radheef.info
ރަދީފު


ފުރާޅު
ނ ވާރެޔާ އަވިން ތަނެއް ރައްކާތެރި ކުރުމަށް ހަދައިފައި އޮންނަ ހިޔާ
މަތިގެ
ނ (1) އިހުގައި ގަނޑުވަރު ތެރޭގައި ތާންލޯއިން ހަތަރުފުރާޅުލައި ހިޔާކޮށްފައި ހުރި ދެބުރި ޢިމާރާތެއް މިއީ ކީރިތި މަހާރަދުން ރަސްކަމުގެ ހުރިހާ ކަމެއް ހިންގެވި އޮފީސް ޢިމާރާތެވެ (2) )ޏ ( ގެމަތި )އެއްބުރި ގޭގޭގައި ހުރަސް ބެރިތަކުގެ މަތީގައި ފިލާއަޅައިފައި އޮންނަތަން
މަޑި
ނ (1) މޫދުގައި އުޅޭ ނަގުލެއް އޮންނަ ފަތިމަހެއް. (2) ތެލަނގައާއި ވާލާއި ކޮކާފަދަ އެއްލަން ގެންގުޅޭ ގުޑީގެ ބާވަތެއް. (3) ބޯފިޔަގަނޑެއް އޮންނަ ރުކުގެ ކުރިގަނޑަށް ގެއްލުންދޭ ރޭގަނޑަށް އުދުހޭ ސޫތްޕެއް (4) ސައިކަލާއި ބައިސްކަލް ފަދަތަކެތީގައި އިށީންނަތަން (5) ނއ ފުރާޅުގެ ފެންފަހިވާގޮތް ކުޑަ
މަޑިކަން
ނއނ ފުރާޅުގެ ފެންފަހިވާގޮތް ކުޑަކަން
މިސްކިތުފަންސަންގު
ނ އިހުގެ ފަންޑިތަވެރިން ބޭނުންކުރާ އެއްޗެއް. މިއީ މިސްކިތު ފުރާޅުން ފީ އިލޮށިކޮޅަކާއި ވަކަރު ނުވަތަ ދަނޑިބޮއިގެން އެޅިފައިހުންނަ ގެރެވި ކޮޅަކާ ފީފަންކޮޅަކާއި ފީވަކަރުކޮޅަކާ ގަލުން ހުންނަ ހިސާބުން ފެހިކޮޅަކާއެވެ
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މޭވައްދަނޑި
ނ )ސ.( ދަނޑިންގަތާ ފުރާޅުގެ އަސްކެނީގައި ފައިދޮށުގެ އެންމެ ތިރީގައި އޮންނަ ދަނޑި
ފަންކޯރިބަނުން
މ ފުރާޅުގެ ތެރެއިން މައްޗަށް އަރައިފައި ހުންނަ ގަސްގަހާއި ވަސްމުޑި ފަދަ އެއްޗެހީގައި ބިންފަތްގަނޑެއްގެ ހުނގުލު ރޯނުން ތިރި ފުރާޅުމަތީގައި ޖެހޭނެހެން އެފަންގަނޑެއް އެއެއްޗެއްގެ ވަށައިގެން ބާރަށް އޮޅާ އެއްސުން
ފަންފުރާޅު
ނ ފަން ނުވަތަ ތޮށަލީން ހިޔާކޮށްފައި ހުންނަ ފުރާޅު
ފަންގިފިލާ
