1) އަދީބުން (2) ފޮތް ލިޔާމީހުން (3) އިބާރާތްކޮށް ތަފާތު ލިޔުންތައް ލިޔެ ޝާއިޢު ކުރާމީހުން (4) އަރަބި ތާނަ ރީއްޗަށް ލިޔަން ދަންނަ މީހުން
ލިޔެކިޔުން
މ (1) ލިޔުމުގެ ކަންތައްތަކާއި ލިޔެފައި ހުންނަ އެއްޗެހި ކިޔުމުގެ ކައްތައްތައް (2) ކަމާ ބެހޭ ލިޔުންތައް
ލިޔެލުން
މ ލިޔުން މިބަސް ލުއިކޮށް ބުނާގޮތް
ލެތުން
މ ލިޔުން
ލެތުމާޑާ
ނ )ގ ( ލިޔުންގަނޑު
ލޭބަލު
ނ (1) އެތެރޭގައި ހުރި އެއްޗެއް ބަޔާންކޮށްދިނުމަށް ބޭރުގައި ތަތްކޮށްފައި ހުންނަ ލިޔުންކޮޅު (2) ތައްޔާރީ ހެދުމުގައި ހެދި ތަނާއި ފޭރާމުގެ ބާވަތާއި ސައިޒު އަންގައިދިނުމަށް ހަރުކޮށްފައި ހުންނަ ލިޔުންކޮޅު
ލޭތު
ނ (1) ދިގުހަރުން އެއްޗެހި ލިޔާ މިސާލުގައި މައުދަނީ އެއްޗެއްސާއި ލަކުޑީގެ އެއްޗެހި ލިޔެދޭ މެޝިނެއް (2) ލޭތުގައި އެއްޗެއް ތިއްބައިގެން ލިޔާލިޔުން
ލޭތުކުރުން
މ ލޭތު މެޝިނުގައި އަޅުވައިގެން ލިޔުން
ގަނޑުކަނޑާފޮތް
ނ ސިޓީ ލިޔުން ފަދަ ކަންކަމުގައި ބޭނުން ކުރުމަށް އެކި ގަނޑުގަނޑު ވަކި ވަކިން ކެނޑޭ ގޮތަށް ހަދައިފައި ހުންނަފޮތް
ސަނަދު
ނ (1) ވަކިކަމެއްގެ މުޤައްރަރާ އެއްގޮތަށް ކުރެވޭ އިމްތިޙާނަކުން ފާސްވުމުން އެކަމުގެ ހަނދާނަކަށް ދޭލިއުން މިސާލު: ކާތިބުކަމުގެ ސަނަދު (2) އާއްމުކޮށް ޤަބޫލުކުރެވޭ ފެންވަރަކަށް ވަކިކަމެއް ކުރެވޭކަން ބަޔާން ކުރުމުގެ ގޮތުންދޭ ލިޔުން
ސިއްކަޖެހުން
މ (1) ސިލުޖެހުން. (2) ދައުލަތެއްގެ ނަމުގައި ނުވަތަ ވެރިޔެއްގެ ނަމުގައި ލިޔެވޭ ލިޔުންތަކުގައި ޖެހުމަށް ހަދައިފައިވާ ޚާއްޞަ ތައްގަނޑެއް ޖެހުން (3) ލާރިޖެހުން
ސެހެރީ
ނ (1) އެއްޗެއް ތައާރަފު ކުރުމުގެ ގޮތުން ދައްކާ ވާހަކަ ނުވަތަ ލިޔާލިޔުން (2) ތަރުވާޒު
ސެޓުފިކެޓު
ނ (1) މީހަކު ކަމަކަށް ޝަރުޠު ހަމަވާކަން އެންގުމަށް ދީފައިވާ ލިޔުން (2) މީހަކު ކަމެއް ފުރިހަމަ ކުރިކަން އެންގުމަށް ދީފައިވާ ލިޔުން (3) ސަނަދު