radheef.info
ރަދީފު


މަގު
ނ (1) ހިނގުމަށާއި އެއްޗެހި ދުއްވުމަށް ޚާއްޞަ ކުރެވިފައިވާތަން (2) ޓިނާއި އީޓްފަދަ ތަކެތީގައި ފެންދަތުރުކުރުމަށް ޓަކައި އަޑިކޮށްފައި ހުންނަތަން (3) ގޮތް (4) ހަމަ (5) ދިޔާ އެއްޗެހި ބޯން ބޭނުންކުރާ ޖޯޑުވައްތަރުގެ އުޅައްލީ ތަށްޓެއް
މަގުބޭސްއެޅުން
މ ވަރުބަލާ ބަޑިޖަހާއިރު ބަޑިފަޅައިގެން ހިގައްޖެނަމަ މީހުންނަށް ރައްކާތެރިވެވޭ ހިސާބުގެ ދުރުމިނެއްގައި ކަށިކެޔޮފަތް ބަހައްޓައި ބަޑިބޭސްއެއަށް އެޅުން
މަގުބޮލިއެޅުން
މ އިހުގައި ވަކި ދަރަޖައެއްގެ މީހުން މަރުވެގެން ސަންދޯއް ގެންދާއިރު މަގުގެ ދެފަރާތަށް ބޮލި އަޅާއެޅުން
މަގުޅާތު
ނ )މ ( މަގަތް
މަގުކޮށުން
މ (1) ވަލުތެރޭގައި ހުންނަ މަގުތައް ވާވެ ގަސްތައް ބޯވާން ފެށީމާ ކޮށައި ސާފުކުރުން (2) މަގުމަތި ބެދޭނެ ފަދަ ގޮތަކަށް ހުންނަ ގަސްތައް ކޮށައި ސާފުކުރުން (3) މަޖާޒު: ކަމެއް ކުރިއަށް ގެންދާނެގޮތް ރާވައި ފަހިކުރުން
މަގުއަމާންވުން
މ (1) މަގުމަތީގައި އެއްވެސް ނުރައްކަލެއް ނެތުން (2) މަޖާޒު: ކުރަން އުޅޭ ކަންތަކަށް އެޅިފައި ހުންނަ ބައެއްޒާތުގެ ހުރަސްތައް ފިލުން
މަގުއޮޅުން
މ (1) ހިގުމުގައި ނުވަތަ ދަތުރުކުރުމުގައި ދާންވީގޮތް އޮޅުން (2) ދެވޭނުދެވޭތަނެއް ނޭނގުން (3) މަޖާޒު: ތިމާގެ މަޤާމު ތިމާއަށް އޮޅުން (4) ހެޔޮކަމަކަށް ނުބައިކަމެކޭ ހީވުން ނުވަތަ ނުބައި ކަމަކަށް ހެޔޮކަމެކޭ ހީވުން
މަގުމަތި
ނ ހިނގާބިނގާ އުޅޭ މަގަށްވީ ހިސާބު
މަގުމަތީލަވަ
ނ ގާއޮޑި ލަވަކިޔާ މީހުން ވެދުމާ ދާއިރު ކިޔާލަވަ
މަގުފަހިކުރުން
މ ކަމެއް ކުރުމުގައި ފަސޭހަވާނެގޮތްތައް ހޯދުން
މަގުފަހިކޮށްދިނުން
މ ކަމެއްވެވޭނެގޮތް ތަނަވަސްކޮށް ދިނުން
މަގުފަހިވުން
މ މަޖާޒު: ކަމެއް ކުރެވޭނެގޮތްތައް މެދުވެރިވުން
މަގުފަރިއޯޅޮ
ނ )ޏ ( އިހުގައި ރަށުގެ ބޮޑެތި މަގުތަކުން ވިނަނޮޅާދުވަސްދުވަހު ރަށުގެ އަންހެނުންދޭ ފަރިވަޅެއް
މަގުފިރުމުން
މ މަޖާޒު: ހިރެމުން ހިރެމުންދާގޮތަށް މަގުމަތީގައި ހިނގުން
މަގުފުރެއްދުން
މ (1) ތެދުމަގުން އެއްކިބާ ކުރުވުން (2) މަޖާޒު: މީހަކަށް ނުބައި ނަޞޭޙަތާއި ވަސްވާސް ދީގެން ހެއްލުންތެރިކުރުވުން
މަގުފުރެދުން
މ (1) ތެދުމަގުން އެއްކިބާވުން (2) މަޖާޒު: މީހެއްގެ ނުބައި ނަޞޭޙަތަށް ހެއްލުންތެރިވުން
މަގުފުޅައްފޭލިދެމުން
މ ރަސްމީގޮތުން އެކިއެކި ޢިއްޒަތްތެރީން މާލެވަޑައިގަންނަވާއިރު މަގުގެ ދެފަރާތުގައި ފަތްދަނޑިޖަހައި އެއިން ކޮންމެ ދަނޑިއެއްގައި ދިދަނަގައި އެދަނޑިތަކުގެ ތިރީގައި ހުދުފޮތި ފާޓުގެ ފުޅާމިނަށް ދެމުން
މަގުފޭރުން
މ މަހުހިނގާފައިދާ މީހެއް ނުވަތަ ބައެއްގެ އަތުން ނުވަތަ އެއްގަމު ދަތުރުކޮށްފައި ދާ މީހެއް ނުވަތަ ބައެއްގެ އަތުން ގަދަކަމުން ނުވަތަ ބިރުދައްކައިގެން ތަކެތި އަތުލުން
މަގުފޭރޭމީހުން
ނ މަގު ހިނގާފައިދާ މީހެއްގެ އަތުން ނުވަތަ އެއްގަމުގައި ދަތުރުކޮށްފައިދާ މީހެއްގެ ނުވަތަ ބައެއްގެ އަތުން ގަދަކަމުން ނުވަތަ ބިރުދައްކައިގެން ތަކެތި އަތުލާ މީހުން
މަގުފޭލިދެމުން
މ މަގުގެ ދެފަރާތުގައި ހުދުފޮތި ދެމުން މިއީމަތީ ދަރަޖައިގެ ބޭފުޅުންނަށް ޢިއްޒަތްތެރިކޮށް ހިތުމުގެ ގޮތުން އިހުގައި ކުރާ ކަމެކެވެ
މަގުދިލުން
މ (1) ވެލެއްގެ ތެރެއިން މަގެއް ކޮށައި އަލިކުރުން (2) މަގުގައި ހުންނަ ވިނަނޮޅައި ސާފުކުރުން