radheef.info
ރަދީފު


މޫ
ނ (1) ގަސްގަހާ ގެއްސާއި ވެޔޮވެލާވެލީގެ ބުޑުން ފަޅައިގެން ބިމުގެ ތެރެއަށް ދެމިފައިން ހުންނަ ބައި. (2) ގަހަށް ކާނާ ހޯދައިދިނުމާއި ގަސް ބިމުގައި ހިފިހުރުމުގެ ބާރެއްކަމުގައި ހިމެނޭ ބައި (3) ހަށިގަނޑުގައި އުފެދޭ ބަލިބަލީގައި މަސްގަނޑުގެ ތެރެއަށް ފެތުރެމުން ހެދެމުންދާ ރޮދިފަށްތަކެއްހެން ހުންނަބައި
ހުޅަނގުވުން
މ (1) އައްސިދަލައިގަތުން (2) ހުޅަނގު މޫސުން ފެށުން
ހުޅަގަޖެހުން
މ )ސ ( (1) ހުޅަނގު މޫސުމުގެ ވިއްސާރަ އައުން (2) މަޖާޒު: އަޑުގަދަކޮށް ޒުވާބު ކުރުން
ހުޅުބަލިފެލާ
ނ )ޏ.ސ.( ޗަސްބިމުގައި ހެދޭ ވިނައެއް )މިވިނަގަސް ހެދެނީ ބަދަބަދައަށެވެ. ވެލެއްހެން ހެދޭ މިވިނަގަސް ބިންމަތީ ދުވަމުން ދާއިރު ބަދަވަޅުތަކުން މޫފައިބަމުންދާނެއެވެ މިއީ ވަރަށް އަވަހަށް ހެދޭ އަދި ގިނަވާ ވިނައެކެވެ މިގަސް ބިމުން ލުހެލަން އުޅެފިނަމަ ބަދަވަޅުތަކުން ބިންދަ ބިންދައިގެންދާތީ "ހުޅުބަލިފެލާ" އޭކިޔަނީއެވެ
ހުޅުފަނާދިއުން
މ ރޭގަނޑު މަސް ހިފަން ދާއިރު މަސް ގާތަށް ގެނައުމަށްޓަކައި ފަންހުޅިއެއްގައި ރޯކޮށްގެން ނުވަތަ އެހެންވެސް އައްޔެއް ހިފައިގެން މޫދަށް އެރުން
ހުއި
ނ (1) ހިމަދިގުކޮށް ފަތް ހުންނަ ވިނަ (2) މޫދުވިނަ (3) )ލ ( މުގުރާމުގެ ބާވަތެއް
ހުއިވަނި
ނ (1) މޫދުގައިއުޅޭ ދިރޭއެއްޗެއް މިއޮންނަނީ ބިޗުލެއްގެ ސިފައިގައެވެ (2) ނ އަތޮޅުގެ ފަޅުރަށެއްގެ ނަން (3) ހުވަނި
ހުއިވަކި
ނ (1) މޫދުގެ ހުއިގަހުގައި އަޅާއޮށް (2) )ހ ( ބަތާވިގާ
ހުއިފަތުނައި
ނ މޫދުގައި ހުއިގަސްތަކު ތެރޭއުޅޭ ނައެއްކަހަލަ އެއްޗެއް މީގެކުލަވެސް ހުއިފަތާ އެއްކުލަވާނެއެވެ
ހުއިފަތުފެހި
ނ މޫދުވިނައިގައި ހުންނަ ކުލަ
ހުއިފަތް
ނ މޫދުވިނަ
ހުއިފިލަނޑާ
ނ މޫދުގައިއުޅޭ ދިރޭ އެއްޗެއް މީގެ ތަފާތު ވައްތަރުތައް ހުރެއެވެ ބައެއް އެއްޗެހި ކަޅުކުލައިގައި އުންފަޅައިފައި އަނެއްބައި އެއްޗެހި ކުކުޅުބިސް ކުލައިގައި ކަޅުލައް ޖަހައިފައިހުރެއެވެ މީގެތެރެއިން ބައެއް އެއްޗެހީގެ ބަނޑުގައި ބިއްލޫރި ކުލައިގެ ހިމަދިގު މަހެއް އޮވެއެވެ
