radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ހައެއްވުން
މ (1) ހަވަނަ ޢަދަދު ހަމަވުން (2) މަޖާޒު: ޅަކުއްޖަކު ތަންދޮރު އެނގޭ ވަރަށް ބޮޑުވުން
ހައްވާމަހަ
ނ )ޏ ( ފަޅުގައިއުޅޭ ކަޅުކުލައިގެ ކުޑަމަހެއް މިއީ ފެނަށް ދިރޭމަހެކެވެ މަހުގެ ބަނޑުދޮށްހުންނަނީ ދޮންކުލައިގައެވެ މަހުގެ ބޮލާވީ ކޮޅުން ބުރިކަށިމަތިން ދެފަރާތަށް ހުދު ރޮނގެއްހުންނާނެވެ ނިގޫފަތުގެ ކައިރީގައި ދެފަރާތަށްވާގޮތަށް ވަރަށް ކުލަފަނޑު ރީދޫ ކުލައިގެ ރޮނގެއް ހުންނާނެއެވެ
ހަވަރުއޮޑި
ނ އިހުޒަމާނުގައި ހަވަރު ތިނަދޫން އަހަރަކު އެއްފަހަރު ހަވަރަށް އެރަށުގެ ވަރުވާ ހިފައިގެން އަންނައޮޑި
ހަވަރުދުރޯ
ނ ހަވަރަށް ގޮވީމާ ހާޒިރުނުވާ މީހުންގެ އަތުން ނަގާ ލާރި. މިނަގާނީ ވާރުނަގާ ހަމައިގެ މަތީންނެވެ
ހަވަރުގެރި
ނ އަޟްޙިއްޔާ ކަތިލެއްވުމަށް ހަވަރަށް ރަދުން ދެއްވާ ގެރި
ހަވަރުގޮވައިލުން
ނ ވަޒީރުންނާއި ފުރަދާނައިން ޢީދުރޯދައަށް ހަވަރަށް ދެއްވާ ޖާފަތް
ހަމަބިން
ނ (1) ރަށުގެ އާންމުބިން (2) އަޑިގުޑަން ކަމެއްނެތި އެއްވަރަށް އޮންނަބިން
ހަތަރުފައިޖެހިގޮނޑި
ނ (1) އިށީންނަތަން ވައްކޮށް ލިޔެލާޖަހައިފައި ކިއްސަރަކަށް އޮންނަ ހަތަރުފައިޖެހި ގޮނޑިއެއް: މީގެ އުސްމިނަކީ ގާތްގަނޑަކަށް ފޫޓެކެވެ މިއީ އިހުގައި ގަނޑުވަރުތެރޭގައި ވަރަށް ޢިއްޒަތް ހުރި އެއްޗެކެވެ (2) ހަތަރުފައިޖަހާފައި ހުންނަ ކޮންމެ ގޮނޑިއެއް
ހަތަރުފަތިފޭލި
ނ އިހުގައި އަންހެނުން އަނދެއުޅުނު ފޭއްޔެއް. މިފޭލިވިޔެފައި ހުންނަނީ އެއްތަތުނުގައި ހަތަރުފޭލި އޮންނަ ވަރަށް ފުރައިގެންނެވެ. މި ތިންފަތި ފޭއްޔަށްވުރެ ދެރަވާނެއެވެ
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަޔެއްވުން
މ (1) ހަވަނަ އަދަދު ހަމަވުން (2) ޅަކުއްޖަކު ތަންދޮރު އެނގޭވަރަށް ބޮޑުވުން
ހާ
ނ (1) ކުކުޅުގެ ފިރިހެން އެތި. (2) އަތޮޅެއްގެ އެތެރެވަރީގައި ވަށައިގެން ތިލަ ކައިރިފަށެއް އޮތުމާއެކު އެތެރެ ފުންކޮށް ހުންނަ ތަންތަން. މިސާލު: އެދޯނި މިއަދު އެން އެޅީ ވަރަށް ދުރުގައި އޮތް ހަލަކުންނެވެ. (3) ބައެއް އެއްޗެހީގެ އެތިއެތިކޮޅު. މިސާލު: އުޑުމަތީގައި ހާވިލާ ވަރަށްގިނައެވެ. )ށ( ތިޔަ ހާމަސްކޮޅު ގެންނާށެވެ. )ނ( ހާރަން. (4) ލައްޕާފައި ހުންނަ ބައެއްތަކެތި ހުޅުވައިލުން. މިސާލު: ފޮށީގެ މަތި ހާކޮށްފި އެވެ. (5) ފޭ. މިސާލު: ދޮރުފަތުގެ ހިންމި މިހިރީ ހާވެފައެވެ. (6) އެއްޗެއްގެ ފޭރާން ދެރަކަމުން ނުވަތަ އެއްޗެއްގައި ހުންނަ ބާކޮޅަކުން ނުވަތަ އެއްޗެއްގެ ހިންމި ދުރުވެގެން އެއްފަރާތުން އަނެއްފަރާތް ފެންނަފެނުން މިސާލު: މިތަނުން އަދިވެސް އެބަ ހާއަޅައެވެ މިބަހުގެ 4 5 މިދެނަންބަރުގައިވާ ހާ އިން ކޮންމެވެސް އެއްޗަކާ ގުޅުވައިގެން މެނުވީ މާނައެއް ދޭހައެއް ނުވެއެވެ މިސާލު: ހާވުން ހާކުރުން
