radheef.info
ރަދީފު


ތަންކޮޅެއް
ނ (1) ޖާގައެއް (2) ހުސްބިންކޮޅެއް (3) އެއްޗެއްގެ ނުވަތަ ތަނެއްގެ ބައެއް (4) އ ވަކިވަރަކަށްވުރެ
ކިރުކޯޅި
ނ ކިރުތިނައިގެ ބާވަތެއް މިއީ ބޭހަށް ބޭނުންކުރާ ފަތްޕިލާވެއްޔެކެވެ މި ގަސް ހުންނާނީ އާދައިގެ ކިރުތިނަ ގަހަށްވުރެ ތަންކޮޅެއް ދިގުކޮށެވެ މިގަހުގެ މާގަނޑު ބޮޑުވާނެއެވެ
ކުރަނގި
ނ ކަނޑުމަތީ ދޫންޏެއް މިއީ މާރަނގައިގެ ތެރޭގައި އުޅޭ މާރަނގައަށް ވުރެ ތަންކޮޅެއް ކުޑަ ދޫންޏެކެވެ ދޫނީގެ ކުލައަކީ ކަޅުއަޅިކުލައެވެ ބޮލުގެ ތަލަ ހުންނަނީ ހުދު އަޅިކުލައެއްގައެވެ މިއީ އައިނާ އަޅާ ދޫންޏެކެވެ
ކުރެދިފަނި
ނ މަދިރިހެން ލޭބޯ މެއްސެއް މިއީ ކުނަމެއްސެއްހައި ވަރުގެ އެއަށްވުރެ ތަންކޮޅެއް ފިޔަ ދިގު ބޯހުދު މެއްސެއް މި އުޅެނީ ރަށްރަށުގެ ގޮނޑުދޮށުގައެވެ
ކުޅިބަލާގެ
ނ (1) އިހުގައި އަންހެނުން މަގުމަތި ބަލާން އަރައި ތިބުމަށް މަގުމަތީ ފާރުކައިރީގައި ތަންކޮޅެއް އުސްކޮށް ހަދައި ހިޔާކޮށްފައި ހުންނަތަން (2) ކުޅިބެލުމަށްޓަކައި އިށީނދެ ތިބުމަށް ހަދައި ހިޔާކޮށްފައި ހުންނަތަން
ކުޅިތޮށި
ނ ފޮނިތޮށީގެ ކުޅިގަދަ ބާވަތް މިހުންނަނީ ތަންކޮޅެއް ތުނިކޮށެވެ
ކުޅީކުކުޅު
ނ އެއްގަމު ދޫނީގެ ބާވަތެއް. މިއީ ވަލުގައި އުޅޭ ދޫންޏެކެވެ. މިދޫނީގެ ސިފަ އެންމެ ވައްތަރީ ދިވެހި ކަނބިއްޔާއެވެ. ދޫނީގެ ކުލައަކީ ދޮން ރީނދޫކުލައެވެ. ދޫނީގެ ފަތް ހުންނަ ކުލައާއި ކުރެހުން ސިފަކޮށްދައްކަނީ "ދޮންމިރުސް ކުކުޅާ" އެއްކަހަލަ ގޮތަކަށެވެ. ތުނބާއި ފައި ހުންނަނީ ދޮންކުލައިގައެވެ. ބައެއް ކުކުޅު ހާލުގައި ހުންނަ "ގޮށްކެޔޮފޮތި" ކަހަލަ ތަންކޮޅެއް ތުނބުގެ މަތީކޮޅުގައި ހުރެއެވެ
ކުޅުދުއްފުށީރޯނު
ނ ތަންކޮޅެއް ޅަކޮށް ހިމަކޮށް ވައުއަޅާން ކަމުދާގޮތަށް ވަށައިފައި ހުންނަރޯނު މިހުންނަނީ ބާރަ ފޯލީން ބޮނޑިބަނދެފައެވެ މިރޯނުގިނައިން ވަށައިއުޅެނީ ކުޅުދުއްފުށީގައެވެ
ކުކުޅުދުށިން
ނ )ޅ ( ދުށިމުގެ ބާވަތެއް މިއީ ފިނދުފަތް ފެޅި ހިސާބުގައި ހުރަހަށް ހުދު ބަންދެއް ހުންނަ ދުށިމެކެވެ ބަނޑުދަށް ފަރާތް ހުންނާނީ ކަޅުކުލައިގައެވެ އާދައިގެ ދުށިންމަށްވުރެ ތަންކޮޅެއް ބޮޑުވާނެއެވެ
ކުފިބޮލި
