radheef.info
ރަދީފު


ދަކަ
ނ (1) މުށްބާރު (2) ރުޅިވެރިކަމާއިއެކު ގެންނަ ޙަރަކާތް (3) ގަދަ (4) އުނދަގޫ
ކަށަނިރުބަޅަ ކަލަކު ވިދާނަ
ނ )ބދ ( ކިބަކިބައިން ގަދަކަން ލިބިގެންވާ މީހާ
ކަށިބޯ
ނ މޫދުގައި އުޅޭ ހިޔަމަ އާއިލާގެ ފައިގިނަ އެއްޗެއް މިއީ ފަސްއިނގިލީގެ ބާވަތެކެވެ މީގެ ފައިތަކުގައި ހުންނަކަށިތަކުގެ އަދަދު ގިނަވާނެއެވެ މިއީ ރޯގަލުގެ ދިރޭ ފަށަލަ ކާލާ އެއްޗެކެވެ އެހެންކަމުން ފަޅައިގެން ގޮސްފައި ހުންނަބައި ފެންނާނީ ކަޅު ކުލައިގައެވެ އޭގެ އަޑިން ފެންނަނީ ދަނބުކުލައެވެ މީގައި 8 ފަޔާއި 12 ފަޔާ ދެމެދުގެ ޢަދަދަކަށް ފައިހުރެއެވެ
ކަނޑުފޭރުން
މ ކަނޑުދަތުރުކުރާ އުޅަނދުފަހަރަށް ގަދަކަމުން އަރައި އޭގައިހުންނަތަކެއްޗާއި މުދަލާއި އަދި ބައެއްފަހަރަށް އުޅަނދުވެސް އަތުލައިގަތުން
ކަނިފަށް
ނ ވިލާތުބުޅިޔާއި ކަންއިލި ފަދަތަކެތީގެ ތުނޑުގެ ކައިރީން ފޭކޮށްފައި ކައްވާދަކަށް ހުންނަތަންކޮޅު
ކަރަންޓީނު
ނ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއްޖެހިފައި ހުރި މީހަކު ހުރިތޯބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކިމުއްދަތެއް ވަންދެން ކުރާ ބަންދު (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކުން މީހުން އަރާ ފޭބިޔަނުދީއެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ކުރާ ބަންދު (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރާ ފޭބިޔަނުދީ ވަކިމުއްދަތެއް ވަންދެން އެރަށްރަށް ކުރާ ބަންދު
ކަރަންޓީނުކުރުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުކުރުން (2) ބޭރު ރަށަކުން އަންނަ އުޅަނދެއްގައި ގައިންގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކަށް މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކިމުއްދަތެއް ވަންދެން ބަންދުކުރުން (3) ނުރައްކާތެރި ރޯގާއެއް އުޅޭ ރަށްރަށަށް މީހުން އަރާ ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުކުރުން
ކަރަންޓީނުވުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެއުޅަނދަކަށް މީހުން އަރާ ފޭބިއަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުވުން (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެއުޅަނދަކުން މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކި މުއްދަތެއް ނިމެންދެން ބަންދުވުން (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރައި ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުވުން
ކަރުފައި އަޅާވަރިވުން
މ މަޖާޒު: ފިރިމީހާގެ ގާތުން ގަދަކަމުން ވަރިވުން
ކަޅިރަވަތޫނުކަން
ނއނ ލޮލުގެ ބުރުސޫރަ ރީތިކަމާއެކު އަސަރުގަދަކަން
ކަޅުކަން
ނއނ (1) އަނދިރިކަން ގަދަކަން (2) ކުލަ އަނދިރިކަން
ކަމެއްދަމެއް
ނ ކަންބޮޑުވާފަދަކަމެއް
ކަސްޓަމު
ނ (1) ޤައުމަކަށް ނުވަތަ ޤައުމެއްގެ ވަކި ސަރަޙައްދަކަށް ބޭރުން އެތެރެވާ މުދަލާއި ބެހޭގޮތުން ހަމަޖައްސަންޖެހޭ ކަންތައްތައް ހަމަޖައްސަން ހުންނަ އިދާރާ ނުވަތަ އޮފީސް (2) ފަރުމޭޓް
ކުޅަނދުރު ހަތަޔަށް އޮއްގައުލުން
މ މަޖާޒު: ތިމާގެ މައްޗަށް ގަދަކަން ފޯރުވޭވަރުގެ މީހަކަށް ނުވަތަ ބަޔަކު ރުޅިއަންނާނެ ކަމެއްކުރުން
ކުޅިކަން
ނއނ ކުޅިރަހަގަދަކަން
ކުޅިސަމާ
ނ (1) ކުޅިޖަހާ ސަމާ. މިއީ ސަމާގެ މަތީ ދަރަޖައެވެ. އާދަކާދައިގެ ގޮތުން ކުޅިހުއްޓާރޭ ކުޅި ޖައްސަވާނީ ކޮށިކޮށީގެ ވެރިންނަށް ތިއްބަވާ ބޭފުޅުންނާއި ކޮށިކޮށީގެ މަތީ ދަރަޖައިގެ ބޭފުޅުންނެވެ (2) މަޖާޒު: ކުޅިވަރާ މަޖަލުގެ ފޯރިގަދަކަން ބަޔާންކުރުމަށް ބޭނުންކުރާ ބަހެއް މިސާލު: އެގޭގައި މިރޭ ކުޅިސަމާ އެބަހުއްޓެވެ
ކުކުރާމުގުރުން
މ (1) ރުއިމާއެކު ކުކުރުން (2) ކުރާންޖެހުނު މަސައްކަތެއްގެ ބުރަކަމުން ނުވަތަ ލިބޭ ވޭނެއްގެ ގަދަކަމުން ނުހަނު ބޮޑަށް ކުކުރުން
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުލަބު
ނ (1) ޚާއްޞަ މަޤުޞަދަކަށްޓަކައި އެކުވެރިވެފައިވާ ޖަމާޢަތް (2) ޖަމާޢަތެއްގެ މީހުން ކުޅިވަރުކުޅެ ޚިޔާލުބަދަލުކޮށް ހަދާން ބައްދަލުކުރާ ގެ
ކޫސް
ނ މަޑުމަޑު ގޮތަކަށް އިއްވާލާ އަޑެއް. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ. މިސާލު: )ހ( އެވަރަށްތެޅިއިރު ކޫސްވެސް ކިޔައެއް ނުލައެވެ. )ށ( ގެޔަށްވަދެ ހިތުހުރިގޮތަކަށް އުޅެފައި ދިޔައިރު ކޫސްކިޔައިލަން ކެރުނު މީހަކުވެސްނެތެވެ
ކޫސްކިޔުން
މ މަޑުމަޑުގޮތަކަށް އަޑެއް އިއްވައިލުން. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