radheef.info
ރަދީފު


ވަރުގަދަ
ނއ (1) ގަދަފަދަ (2) ބާރުގަދަ (3) ޞިއްޙަތު ރަނގަޅު
ކިނބޫ
ނ އެއްގަމާއި ފެނުގައި ދިރިއުޅޭ މިނިކާ އެއްޗެއް މިއީ ހަރުތޮއްޓެއް އޮންނަ ބިންމަތީގައި ބަނޑުޖަހައިގެން އުޅޭ ޖަނަވާރެކެވެ މީގެ އަނގަ ވަރަށް ބޮޑުވާނެއެވެ އަދި ނަގޫ ދިގުވެފައި ވަރުގަދަވާނެއެވެ
ކުނބުވައްގަނޑު
ނ އޮޑިދޯނި ފަހަރުގައި ކުނބުގެ ފޫ ޖަހާން އަލާ ވައްގަޑު މިވައްގަނޑު އެހެން ބުޑުވަކަށްވުރެ ވަރުގަދަ ވާނެއެވެ
ކުދިރުވާލި
ނ ފީނިކޮށް ދަނޑިތައް ވަކިވަކިން ވާކޮށްހެދޭ ގަހެއް މީގެ ދަނޑިވަރަށް ވަރުގަދަވާނެއެވެ މިގަހުގެފަތުގައި ވަރަށްނުބައި ހިތިވަހެއް ހުންނާނެއެވެ މާހުންނާނީ އުނިއޮށެއްގެ ބޮޑުމިނުގައި އެތެރެހުސްކޮށެވެ މަލުގެ ސިފައަކީ އާފަލެއްގެ ސިފައެވެ ކުލައަކީ ފެހިކުލައެވެ މީގެވަކި ލަބަރިބަންނަން ބޭނުންކުރެއެވެ މީގެފަތަކީ ބޭހަށް ބޭނުންކުރާ އެއްޗެކެވެ
ކޫސް
ނ މަޑުމަޑު ގޮތަކަށް އިއްވާލާ އަޑެއް. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ. މިސާލު: )ހ( އެވަރަށްތެޅިއިރު ކޫސްވެސް ކިޔައެއް ނުލައެވެ. )ށ( ގެޔަށްވަދެ ހިތުހުރިގޮތަކަށް އުޅެފައި ދިޔައިރު ކޫސްކިޔައިލަން ކެރުނު މީހަކުވެސްނެތެވެ
ކޫސްކިޔުން
މ މަޑުމަޑުގޮތަކަށް އަޑެއް އިއްވައިލުން. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ
ކޮޅުވަށިންދިނުން
މ (1) އެންއުކާއިރު ވަށީން އެންނަގާގޮތަށް އުކައިލުން (2) މަޖާޒު: ވަރުގަދަޔަށް އެއްޗެހި ގޮވައިގަތުން
ކޮކަޑި
ނ މީދާ މަރަން ގެންގުޅޭ ވަރަށް ވަރުގަދަ ވިހައެއް މިހުންނާނީ ހުދުކުލައިގެ ހިމުން ފުށެއްހެނެވެ
އަސްދޫނި
ނ ވަރުގަދަ ތުންގަނޑެއް އޮންނަ ކިލާފެނާ ދޯޅުކަން ބޮޑު އޭގެ މަސްކާ ދޫންޏެއް މީގެ ސިފަ އެންމެ ވައްތަރުވާނީ ރޭރާއެވެ މީގެ ވަރަށް ގިނަ ބާވަތް ހުރެއެވެ
އިސްފިރޭނު
ނ އިސްޕިރޭނު ނަރު ނުވަތަ ހިމަ ދަގަނޑު ވަކި ގޮތްތަކަކަށް އޮޅައިގެން ހަދައިފައި ހުންނަ ވަރުގަދަ ފަންވަރަކާއި ބާރެއް ލައިފައިވާ އެއްޗެއް
އެއްކަށިވީރު
ނ (1) ކަށިފަލަ ވަރުގަދަމީހާ (2) ބޯދާޚިޔާލުގައި އަތްދަނޑީގެ ކަށި އެއްވެފައި އަދި އަރިކަށީގެ ކަށިތައްވެސް އެއްވެފައިވާމީހާ
(2) ވީރު ބަލާ! ވީރަ
ނއ )ބދ.( (1) ވަރުގަދަ ގަދަފަދަ
މަރައިފި
މަޖާޒު: (1) ކެއްސެއް ލިބޭ ކަހަލަ ގޮތެއް ދިމާވުމުން ބުނެއުޅޭ ބަހެއް މިސާލު: މިއަދު އެއޮއް ވަރުގަދަ ކެއުން ގަނޑަށް ނުދެވުނު ކަމުން މަރައިފި (2) ލިބޭނޭކަމަށް އުއްމީދުކުރި ނަތީޖާ ނުލިބުމުން ބުނެއުޅޭ ބަހެއް މިސާލު: އިއްޔެ ނީލަމުން ނެގި އެއްޗެހި ގަތް އަގުގައިވެސް ނުވިކުނު ކަމުން މަރައިފި
މާނަކަތްގެންމަޑުވުން
މ (1) މާނަކަތުގެ ކޮޅިގަނޑު ޖެހި އެއަށްފަހު މަޑުވުން މަޖާޒު: (2) ވަރުގަދަ ކަންތައްގަނޑެއް ހިނގުމަށްފަހު މައިތިރިވެ ހަމަޖެހުން (3) މާއަޑުގަދަވެފައި އޮތުމަށްފަހު ހިމޭންވުން
ފަހުލަވާނު
ނ (1) ކެރޭ ކުޅަދާނަ ހިތްވަރުގަދަ ހަނގުރާމަވެރިޔާ (2) ހެވިކަމަށް އަރާހުރި މީހާ
ސޮޓުޖެހުން
މ ބައެއް ކުޅިވަރުތައް ކުޅޭއިރު އަވަސް ހަރަކާތާއެކު ދޭ ވަރުގަދަ ހަމަލާ
ފަތްބޯކަން
ނއނ (1) ވަރުގަދަކޮށް ހެދިފައި ހުންނަ ގަސްގަހުގެ ފަތްތަކުގެ ގިނަކަން (2) މަޖާޒު: ބޮލުގެ އިސްތަށި ގިނަކަން
ފަސްމުގޫ ހިފެހެއްޓުން
މ (1) ވަލުގެ މުގޫ ވަރުގަދަ އަށް ހިފެހެއްޓުން (2) މަޖާޒު: ކަމެއް ބޮއްސުން ލިޔަނުދީ ބެލެހެއްޓުން
ފިރިހެނުން
ނ (1) އިންސާނުންގެ ތެރެއިން އަންހެން ޖިންސު ނޫން އަނެއް ޖިންސުގެ ތަޞައްރަފު ފުދިފައިވާ މީހުން (2) މަޖާޒު: ހިތްވަރުގަދަ މީހުން
ފިރިހެންވަންތަ
ނއ ފިރިހެނެއްގައި ހުންނަންވީ ފުރިހަމަ ސިފަތައް ލިބިގެންވާ. މިސާލު: ހިތްވަރުގަދަ ޖެހިލުންކުޑަ ކެރޭ މިފަދަ ސިފަތައް ލިބިގެންވާ
ފިރިހެންވަންތަކަން
ނއނ ފިރިހެނެއްގައި ހުންނަންވީ ފުރިހަމަ ސިފަތައް ލިބިހުރިކަން މިސާލު: ހިތްވަރުގަދަކަމާ ޖެހިލުން ކުޑަކަންފަދަ ސިފަތައް ހުރިކަން