radheef.info
ރަދީފު


މަޑު
ނއ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތް ހުންނަ ހުރުން (2) ކަނޑުގެ ރާޅުތައް ކުދިވެ ހަމަހިމޭންވެފައި އޮންނައޮތުން (3) ޙަރަކާތްތެރިކަންކުޑަ (4) ފަނޑު (5) ނޭފަތާއި ލޮލާއި ކަންފަތުން ނެގޭ ހަޑިއެއްޗެއް (6) ފެނާއި ތެލުގެ ތެރޭގައި އުފެދޭ ހަޑި (7) ކާއެއްޗެއްގެ ރަހަޔަކުން ވާއުނި (8) ގަދައާއި ހަރުގެ އިދިކޮޅު
މަޑުޗަކުންޗައްޕާސް
ނ މަޖާޒު: (1) ފެންރަނގަޅަށް ނުހިނދި މަޑުވެގެން ޗަސްވެފައިހުންނަބަތް (2) ލޮކިމަސްޖަހައި ފަލަވެފައި ހުންނަ ޙަރަކާތްތެރިކަން ކުޑަމީހާ
މާނަކަތްގެންމަޑުވުން
މ (1) މާނަކަތުގެ ކޮޅިގަނޑު ޖެހި އެއަށްފަހު މަޑުވުން މަޖާޒު: (2) ވަރުގަދަ ކަންތައްގަނޑެއް ހިނގުމަށްފަހު މައިތިރިވެ ހަމަޖެހުން (3) މާއަޑުގަދަވެފައި އޮތުމަށްފަހު ހިމޭންވުން
ފަސްމަޑުވުން
މ ފަސްގަނޑުގެ ހަރުކަން ކެނޑިދޫވުން
ފެންމަޑު
ނ ގިނަދުވަސް ވަންދެން ފެންހުންނަ އެއްޗެހީގެ އަޑީގައި ހެދޭމަޑު
ފޮނިމަޑުކަން
ނއނ ފޮނިރަހަ ކުޑަކަން )އެއްޗެއްގައި ފޮނިރަހަދޭ މިންވަރު ކުޑަކަން
ފޮނިމަޑުކުރުން
މ ފޮނިރަހަ ކުޑަވާގޮތް ހެދުން
ދަތްމަޑުވުން
މ ހުތް އެއްޗެހި ކެއުމުން ދަތަށްވެފައި ހުންނަގޮތެއްވުން މިގޮތްވެފައި ހުންނައިރު ދަތުން އެއްޗެހި ހަފަން ދަތިވެއެވެ
ދުޅަމަޑުވުން
މ ދުޅަތިރިވުން
ދެހަޅަޖަހައި ހަޅަމަޑުވެ ވައިއުތުރަށްއެރުން
މ (1) އިރުވައިމޫސުމުގެ ދެހަޅަ ޖަހައިނިމި މަޑުވެ އުތުރުން ވައިޖެހޭން ފެށުން. (2) މަޖާޒު: އަރިއަރުންގަނޑެއްނިމި ޞުލްޙަވުން
ދެހަޅަޖަހައިމަޑުވުން
މ (1) އިރުވައި މޫސުމުގެ ދެހަޅަޖަހައި ވިއްސާރަ އަލިވެ ވައިމަޑުވުން (2) މަޖާޒު: އަރައިރުންނިމި ހަމަޖެހުން
ތަދުމަޑު
ނއ (1) ތަނަކަށް ނުވަތަ ރަށަކަށް ކާބޯތަކެތިވާމަދު (2) ކައިބޮއިއުޅުން ދަތިވާ ދަތިވުން
ތަދުމަޑުކަން
ނއނ ކާބޯތަކެތި ނެތުމުގެ ސަބަބުން ނުވަތަ މަދުވުމުގެ ސަބަބުން ލިބިފައިވާ ދަތިކަން
ތަދުމަޑުކަންފިލުން
މ (1) ތިޔާގިކަންލިބުން (2) ތަނަކަށް ކުރިމަތިވެފައިވާ ކާބޯތަކެތީގެ ދަތިކަންފިލުން
ތަދުމަޑުޙާލު
ނ (1) ކާބޯތަކެތީގެ ގޮތުން ލިބިފައިވާ ދަތިކަން (2) ކާބޯތަކެތި ނުލިބުމުގެ ސަބަބުން ކުރިމަތިވާ ދަތިކަން
ލޮނުމަޑު
ނއ (1) ލޮނުރަހަ ކުޑަ. (2) މަޖާޒު: ޙަރަކާތްކުޑަ ނެގިމަޑުވެފައި ހުންނަ ނުވަތަ އޮންނަ (3) ފޯރިއެއްނެތް
ލޮނުމަޑުކަން
ނއނ (1) ކާބޯތަކެތީގެ ލޮނުރަހަ މަޑުކަން (2) ޖޯޝާއި ފޯރި ކުޑަކަން
ލޮނުމަޑުވުން
މ (1) ބޯއެއްޗެއްސާއި ކާއެއްޗެތީގައި ހުންނަންވާވަރަށްވުރެ ލޮނުގެ ރަހަމަޑުވުން. (2) މަޖާޒު: ހިނގަމުންދާ ކަމެއް ނުވަތަ މަސައްކަތެއްގެ ފޯރީ ކުޑަވުން ނުވަތަ ޖޯޝް ނެތުން
ލޮނުމަޑުމީހުން
ނ މަޖާޒު: ރޫޙު ކުޑަ ޝައުގުވެރިކަން ކުޑަ ފޯރި ނުހުންނަ މީހުން
ގިނިމަޑުކުރުން
މ އެއްޗެއް ކައްކާއިރު އަލިފާނުގެ ހުޅުގަނޑު ކުޑަކޮށްގެން ނުވަތަ އުނދުނުން ދަރުމަދުކޮށްގެން ހޫނު ކުޑަކޮށްލުން
ގިނިމަޑުވުން
މ ހޫނު މަޑުވުން