radheef.info
ރަދީފު


އުފުލި
ނ (1) ކަންޖަށް އަޅާ އޮއްޓަރު (2) މަސްހިފާންގެންގުޅޭ ދިގުދަލުގެ މަތީކުރެވީގައި ހަރުކޮށްފައި ހުންނަ ލަކުޑިފޯލި މިލިޔެފައި ހުންނާނީ ބެރުއޮންޏެއްގެ ސިފައިގައެވެ (3) ދޯނިފަހަރު އަޅާއިރު އެއަޅާވައު އަޑިޔަށްގޮސް ގަލުގައި އެޅިދާނެތީވެ އުފުއްލާންއޭގައި އައްސާ ކަނދުގަނޑު
ތެޅިތެޅިއޮތުން
މ (1) ވެއްޓިއޮވެ ހަތަރެސްފައި ހޫރުން. (2) ހިމޭންކަންނެތި އެގޮތްމިގޮތަށް އެއްލި އޮތްތަނުން ނެގި ނުވަތަ އުފުލިއުފުލިފައި ޖެހުން
ތެދުވުން
މ (1) އެއްޗެއް ސީދާވުން (2) ޙަޤީޤަތަކަށްވުން (3) އިންތަނުން ނުވަތަ އޮތްތަނުން އުފުލި ހަށިގަނޑު ސީދާކޮށްލުން
ލަކުނު ފުއްޕުން
މ ހަށިގަނޑުން ހަލާކުވާ ތަންތަން ފަސޭހަވެ ލަކުނު ލުމަށްފަހު ލަކުނު އުފުލިފައި ހުރުން
ލައިފުބޮއި
ކަނޑުވާމީހުން ގެނބުނަ ނުދިނުމަށް ހަށިގަނޑަށް ލައްވައި ހިފަހައްޓަން އޮންނަ އުފުލި
ލޯކަށި
ނ (1) ލޮއިން ހަދައި ލަކުޑީގެ މުށްގަނޑެއްގައި އިންދައިފައިވާ ކައްޓެއް. މިއީ މުލިހިފަދަ ތަންތަން ތުއްވައި ދޮހާއި ނުބައި ލޭ ނެރުމަށް ބޭނުންކުރާ އެއްޗެކެވެ (2) )ސ ( ލޮލުގެ ތިރީ ކައިރިން އުފުލިފައި ހުންނަ ކަށިގަނޑު
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮނބި
ނ ބޮލާއި ނިއްކުރިއާއި ބޮނބިފަޅިފަދަ ތަންތަން ތަނެއްގައި ޖެހިގެން ނުވަތަ އެއްޗަކުން ޖެހިގެން ދުޅަވެ އުފުލިފައި ހުންނަ ތަން (2) )ހ ( މަޢުދަނީ އެއްޗެއްގައި އެއްޗަކުން ޖެހިގެން ބޭރަށް ފުއްޕައިފައި ހުންނަ ތަން
ގޮންގަނޑުގެރި
ނ އުނގުރު މަތީގައި އުފުލިފައި ބައެއް އޮންނަ ގެރި
ޏަމުޏަމު
ނ ހުތްރަހަ ގަދަ މޭވާއެއް މި ނުކުންނާނީ ބިލަމަގު ނުކުންނަ ގޮތަށް ގަސްގަނޑުންނެވެ މިއީ ފަތިކޮށް ބޭރު ގޮށްގޮށަށް އުފުލިފައި ހުންނަ މޭވާއެކެވެ
ސިރީ
ނއ (1) ކީރިތި (2) ނަން އުފުލިގެންވާ (3) މާތް (4) ބަސްގަދަ