ހާލިފަންކެޑިޖެހުން
މ )ސ ( (1) އުއިގަނޑެއް ނުވަތަ ނަނެއްފަދަ އެއްޗެއް އޮޅުން ބޮޅުންވެފަށްތައް ނުނެގޭ ވަރަށް އޮޅުން (2) ބުއްދިގޯސްވުން
ހިނދުން
މ (1) ކެކިކެކިފެން ހުސްވުން (2) ދިޔަވަރު އަޑިވުން (3) އޮއްވަޅު ކުޅޭއިރު ހުސްވަޅަކަށް އަތްހުސްވުން މަޖާޒު: ކަމެއް ކުރަމުންގޮސް ގަސްތުކުރި ގޮތަށް ނުވެވި އެކަމެއް ހުއްޓުން (4) ކަނޑުގައި ހިފާވަރަށް ވައިރޯޅި ނެތުން (5) ފުފިފައި ހުރި އެއްޗެއް ހައިވުން (6) ރޮމުން ރޮމުން ނުވަތަ ހެމުން ގޮސް ނޭވާނުލެވޭ ވަރުވުން (7) ދިޔާއެއްޗެހި އާތްވަށް އަރާހުސްވުން
ހިނި
ނ (1) ބިންގަނޑުގައި ހަރުކޮނެގެން އުޅޭކުޑަކުޑަ ސޫތްޕެއް މީގެ ބާވަތްތައް ވަރަށް ގިނައެވެ (2) މޫނާއި އަނގައިން ފައުޅުވާ އުފާވެރިކަމުގެ އަސަރު
ހިންދަމައިލުން
މ (1) އުނަގަނޑު ދަމައިލުން (2) މައިކަށި ތެދުވާވަރަށް ހަށިގަނޑު ތެދުކޮށްލުން މަޖާޒު: (3) އޮށޯވެލުން (4) ހަމަޖެހިލުން
ހިންދުކޮކާބިބީ
ނ ކޮކާބިބީގެ ބާވަތެއް މިއީ ދެއަރިމަތީގައި ހުދުކުލަ ހުންނަ މަހެކެވެ މިމަހުގެ ބޮލުގައި ލޯހުރަސްކޮށް ކަޅުކުލައިގެ ވަރަށް ފުޅާ ރޮނގެއް ދެމިފައި ހުރެއެވެ މަހުގެ ކޮތަރިބައިގައި ހުންނަނީ ރީނދޫ ކުލައެވެ މަހުގެ ދެއަރިމަތީގައި ދެކަތްޕަށް ހުންނަ އަޅިކުލައިގެ ފަނޑު ރޮނގެއް ހުރެއެވެ
ހިންގުންތެރިކަން
ނއނ (1) ކަމެއް ނުވަތަ އެއްޗެއް ހިމޭންވިޔަނުދީ ޙަރަކާތްތެރި ކުރުވުމުގެ ސިފަލިބިގެންވާކަން (2) ގިނަކަންތައްތަކެއް ފުރިހަމައަށް ކުރިޔަށްގެންދިއުމުގެ ކުލަދާނަކަން ލިބިގެންވާކަން މިސާލު: އެއީ ވަރަށް ހިންގުންތެރި ވެރިއެކެވެ
ހިރިމިރިހި
ނ )މ.( ފިލާވެއްޔެއް. މިއީ މިރިހިފަތުގެ ސިފައިގައި ފަތްތައް ވަރަށް ކުދިކޮށް ހުންނަ ވިނައިގެ ތެރޭގައި ހިމެނޭ ބާވަތެކެވެ
ހިރިފާޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިއީ ކުއްޅަފިލާ ވައްތަރަށް ހުންނަ ވަރަށް ކުޑަކުޑަ ހުދުމަލެއް އަޅާ ގަހެކެވެ ބޮޑުމިންވާނީ ގާތްގަނޑަކަށް ދެހިންޗި ހާވަރެވެ ފަތްވެސް ހުންނާނީ ކުއްޅަފިލާ ފަތް ހުންނަ ގޮތަށް އެއަށްވުރެ ކުދިކޮށެވެ