radheef.info
ރަދީފު


މަޖާޒު
ނ ބަހުގެ އަސްލުމާނަނޫން އެހެން މާނައެއް ދޭހަވާބަސް
ފަތާދިއުން
މ މަޖާޒު: ދައުލަތުގެ އަމުރަކައިގެން ދިއުން
ފަތިފުށް
ނ (1) ފަހާފައި ހުންނަ ލިބާހާއި ގަމީސް ފަދަ ތަކެތީގެ އެތެރެ ފަރާތް (2) މަޖާޒު: މީހަކަށް ކުރެވިފައި ހުންނަ ލަދުގަންނަންޖެހޭ ދެރަކަންތައްތައް
ފަތިގަނޑު ފިރުކާލެވޭވަރުންވުން
މ މަޖާޒު: ކަމެއްގައި މީހަކާ ވާދަކޮށްލެވޭ ވަރު ނުވުން
ފަތިސް
ނ (1) ފަޖުރު ތަރި އެރީއްސުރެ އިރުއަރަން ފެށުމާ ދެމެދު (2) މަޖާޒު: އުއްމީދު (3) ރަނގަޅު ހެޔޮ ފެށުމަކަށް ތައްޔާރުވާން ފަށާފެށުން
ފަތިސްވުން
މ (1) ފަޖުރުލުން (2) ފަތިސްނަމާދު ވަގުތުވުން (3) މަޖާޒު: އުއްމީދު އާވުން
ހައެއްވުން
މ (1) ހަވަނަ ޢަދަދު ހަމަވުން (2) މަޖާޒު: ޅަކުއްޖަކު ތަންދޮރު އެނގޭ ވަރަށް ބޮޑުވުން
ހައްޔަރެއްނެތުން
މ (1) ބަންދުކަމެއްނެތުން (2) ހިފެހެއްޓުމެއްނެތުން (3) މަޖާޒު: ބަލިވެއިން ކަމުގައި ނުވުން
ހައްޕު
އކ (1) އަނގައިން ނުބުނާން ޤަސްދުކޮށްގެން ހުރިކަން އަންގައިލުމަށް ބުނެއުޅޭބަހެއް. މިސާލު: އަހަރެން ހައްޕު ކިޔައިފީމޭ ބުނެފިނަމަ އެއީ އަހަރެން އަނގަޔަކުން ނުބުނާނަމޭ (2) މަޖާޒު: ކަމަކުން ދުރުވެހުރިކަން އަންގައިލުމަށް ބުނެއުޅޭބަހެއް މިސާލު: "ތިޔަކަމަށް ހައްޕު ކިޔައިފީމޭ" ބުނެފިނަމަ އޭގެމާނަޔަކީ ތިޔަކަމުން ދުރުވެގެން ފީމޭ
ހަވަރުފެންފޮޅިޔަށްއެޅުން
މ (1) ހަވަރު ގޮވާލުމަށް ފެންފޮޅި ފިހާން މަޖިލީހަށް އަރާ ބޭކަލުންގެ ގޭގެޔަށް ހަނޑޫ ބެހުން (2) މަޖާޒު: ތިމާޔަށް އިވުނު ޚަބަރެއް ހުރިހާތާކަށް ފަތުރަމުން ހިނގުން
ހަވަރުތުންފުހި
ނ (1) ހަވަރު ގޮވާލުން ކޭންބައްލަވައިގެން ހަވަރު އަތްފުއްސަވާން އެލުވައިފައި ހުންނަ ފޮތިގަނޑު (2) މަޖާޒު: ޝަހްވާނީގޮތުން ތިމާގާތަށް އައިކޮންމެ ފިރިހެނަކާ ޤަބޫލުވާ އަންހެނާ
ހަމަނޭވާލުން
މ (1) ނޭވާ ދަތިވެގެން އުޅެފައިނޭވާ ހަމަޔަށްލުން މަޖާޒު: (2) ހަމަނުޖެހޭ އުޅުމަކަށްފަހު ހަމަޖެހޭ އުޅުމަކަށް އައުން (3) އަވަދިނެތި އުޅެފައިތަންވަޅު ލިބުން
ހަމަވައި
ނ (1) ހަމަރޯޅި (2) ނިވަލެއްނެތި ޖެހޭވައި (3) މަޖާޒު: ދިރިއުޅުމުގައި ދިމާވާ އުނދަގުލަށްފަހު ލިބޭ ފަސޭހަ
ހަމަވައިގައިޖެހުން
މ (1) ނިވަލެއްނެތި އަންނަވައިގައި ޖެހުން (2) މަޖާޒު: މީހެއްގެ އުޅުން ވަކިގޮތަކަށް ހަމަނުޖެހި އުޅެއުޅެފައި އެއްގޮތެއްގައި ހަމަޖެހުން
ހަމަފައިޖެހުން
މ (1) އިސްކޮޅު ނުކާތާކުން ފައިޖެހޭ ހިސާބަށް އާދެވުން (2) މަޖާޒު: ހަމަނުޖެހޭ އުޅުމަކަށްފަހު ހަމަޖެހޭ އުޅުމަކަށް އައުން
ހަމަދުވެލި
ނ (1) ހަމަވައިގައި ދުވާދުވެލި (2) ފުރިހަމަ ދުވެލި (3) މަޖާޒު: ދިރިއުޅުމުގައި ދިމާވާ އުނދަގުލަށް ފަހު ލިބޭފަސޭހަ
ހަފޮޅުން އެތެރެވުން
މ (1) މަތިކަނުން އެތެރެވުން (2) މަޖާޒު: ކޮންމެވެސް ޖަމާޢަތެއްގައި އެންމެ ދެރަ ގޮތުގައިނަމަވެސް ހިމެނިގެންވުން
ހަތަރުއުދަރެސްފެނުޖެހުން
މ (1) ހިކިފަސްތަނެއް ފެންނާންނެތުން (2) މަޖާޒު: ކަމަކާމެދު ފިކުރުކޮށްކޮށް ގޮތެއްނުފެނުން
ހަތާތަޅައިލުން
މ (1) ކުޅަނދުރުގެހަތާ ހަލާކު ކޮށްލުން (2) މަޖާޒު: ތިމާއުޅޭގެ ނުވަތަ ތިމާ އެތަނަކާ ގުޅިފައިވާތަނެއް ތިމާގެ ކިބައިން ނިގުޅައިގަތުން ނުވަތަ ނައްތައިލުން
ހަތްހާއްޔަށްލުން
މ (1) ބަފާބުޅަލަށް ފޮރުވާން މައިއެތި ޅަ ބުޅާތައް އެއް ތަނުން އަނެއް ތަނަށް ގެންދިއުން (2) މަޖާޒު: މާބޮޑަށް ފޮރުވުން
ހަތްބުރީނަނުކޮޅުގައި
ނ މަޖާޒު: ހުރި ދުރުމިން ބަޔާން ކުރުމަށް ބުނެއުޅޭ ގޮތެއް