radheef.info
ރަދީފު


އުޅަނދު
ނ ދައުލަތުގެ ފުރާދުއްވާތަކެތި މީގައި ރިއްސެޔޮފަށް ދަމައިފައި ހުންނާނެވެ
މޯހިރު
ނ ކަނޑުދަތުރުކުރާ އުޅަނދުފަހަރު ދުވެފައި ދާއިރު އޮއިފަށެއް އޮންނަހެން ފަހަތުން ފެންނަން އޮންނަ ރޮނގު
ފަހަރު
ނ (1) ދަނޑިވަޅު. (2) ތަންވަޅު. (3) ދުވަސްވަރު. (4) ކަމެއްކުރި ނުވަތަ ކުރަންވީ ނުވަތަ ކުރާނެ ޢަދަދާ ގުޅިގެން ބޭނުންކުރާ ބަހެއް. މިސާލު: )ހ( ތިންފަހަރު ބޭސްބޮއިފި. )ށ( ކޮންމެ ދުވަހަކު އެއްފަހަރު އެގެއަށް ދާންވާނެ. )ނ( ދުވާލަކު ދެފަހަރު އޭނާ އަންނާނެ. (5) އަދަދެއްގައި އަނެއް އަދަދެއް ހިމެނިފައިވާ ބާރު. މިސާލު: ހައެއްގައި 2 ހިމެނިފައިވާ ފަހަރުގެ އަދަދު. (6) އުޅަނދު ގިނަކުރުމަށް ބޭނުންކުރާ ބަހެއް. މިސާލު: އޮޑިފަހަރު ދޯނިފަހަރު
ފަހިކޮށްދިއުން
މ (1) ކަނޑުގައި ދަތުރުކުރާ އުޅަނދުފަހަރު ވައިފައްސިޔަށް ދަތުރުކުރުން (2) ނިޔާމައިގައި ދަތުރު ކުރުން (3) މަޖާޒު: ފަސޭހައިން ކަމެއްވުން
ފަންސި
ނ ކުދިވަރުގެ އަނގަމަތި އުޅަނދު
ފަރުމާނު
ނ ރިޔާނަގައިގެން ދުއްވާ އުޅަނދުފަހަރުގައި ރިޔާއަޅަން )ރިޔަލުގެ ދިހިއައްސަން( ހަދައިފައި އޮންނަ ފަލަދިގު ދަނޑި މިހަދާފައި އޮންނަނީ ލަކުޑިން ނުވަތަ އަޅޮލުން ނުވަތަ އެފަދަ އެއްޗަކުންނެވެ
ފަޅުކޮއްތު
ނ (1) ދަތުރުކުރާ އުޅަނދެއް ބަނދަރުކޮށްގެން އޮންނައިރު ފަޅު ވެރިންނަށް އެއުޅަނދުން ދޭ ކެއުން (2) ސަރުކާރުގެ އުޅަނދު ފަހަރު ބަނދަރުގައި އޮންނަ ދުވަސްވަރު ފަޅުވެރިންނަށް ދޭ ކާޑު
ފަޅުވެރިން
ނ އުޅަނދުފަހަރު ބެލެހެއްޓުމުގެ މަސައްކަތް ކުރާ މީހުން
ފަޅުވެރިޔާ
ނ އުޅަނދުފަހަރު ބެލެހެއްޓުމުގެ މަސައްކަތްކުރާ މީހާ
ފަޑި
ނ (1) އެނދާއި އުނދޯލި ފަދަ ތަކެތީގެ ދެކޮޅާއި ބިތްދޮށުގައި ހުރަސް ތޭރިމައްޗަށް ފަތިހަރުކޮށް ހަދައިފައިވާ ބައި (2) ފުރާދުއްވާ އުޅަނދު ފަހަރުގެ ދެއަރިމަތީގައްޔާއި އަރާފައިބަން ހަދާފައިވާ ސިޑި ފަދަތަންތާނގެ އަރިމަތީގައި ހިފޭ ގޮތަށް ހަދައިފައިވާ ބައި
ގޯދި
ނ ކަނޑުގައި ދުއްވާ އުޅަނދުފަހަރު މަރާމާތު ކުރުމާއި މިނޫންވެސް މިފަދަ ކަންކަން ކުރުމަށް އެތަކެތި އެހެލައިފައި ބަހައްޓަން މޫދާގުޅިގެން ހަދައިފައި ހުންނަ ތަންތަން
