radheef.info
ރަދީފު


ދޯނިފަހަރު
ނ (1) ދޯނިތައް. (2) ދޯނި މިބަސްގިނަކުރުމަށް ބުނާގޮތް
ބައްދާވައްގަނޑު
މ އޮޑިދޯނިފަހަރުގައި އެން ދިރުވާން ޖަހާ ފިލާ ހަރުކުރާ ވައް މިގޮތުން ކޮޅުފަސްކޮޅާއި ދިރުނބާކޮޅުން ވެސް ބައްދައެވެ
ބޭރުފަނާ
ނ (1) އޮޑިދޯނިފަހަރު އަޅާއިރު ކަނޑުފަރާތަށްލާ ފަނާ (2) ގެނބުރަށްލާފަނާ
ބޮނބިފަތް
ނ އޮޑިދޯނިފަހަރު ބަންނައިރު ފަތޮޅާއި ހިންމިއަށް ލުމަށް ހިލަތޮށި ނުލައި ބޮނބީން ނަގާފޮތި
ބޮނބިފަތްކަޅިހި
ނ އޮޑިދޯނިފަހަރު ބަނުމުގައި ބޮނބިފަތްކަފާފާއޮންނަ ހިލަތޮށިގަނޑުން ހަދައިގެން. ކިއްސަރު ވަޑާމުގައި ވަޑިންގެންގުޅޭ ދެލިޖައްސައިގެން ފާހަގަލާ ކަށަވަރު
ބޮއްކުރާ
ނ ދޯނިފަހަރު ބަންނަ ގޮތަށް ބަނދެފައި ހުންނަ ކުޑަ އުޅަނދެއް މިބަނދެފައި ހުންނަނީ ކޮލި ބޮޑުކޮންނެވެ. މިއީ ފަލިޖަހައިގެން ނުވަތަ ރިތުގެ ބޭނުންކޮށްގެން ދުއްވާ އެއްޗެކެވެ މި ކުރިން ޢާއްމުކޮށް ބޭނުންކޮށް އުޅެނީ ދަތުރުވެރިން އޮޑިފަހަރަށް އަރާ ފޭބުމަށެވެ މީގައި ކުނބެއް ހުންގާނެއް ނުހުންނާނެއެވެ
ބޮޑުހިޔާކުރުން
މ އަނގަމަތި ދޯނިފަހަރު ގެހެރި ކުރުން
ބޮޑުމަޅު
ނ ދޯނިފަހަރުގައި ކުޑަ މަޅާ ޖެހިގެން ދިރުނބަލަށް އޮންނަ މަޅު
ބޯރާފަތޭރި
މ އޮޑިދޯނިފަހަރު ފަތަވެރިކޮށްގެން ވާ ފަތޭރިޖަހާއިރު އޭގައި ކޮޅުގުޅައިގެން ފަނުން ވިޔެގެން ފެންފިލާވަތާ ހަމައަށްޖަހާ ރެހެއް
ބޯރިދޫކެޑުން
މ )ސ ( އޮޑިދޯނިފަހަރު ފަދަތެކެތި ކަނޑުމަތީގައި ރޯލު ކުރުން
ބޯއަރުވާވައްގަނޑު
ނ (1) އޮޑިދޯނިފަހަރުގައި ވާ އައްސާ ދަނޑިޔާއި ހުރަސް ފިލާގައި ޖައްސައި ހުސެންދަރީގެ ފުލާއެކު ބަނޑުފިލައިން ހަފޮޅާ ހަމަޔަށް އަރުވާ ވައްގަނޑު (2) ގެރިބޯވައްގަނޑު (3) ބޯބޮޑުފައިވައް
ބޯސާ
ނ (1) އޮޑި ދޯނިފަހަރު އަޅާން ދެފަރާތަށް އަޅާ ދެ ވާ އެއްކޮށް ބަންނަ ބަނުން (2) އޮޑިދޯނިފަހަރު އަޅާން ދެކޮޅަށް އަޅައި އެއްކޮށް ބަނދެފައި އޮންނަވައު
ޅައެޅުން
މ އޮޑިދޯނިފަހަރުގެ ވަތުގައި ތަކެތި ބެހެއްޓުމަށްޓަކައި ވަތުތެރޭގައި ހުރަހަށް ލަކުޑި ފަދައެއްޗެއް ބެހެއްޓުން )މިކަން ކުރަނީ ދިޔަ ޖެހިގެން މުދައު ތެމަނަ ނުދިނުމަށެވެ
ޅަޖެހުން
މ (1) އޮޑިދޯނި ފަހަރުގެ އެތެރެވަތުގައި ދެބަނޑު ފިޔަލަށް ފޯރާވަރަށް ހުރަހަށް ޅައަޅައިފައި އޭގެމަތީގައި ފަންޖެހުން (2) އޮޑިދޯނިފަހަރުގެ ވަތުގައި ހުރަހަށް އަޅާން ދަރުދަނޑީން ތައްޔާރު ކޮށްފާ އޮންނަ އަށިގަނޑު އެތެރެވަތުގައި އަޅާ ފަންގިދަމާ ހެދުން
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނދުއެޅުން
މ އޮޑިދޯނިފަހަރު އެހެލައި ބާލާއިރު ފަށަން ދޮށަށް ވާނޭހެން ލަކުޑި ބެހެއްޓުން
ކަނދުގަނޑު
ނ (1) އޮޑިދޯނިފަހަރު އެހެލައި ބާލާއިރު ފަށަން ދޮށަށްލާ ލަކުޑިބުރި (2) މަސްކަނދުގަނޑު (3) އިހުގައި އެތެރެކޮއިލަށް ދަމަށްދާމީހުން ބޯ އަޅާން އޮންނަ ލަކުޑިގަނޑު (4) ހޭމަސް
ކަނދޮޅުގޮނޑި
ނ މަސްދޯނިފަހަރުގެ ފެންފިލައިގެ ދިރުނބަލަށް އޮންނަ އޮޅިގަނޑާއި މައްޔަލާ ދޭތެރޭ އޮންނަ ބާކޮޅު
ކަނދޮގަނޑޮ
ނ (1) )ސ ( ގަސްގަހުގެ މައިގަނޑުގެ ތިރީބައި (2) )ޏ ސ ( އޮޑިދޯނިފަހަރު އެހެލައި ބާލާއިރު ފަށަން ދަށަންލައްވާ ލަކުޑިބުރި
ކަނޑުހެޔަށްބޭއްވުން
މ ކަނޑުގަދަވީމާ އޮޑިދޯނިފަހަރު އޮޔާވަޔާ އެއްކޮޅަށް ބޭއްވުން
ކަނޑުބޭރުކުރުން
މ (1) އައު ކުއްޖަކު އިރުވަރުން ކަނޑުމައްޗަށް އެރުވުން (2) އަލަށް ބަންނަ އޮޑިދޯނިފަހަރު ކަނޑަށް ނެރުން