ނ (1) ގޭގޭގެ ހުރަސް ވަކަރުމަތީ ފިލާއަޅައި އެއްޗެހި ބެހެއްޓޭގޮތަށް ހަދައިފައިވާ ތަން. (2) މަތީބުރީގައި އުޅެވޭގޮތަށް އުސްކޮށް ރާނައިފައި ހުންނަ ގޭގޭގެ މަތީބުރީގައި އުޅޭ މީހުން ހިނގާ ބިނގާވާތަން. (3) ދެވަނަ ނަމްބަރުގައި ބުނެފައިވާ ތަންތަނުގެ ދަށުގައްޔާއި ފުރާޅު ނިވާކުރުމަށް ފުރާޅުދަށުގައި ލަކުޑިން ނުވަތަ ސިމެންތި ފިލައިން ނުވަތަ އެނޫންވެސް އެއްޗަކުން ޖަހާނިވައި
ފަންގެއެރުވުން
މ ފުރާޅެއްގައި ފަންގިލާއިރު ގިނަ ފަންގަނޑުތައް ގުޅުވައި އޭގެކޮޅު ފުރާޅުމަތީ ތިބޭ މީހުންގެ އަތަށް ދިނުން
ފަޅިކިހަ
ނ ފުރާޅުގެ ހުއްޓިމަތީ އަޅާ ދަނޑި
ފައިދޮށް
ނ (1) ގެއެއް ފަދަ ތަނެއްގެ ފުރާޅު ހިފެހެއްޓުމަށް ފުރާޅުގެ ދަށުން އެއްކޮޅު ވަހުގައި ހަރުކޮށް އަނެއް ކޮޅު ފަތްފޮށި ވަކަރާއި ގުޅައިފައި ހުންނަ ވަކަރު (2) މީހާގެ ފައިގެ ކައިރި
ފެންފަހިކުރުން
މ ފެންފައްސިޔަކުރުން )ފަސޭހައިން ފެންއޮހިގެންދާވަރަށް ފުރާޅު ފަދަ ތަންތަން ކަތިކުރުން
ފެންފަށް
ނ ފާރެއްގައި ޖެހިފައި ފުރާޅު ހުންނަ ތަންތާގެ ފާރުގައި ޖެހިގެން ފައިބާ ފެން އެތެރެއަށް ދިޔަނުދިނުމަށްޓަކައި ފާރާ ގުޅައިގެން ޓިނުގެ މަތީގައި އަޅާ އުވަފަށް ނުވަތަ ސިމެންތިފަށް
ތޮށަލި
ނ (1) ރުކުގެފަން މެދުން ފަޅައިލައިފައި ފަންވަތްތައް އެއްވަތުމަތިން އަނެއްވަތު ދަށުން ނަގައި ވިޔެފައި ހުންނަ އެއްޗެއް މިއީ ގޭގޭގެ ބިތުގައި ޖެހުމަށާއި ފުރާޅުގައި ލުމަށް ބޭނުންކުރާ އެއްޗެކެވެ (2) ރުކުގެ ފަން މެދުން ފަޅައިލައިފައި ދެފަޅީގެ އޮށިގަނޑު ދެފަރާތަށް ހުންނަގޮތަށް ދެފަޅިއެއްކޮށް ވިޔެފައި ހުންނަ އެއްޗެއް މިއީ މަސް ބެހެއްޓުމަށް ވިޔެފައި ހުންނަ އެއްޗެކެވެ
ތޮށަލިލުން
މ ތޮށަލިން ފުރާޅު ހިޔާކުރުން
ތޮނަކަނި
ނ ފުރާޅުގެ ވަސް ބާއްވަން ތާވަކަރު މަތީގައި ކޮޅަށްޖަހައިފައި ހުންނަ ވަކަރުބުރި
ފިއަކަން
ނ ގޭގެ ކޮޅުން ފުރާޅުން ނުކުމެފައިވާ ތަން
ފިޔަކަން
ނ ގޭގޭކޮޅުން ފުރާޅުން ބޭރަށް ނެރެފައި އޮންނަ ތަނުގެ ނަން
ފުރާޅުބަނުން
މ (1) ފަންލާން ފުރާޅުހެދުން )ގެތުން( (2) މަޖާޒު: ކުޅިޖަހާއިރު ހަލާދަނޑިން ފުރާޅެއްގެ ގޮތްދެއްކުން