ފިލާއެޅުން
މ ދަތުރުކުރާ އުޅަނދު ހުރިތަން ދެނެގަތުމަށްޓަކައި ހިސާބުކުރުން. މިއީ ޢަރުޟާއި ޠޫލު ދެނެގަތުމަށްޓަކައި ސިކިސްތާނު ނުވަތަ ގޮއިދުރުވާނުން އިރަށް ނުވަތަ ތަރިއަށް ބަލައިގެން ކުރާ ހިސާބެކެވެ
ފިޔަލަބޮލަށް އޮޑިދުއްވުން
)މިސާލުބަހެއް( ފުރާދުއްވާ އުޅަނދު ފަހަރު ވަކި މިސްރާބެއްނެތި ލާހޫރޭ ގޮތަށް ދުއްވުމަށް ބުނެއުޅޭ ބަހެއް
ފުރާދުއްވާތަކެތި
ނ ކަނޑުދަތުރުކުރާ އުޅަނދު
ފުރުވާލުން
މ (1) ދަތުރު އެރެހެއްޓުން (2) ތަނަކަށް ދިއުމަށް ދަތުރު ކުރަން ބޭނުންވާމީހާ އެތަނަކަށް ދެވޭނެމަގު ތަނަސްކޮށްދީ ދަތުރަށް ފަށްޓުވައި ދިނުން (3) ތަނަކަށް ދަތުރު ކުރަން އުޅޭ އުޅަނދުގެ ދަތުރަށް ބޭނުންވާ ހުރިހާކަމެއް ހަމަޖައްސުވައިދީ ދަތުރު ފައްޓުވައި ދިނުން (4) ބޮނބި އޮޑިއާއި ކަނދުދޯންޏާއި ބޮނބިގަނޑެއް ފަދައެއްޗެއް ދަތުރު ކޮށް ފައިދާން ދޫކޮށްލުން (5) ބައްސާލުން މިބަހުގެ 1 ވަނަ މާނަ ބަލާ!
ފުލީޓު
ނ އެއްކޮމާންޑަރެއްގެ އަމުރުގެ ދަށުން އެކުގައި ދަތުރުކުރާ ހަނގުރާމަ މަތީ އުޅަނދުތައް
ފެނުބާރު ހިފުން
މ ކަނޑުގައި ދަތުރުކުރާ އުޅަނދު ކިއްސަރާ ގުޅޭގޮތުން ކަނޑަށް ގަދަވުން
ފެންކެވުން
މ ކަނޑުދަތުރުކުރާ ރިޔާ ނަގާ އުޅަނދު ދަތުރުކުރާ އިރު އެއުޅަނދު އަރިވުމުން މަތިކަން މަތިން ފެންއެރުން
ފެންފުހި
ނ (1) ކާރު ލޮރީ ފަދަ އެއްޗެހީގެ ބިއްލޫރިގަނޑުން ފެން ފުހެދޭން ހުންނައެތި (2) ކަނޑުދަތުރުކުރާ އުޅަނދުފަހަރުގެ ހުންގާނުގައި ހުންނަ މީހާގެ ކުރިމަތީގައިވާ ބިއްލޫރިގަނޑުން ފެންފުހެދޭން ހުންނައެތި (3) ފެންހޭކެކުމަށާއި ފެންހިއްކުމަށް ބޭނުންކުރާއެތި
ދަތުރުއޮޑި
ނ (1) ދަތުރުކުރަން ތައްޔާރުކޮށްފައި ހުންނަ އުޅަނދުފަހަރު (2) މީހުންނާއި މުދާ އުފުލާއޮޑި (3) ދަތުރުކުރަމުންދާ އޮޑި ނުވަތަ ދޯނި
ދާވާލުން
މ (1) ރިޔަލުގައި ދަތުރުކުރާ އުޅަނދު އަރިކޮށްލައިފައިދާ ދިއުމުގައި ދަށްކިބާ މަތިކަންމަތިން ފެންއެރުން މިސާލު: އެދޯނިއެދަނީ މަތިކަންދާވާލައިފައެވެ (2) ލަކުޑިގަނޑެއް ކީހަން ކީސް އަޅައިލުން (3) ސަމާސާ ގޮތުގައި އަނެކަކާ ދިމާކޮށްލުން (4) އަޅައިގަނެގެން އުޅުން