radheef.info
ރަދީފު


ދަށް
ނ (1) މަތި މިބަހުގެ އިދިކޮޅު މިސާލު: އޭނާ ދަށްމަޤާމަކަށް ބަދަލުކޮށްފިއެވެ (2) ދެރަ މިސާލު: ފެންވަރު ދަށް (3) މަތިން އަޅާއެއްޗެއްގެ އެތެރެ މިސާލު: ރިޔާދަށުގައި ތިބިމީހުން (4) މަތިފަރާތްނޫން އަނެއްފަރާތް މިސާލު: އެސިޓީ އޮންނާނީ އެފޮތުގެ ދަށުގައި (5) އަނދެގެން ހުންނަ ނުވަތަ ލައިގެންހުންނަ އެއްޗެއްގެ އެތެރެ
ރޮނގުދަމާފަތިގަނޑު
ނ ތެދަށް ރޮނގު ދެމުމަށްޓަކައި ކައިރިތެދުކޮށް ހަދައިފައި އޮންނަ އާލަތެއް
ރޯނު
ނ (1) ބޮނބިނަރުން ލީލި އަޅައިގެން ދެއުޅި ލީލިން ވަށާފަށެއް (2) 82 ނަކަތުން ހަތަރުވަނަ ނަކަތް ހުޅަނގު މޫސުމުގެ ހަތަރުވަނަ ނަކަތް (3) އެއްޗެހި ހިއްކަން އެޅުމަށް ދަމާފަށް (4) ބިންބިމުގެ އިން ވަކިކުރުމަށް ނުވަތަ ފާރުފާރު ތެދަށް ރޭނުމަށް ދަމާ ފަށް
ރޯނުފޯލި
ނ (1) އެކި އަދަދަށް އެކި މިންމިނަށް އަޅައިފައި ހުންނަ ރޯނުފަށްތަކެއް (2) ރޯނުބޮނޑިއެއްގެ އެތައް ބައިކުޅަ އެއްބައި (3) ރޯނުބޮނޑިއެއްގެ 21 ބައިކުޅައެއްބައި
ބަނޑުކަޅުމުގުރާން
ނ މުގުރާމުގެ ބާވަތެއް. މިއީ ބުރިކަށި ފަރާތުގައި ފެހިކުލަ ބަނޑުގެ ދެއަރިމަތީގައި ކަޅުކުލަ ބަނޑުދަށް ފަރާތުގައި ހުދުކުލަ ހުންނަ މުގުރާމެކެވެ
ބަނޑުކޮޅު
ނ ދަށްބަނޑު
ބަނޑުއެޅުން
މ (1) ހުތުރު ބަހުން ކެއުމަށް ބުނާގޮތް. (2) ފާރެއް ރާނަމުންދާއިރު ދެފަރާތުގައި ހުންނަ ގާބުރީގެ މެދަށް ކުދިގާ އެޅުން (3) އެއްޗެއްގައި ބަނޑު ޖައްސައިގެން ގުދަށް އޮތުން (4) މުދާބާލާ ބަނޑު ތަނެއްގައި ހައްޔަރުކުރުން
ބަންގިބެރު
ނ ރަދުން ހުކުރު ނަމާދަށް ނުވަތަ ޢީދުނަމާދަށް ވަޑައިގަންނަވާކަން އެންގުމުގެ ގޮތުން ޖަހައި އުޅުނު ބެރު
ބަރާ
ނ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެންވާ ބަރާ. (2) ފުރާ ދުއްވާ ތަކެތި ދުއްވަން ހެޔޮވަރަށް ކުރާ ބަރު. (3) ރިޔާ ނެގީމާ ތެދަށް ނުހުރެވޭ ވަރުގެ ހިމަދިގު ދޯނިފަހަރު ތެދަށް ބެހެއްޓުމަށްޓަކައި އެދޯނިފަހަރުގެ މަތި ކިބަފަރާތަށް ދުއްވައިފައި އޮންނަ ދަނޑިއެއްގައި ލައިފައި އޮންނަ ކަނދު
ބަބުރުފައިތިލަ
ނ ދަށްފައިގެ ހުރިހާ ތަން ހަމަޔަށް ޖެހޭ ފައިތިލަ
ބަތްޕެންހިކާ
ނ ހިކާގެ ބާވަތެއް. މިމަހުގެ މަތީބައިގެ ކުލައަކީ މުށިކުލައެވެ. ބޮލުން ފެށިގެން މަހުގެދިގަށް ފުޅާ ގަދަ މުށިކުލައިގެ ބޭންޑެއް ހުރެއެވެ ބުރިކަށިމަތީގައި ހުންނަނީ މުށިކުލައެވެ ބަނޑުދަށް ފަރާތުގެ ކުލައަކީ މަޑު ރީނދޫ ކުލައެވެ
ބަގަ
ނ (1) ވައްތަރު (2) ކަހަލަ (3) އެކުވެރިވެގެން އުޅޭ ދަށް ފަންތީގެ ބައިގަނޑު
ބަޑަމަށްދިޔުން
މ މަތީ ކިބައިގައި ހުންނަ ދޯންޏެއްގެ ދަށް ފަރާތުން ފަސްކަންޏާ ހަމައަށް ދިއުން މިތަނަށް ދަނީ ކުރީގައި އޮންނަ ދޯނިންއުކާ އެމުން މަސްބޭނުމުގެ ބޭނުމުގައެވެ
ބަޑަމު
ނ މަސްއައިނުގައި އޮންނަ ދޯނީގެ ދަށް ފަރާތުން ފަސްކަންޏާ ހަމަ
ބަޑިލުން
މ (1) ފިހިގެން ފޮޅުނެގުން (2) ތެލުލާ އެއްޗެހީގައި ބޮކި އުފެދުން (3) ލޭފެން ނުބައިވެގެން ހަށިގަނޑުގެ ހަމާ މަހާދެމެދަށް ފެން ނުވަތަ ދޮސް ފަދައެއްޗެއް އަރައި ފުއްޕުމަކާއެކު ތަންތަން އުފުލުން
ބާޒާރީބަސް
ނ ބަހުގެ ގަވާއިދާ ޚިލާފަށް މޮށެ އުޅޭ ދަށްބަހުރުވަ
ބިލެތާދިޔުން
މ (1) މައުލޫދަށް ކިޔާން ބިލެތް ހިފައިގެން ދިއުން (2) ހ މަޢުލޫދަށް ބިލެތްބަލައި ކޮންމެވެސް ރަށަކަށް ދިއުން
ބިސްރޮނޑު
ނ ރޮނޑުގެ ބާވަތެއް މަހުގެ ކުލައަކީ ކަޅު ކުލައެވެ ބަނޑުދަށް ފަރާތުގައި ހުދުކުލައިގެ ބޮޑެތި ލައްތަކެއް ހުރެއެވެ ތުނބުގެ ވަށައިގެން ހުންނަނީ ގަދަ ރީނދޫ ކުލައެވެ މަހުގެ މޫނުމަތީގައި ކައްޗަށްވާގޮތަށް ރީނދޫ ކުލައިގެ ކުރެހުމެއް ހުރެއެވެ
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބުދުފައްޅި
ނ ބުދަށް އަޅުކަން ކުރާ ދީންދީނުގެ މީހުން އަޅުކަން ކުރުމަށް ބުދުބަހައްޓާ ފައިހުންނަ އިމާރާތް
ބުޖާކުރުން
މ ބުދަށް އަޅުކަންކުރުން