ހުވަނި
ނ (1) ހޫނުމޫސުމަށް ބައެއްގަސްގަހުގައި އަޅާ ވިހަފަންޏެއް މިޖެހުނީމާ ގައިކަހައި ބިހިނަގައެވެ (2) )ޏ ސ ( ކަޅުބިލަމަސް ބާނާ ބުޅި
ހުވަން
ނ (1) އަށާވީސް ނަކަތުގެ ތެރެއިން ތޭވީސްވަނަ ނަކަތް (2) އިރުވައި މޫސުމުގެ ހަތަރުވަނަ ނަކަތް (3) އެއްޗެއްގެ ޚަބަރު މިބަސްގިނައިން ކިޔައި އުޅެނީ "ހިލަން" މިބަހާއި ގުޅުވައިގެންނެވެ މިސާލު: އޭނާގެ ހުވަން ހިލަންވެސް ނުވެޔޭ ބުނެފިނަމަ އެއީ އޭނާގެ އެއްވެއް ޚަބަރެއް ނުވެއެވެ (4) )ޏ ސ ( ނަގުލުވައި
ހުވަން ނަކަތް
ނ އިރުވައި މޫސުމުގެ 4 ވަނަ ނަކަތް
ހުވަންދިނަށަ
ނ އިރުވައި މޫސުމުގެ 4 ވަނަ ނަކަތާއި 5 ވަނަ ނަކަތަށް އެއްކޮށް ކިޔާގޮތް
ހުދުކޮކާ
ނ ދެމޫސުންބެދޭއިރު ރާއްޖެއިން ފެންނަ ކުދިހުދު ކޮކާލެއް
ހުތް
ނ (1) ލުނބޯއާއި ބިލަމަގު ފަދަތަކެތީގެ ދިޔަ (2) ލުނބޯ އާއި ނާރިނގާއި ބަނބުޅަބޮސް ފަދަ ތަކެތީގެ ތެރޭގައި ހުންނަ ފިތްނުވަތަ ބައި (3) ރުކުރާ މޭބިސްކަދުރު ދިޔަ ފަދަ ތަކެއްޗަށް ވަކި މުއްދަތެއްވުމަށްފަހު ކިޔާނަން (4) ލުނބޯ އާއި ބިލަމަގު ފަދަތަކެތީގައި ހުންނަރަހަ މިބަސްނަން އިތުރެއްގެ ގޮތުންވެސް ބޭނުންކުރެއެވެ މިސާލު: )ހ ( ހުތް އަންނާރު )ށ ( ހުތް ކުންނާރު (5) )އ ( މޫދުތެރޭގަލުގައި ހިއްޕައިގެން އިންނަ އެއްޗެއް (6) މަޖާޒު: ނުބައި ކަމަކަށް ދޭނަސޭހަތް
ހުލިހުލިކަކުނި
ނ މޫދުގެ ގާތަކުގެ ތެރޭގައިއުޅޭ ކުރެހުންއެޅި ދުލިބާލާ ކަކުންޏެއް
ހުސެންދަރި
ނ (1) އޮޑިދޯނިފަހަރުގެ ހުރަސްފިލާގެ ދެކޮޅުގައި ވާއައްސާން ލަކުޑިން ޖަހާފާ ހުންނަ ދެމޫޓު (2) )ޒ ސ ( އޮޑިދޯނިފަހަރުގެ ދިރުނބާކޮޅުގައި ވާއައްސާން ހުންނަ ދެމޫޓުގެ ތެރެއިން ކުޑަވަނި ފަރާތުގައި ހުންނަ މޫޓު
ހޫފަތި
(1) ތުނބި (2) މޫދުވިނައިގެ ތެރޭގައި އުޅޭ މުޅިއެތީގައި ކެހެރި ފަޅައިފައި ހުންނަ ފަންޏެއް މިފަނި ޖެހިއްޖެއްޔާ ދިލަނަގާ ކަހައިފިތް ނަގާނެއެވެ