ނ ބޮލީގެބާވަތެއް މިބޮލީގެ ކުލަޔަކީ ފަނޑު ކިސަޑު ކުލައެވެ މީގައި ކުދިތިކިތަކެއްހެން އުފުލިފައި ހުންނަ ތަންތަން ކޮޅު ހުރެއެވެ އެތަންތަންކޮޅުގެ ކުލަބޮލީގެ ކުލަޔަށްވުރެ ތަންކޮޅެއް ކުލަގަދައެވެ މިބޮލީގެ ދެކޮޅުގައި ކަޅުކުލައިގެ ދެތިކިހުރެއެވެ
ކެނދިފަށުވި
ނ ފަށުވީގެ ބާވަތެއް މިހުންނަނީ މަޑު ދޮންކުލައެއްގައެވެ މިބާވަތުގެ ފަށުވި ތަންކޮޅެއް ގަދަވާނެއެވެ މިއީ ހަރު ފަށުތްވެކެވެ
ކޭލިނެގުން
މ ދެކާށި ގުޅުވާން ބޮނބިގަނޑުން ތަންކޮޅެއްނެގުން
ކޮޑަހުޅެ
ނ )ގ ( ދޮރުފަތުގައިލައި ހުޅުގެ ބާވަތެއް މިއީ ތަންކޮޅެއް ދިގުކޮށް ހުންނަ ހުޅެކެވެ މިހުޅުލައިފައި ހުންނަ ދޮރުފަތްވަރަށް ބޮޑަށް ހުޅުވޭނެއެވެ
އަނގަރަކާ
ނ ބޮޑުމުސްކުޅި ބޭކަލުންގެ ޚާއްޞަ ރަސްމީ ލިބާހެއް މިއީ ކަކުލަށްވުރެ ތަންކޮޅެއް މައްޗަށް ހުންނަ ބަނޑުފެޅި ލިބާހެކެވެ މީގެއަތުކުރީގައި އޮންނާނީ ސަންޖާބު އަޅައިފައެވެ
އަނޯނާ
ނ އަތަ ޢާއިލާގެ އެހެނިހެން މޭވާއަށްވުރެ ބޮޑުވާ ފެހިކުލައިގެ މޭވާއެއް ތޮށިގަނޑުގެބޭރުގައި މާހަރުނޫން ކަށިތަކެއްފާޑުގެ ކެހެރި ތަކެއްހެން ހުންނަ އެއްޗިހިތަކެއް ހުންނާނެއެވެ މީގެ ކޮންެމެ އެއްޗެއްގައިވެސް ރަނގަޅަށް ނުއުފެދި ވަޅުވަދެފައި ހުންނަ ތަންކޮޅެއް ހުންނާނެއެވެ ރާއްޖޭގައި މީގެ ގަސް ހެދިފައި ހުންނަނީ ވަރަށް މަދުންނެވެ
އަރިނެގުން
މ (1) ހިނަވާއިރު މައްޔިތާ އަރިޔަށް ޖެހުން (2) އުދުހޭ އެއްޗެހީގެ ފިޔައިގެ ފަތުގެ ކުރީން ތަންކޮޅެއް ބަހައްޓައިފައި ދެން ހުރިބައި ނޮޅައިލުން (3) އެއްފަޅިނެގުން
އަރިކެނޑި
ނ ކާށިއަޅާއިރު ކުނޑި ހިކުނުތޯ ބަލާން ބޮނބިގަނޑުން ތަންކޮޅެއް ކަނޑައިލައިފައި އޮންނަ ކާށި
އަރިކެނޑުން
މ ކާށީގެ ކުނޑި ހިކުނުތޯ ބަލާން ބޮނބިގަނޑުން ތަންކޮޅެއް ކެނޑުން
އަތްބޯދޮށުލުން
މ މަޖާޒު: (1) އޮޑިދޯނިފަހަރު ދަންމާނަށް ތަންކޮޅެއް ދޫކޮށްލާފައި އެންމެ ބާރަށް ދުވާގޮތުގައި ދިއުން (2) ފަންރިޔާ އެއްޗެހި އެނގަކުރި ހިފައިލައިފައި ދިއުން
އަލީބޮޚާރި
ނ ކުންނާރަކަށްވުރެ ތަންކޮޅެއްބަޑު ފޮނިމޭވާއެއް މީގެ އޮށުތެރޭގައި ބަދަނެއްކަހަލަ އޮށެއް އޮންނާނެއެވެ މިގިނައިން ގެންގުޅެނީ ހިއްކައިގެންނެވެ ރާގުންޑާއަށްވެސް މިހެންކިޔައެވެ
އަޑަފިއޮޑި
ނ (1) ސަރުކާރުގެ އުޅަނދެއް މީގެފަޅުވެރިންނަށް ތިބޭނީ ކަލާސީންނެވެ (2) މަލާފަތުގެ ބަދަލުގައި ބިލެތް އެޅުމަށް އެއްކޮޅަށް ތަންކޮޅެއް ހިމަކޮށް ހަދާފައިހުންނަ އެއްޗެއް