radheef.info
ރަދީފު


އިސްތަށި
ނ ބޮލުގައްޔާއި އަދިވެސް ގައިގެ ބައެއް ތަންތާނގައި ފަޅައިފައި ހުންނަ ހިމަ ދިގު އެއްޗެއް މިހުންނާނީ ނަރުތަކެއްގެ ސިފައިގައެވެ އާންމު ގޮތެއްގައި އޭގެ ކުލަ ކަޅު ނަމަވެސް އެހެން ކުލަ ކުލައިގައި ހުންނަ އިސްތަށިވެސް ހުރެއެވެ ޖަނަވާރުގައި މިގޮތަށް ފަޅައިފައި ހުންނަނީ ކެހެރިއެވެ
ކާފަ
ނ (1) ބައްޕަގެ ނުވަތަ މަންމަގެ ބައްޕަ (2) ބޮލުގެ އިސްތަށި ފެޅުމުގައި އެނބުރިފައި ހުންނަތަން
ކިނދުބޯ
ނ ވިހާއިރު ކުއްޖާގެ ބޮލުގައި ހުންނަ އިސްތަށި
ކިފުޅިބޯ
ނ އިސްތަށިދެރަކޮށް ރަތްކޮށް ހުންނަބޯ
ކުރަފަތް
ނ (1) އިސްތަށި ބާލަން ގެންގުޅޭ އާލާތެއް މިއީ މިޔަ ތޫނުކޮށް ކެފޭގޮތަށް ހުންނަ އެއްޗެކެވެ (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރިއެއް
ކުޑަދޮޅި
ނ ބުރުގާއަޅާ މީހުންނާއި އަންހެނުން ނަމާދުކުރާއިރު ބޮލުއިސްތަށިތައް ހިފެހެއްޓުމަށް އަޅާ ދޮޅިޖެހި ފޮތިކޮޅު
ކުޑަތުނބުޅި
ނ ތިރީތުންފަތުގެ ތިރީގައި ހުންނަ އަޑިކޮޅުން ފަޅާފައި ހުންނަ އިސްތަށިކޮޅު
ކެހެރި
ނ (1) ޖަނަވާރުގެ އިސްތަށި. (2) ބައެއް ގަސްގަހުގެ ފަތުގައްޔާއި ގަންނަ ތަކެތީގައި ހުންނަ ހިމަ ލޯލި (3) އިސްތަށި (4) ކެހެރިއާ އެއްގޮތަށް ހަދައިފައި ހުންނަ ތަކެތި
ކެސް
ނ (1) ނިވާމަގު އިސްތަށި (2) )ބދ ( އިސްތަށި
ކޭސަ
ނ )ބދ ( އިސްތަށި
އަޅިފެން
ނ އަޅިއަޅައިގެން ކައްކާފައި ހުންނަފެން މިއީ އަންހެނުންގެ ބޮލު އިސްތަށި ގަނޑުން ދައުފިލުވާން ގެންގުޅޭ ފެނެކެވެ
އަތްފުނައުއެޅުން
މ (1) ފުނާއަޅާ ފަދައިން ބޮލުގެ އިސްތަށިގަނޑު އިނގިލިތަކުން އޮމާންކުރުން (2) މަށަން ދަތިއަޅާ ފަދައިން އިނގިލިތަކުން ހޭވުން (3) މަޖާޒު: ގެއްލިގެންއުޅޭ ކުޑަވަރަކުގެ އެއްޗެއް ހޯދާން މުޅިގޭގެ އެތަންމިތަން ހާވައި ހޯދުން
އުކުނު
ނ ބާވަތެއްގެ ކަތްވެއް. މީގެ ކިތަންމެ ބާވަތެއް ހުރެއެވެ. މިސާލު: ބޮލު އިސްތަށިގަނޑުގައި އަޅާ އުކުނު ގެރި ބަކަރި ފަދަ ޖަނަވާރުގައި އަޅާއުކުނު ދޫނި ސޫފާސޫފީގައި އަޅާއުކުނު ގޮވާމާއި މީގެ ފުށުގައި އަޅާއުކުނު
ވަހާރެހި
ނ )ޏ ( މޭދަށުން ފެށިގެން ނިވާމަގުގެ އިސްތަށިފެޅި ހިސާބަށް ބަނޑުގެ މެދުގައި ހުންނަ ރޮނގު
މަތިމަސް
ނ މަތީ ތުންފަތާ ނޭފަތާ ދެމެދުގައި ފަޅާފައި ހުންނަ އިސްތަށި
މަތިމަސްހެދުން
މ މަތިމަހުގެ އިސްތަށިކޮށައި ރީތިކުރުން
މޫނު
ނ ބޮލުގެ އިސްތަށި ފެޅި ހިސާބުން ދަތްދޮޅީގެ ދަށާ ދެކަންފަތުގެ ދެމެދުގައިވާ ހިސާބު
ފަން
ނ (1) ރުކޭ ކިޔާ ގަސްގަހުގެ ފަތް. (2) ކުޅޭ ކުޅިވަރެއް. )ފަންކުޅުން ބަލާ!( (3) ނއ. އިސްތަށިގަނޑަށް ދެވޭ ސިފައެއް. މިސިފަދެވެނީ ބުޅިކަމެއް ރާޅުބާންޏެއް ނެތް އިސްތަށިގަނޑަށެވެ މިސާލު: ފަންބޮލެއް ފަން އިސްތަށިގަނޑެއް
ފަންބޯ
ނ (1) ފަންއިސްތަށިގަނޑު (2) ނއ ފަންގިނަ
ފަންއިސްތަށިގަނޑު
ނ އެއްވެސް ބުޅިކަމެއް ރާޅު ބާނިކަމެއް ނެތިފައި ހުންނަ އިސްތަށިގަނޑު
ފަތް
ނ (1) ގަހާއިވެޔޮ ހެދެމުންދާއިރު އޭގެ އަރިމަތިން ނުކުންނަމުން ދާ ތަނޑެއް ހުންނަ އެއްޗެއް. ގަސްގަހުގެ ހިޔާ އޮންނަނީ މީގެ ސަބަބުންނެވެ. މިވަރަށް ތަފާތު ގޮތްގޮތަށް ތަފާތު ކުލަކުލައިގައި ހުރެއެވެ. ޢާއްމުކޮށް ހުންނަނީ ފެހިކުލައިގައެވެ. (2) ބައެއްގަސް އުފެދިފައި ހުންނައިރު ގަސްގަނޑެއް ނެތި ބުޑުން ފަޅައިފައި ހުންނަ ތަފާތު ކުލަކުލައިގެ އެކި ސިފަޔަށް ހުންނަ އެއްޗެހި. (3) ދީނީ ގޮތުން ނުވަތަ ޤާނޫނީ ގޮތުން ލިޔެވޭ ބައެއް ޒާތުގެ ލިއުން. މިސާލު: ހިބަފަތް. އަތޮޅުވެރިކަމުގެ ފަތް. (4) ދޫންޏާއި ކުކުޅުހާފަދަ ތަކެތީގެ ފިޔައިގައްޔާއި މުޅިގައިގައި ފަޅައިފައި ހުންނަ އެއްޗެހި (5) މަޖާޒު: ބޮލުގައި ހުންނަ އިސްތަށި