radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ރޯސްޕާން
ނ ކުކުޅުބިހާއި ގެރިކިރާއި ހަކުރާ ރަނގަޅަށް އެއްކުރުމަށްފަހު އެއިން ޕާންފޮތިފޯކޮށް ތަވައެއްގައި ތެޔޮފޮދެއް އުނގުޅައި ދެފުށް ރަތްވެލަންދެން ފިހެފައި ހުންނަ ޕާންފޮތި
ބަހެ
ކ (1) ބުނަމޭ (2) އަންގަމޭ މިއީ ބޮޑު ބަނޑޭރި ގެއިން ނެރުނު އަމުރަށް ޚާއްޞަވެފައިވާ ބަހެކެވެ
ބަށިގަން
ނ ބަށީގައި ކައްކާ ފޮނި ހިކިރިހައެއް. މިހަދަނީ ބަށި މުޅިން ވަކިނުކޮށް ހަތަރުފަޅިއަށް ފަޅާ ވަކި ވަރަކަށް މަޑުކޮށްލުމަށްފަހު އޭގެ ތެރޭގައި ހުރި އޮށްތަކާއެކު ކަރުގަނޑުނަގާ މަސްކޮޅެއްމޮޑެ އޭގެ ތެރެއަށް ލޮނުމިރުސް ހަވާދުކޮޅަކާ ބަށިން ނެގި ބަޔާ އަޅައިއެއްކޮށް މޮޑެ އެއިން އެއްބައި ބަށީގެ އެތެރެއަށް އަޅައި ރޮދިން ބަށިބަނދެލާ ގިތެޔޮފޮދެއްގައި ބާކީ ހުރި ހަވާދުކޮޅު އަޅައިގެން ފުށްފުށަށްޖަހައި ރަނގަޅަށް ރޯފިލުވައިގެންނެވެ
އިނފުލުއެންޒާ
ނ ހުންއައިސް ނޭފަތުން އަރިދަފުސް ފައިބާ ރޯގާއެއް މިނަން "އިންފުލޫންޒާ" މިހެންވެސް ކިޔައެވެ
އިނގިލިބަޑިހައިވުން
މ. (ގ) އިނގިލި ފޫދިގެންގޮސް މޭއްޔަބުއިން
އިންނަކުރާ
ނ ގިފިލީގައި ގެންގުޅޭ ކަރުކުރުކޮށް ބޯކޮށް ލޯއިން ހަދައިފައި ހުންނަ ކުރައެއް
އިންނަފަތްމަޑޫ
ނ އިންނަފަތްއަޅާ މަޑޫ
އިންސާނިއްޔަތު
ނ (1) އިންސާނެއްގައި ހުންނަންވީ ރަނގަޅު ސިފަތައް (2) ޙައިވާނިއްޔަތުގެ އިދިކޮޅު
އިންސާނީ
ނއ އިންސާނުންގެ
އެތްދަތް
ނ އެތުގެ އަނގައިން ބޭރަށް ނުކުމެފައި ހުންނަދެދަތް މި ދެދަތް ހުންނާނީ ހޮނޑުގެ ދެފަރާތުން ފައިބައިފައެވެ
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލަކުން
ކއ (1) އެފަދައިން (2) އެގޮތުން
އެލްމެނިޔަމް
ނ ކަންވާރު ހަދާފައި ހުންނަ މަޢުދަނީ އެއްޗެއް ދިވެހީން މިޔަށް ޒިންކުވެސް ކިޔައެވެ މިއިން ހަދާފައި ހުންނަ ތެލިބުރިއާއި ސައިކުރާ ވަރަށްގިނައިން ގެންގުޅެއެވެ
އެސް
ނ (1) ގަހަނާއާއި އެފަދަ އެހެން ތަކެތީގައި ޖަހާން ކޮށައި އޮފުއަރުވާފައި ހުންނަ ޖަވާހިރު ނުވަތަ ހިލައާއި މިފަދަ އެއްޗެހި (2) އިންސާނުންނާއި ޙައިވާނުންގެ ލޯ
އެސްމައު
ނ އޮށްބޭހުގެ ތެރޭގައި ހިމެނޭ އެއްޗެއް. ވަށްކޮށް ފަތިކޮށް އެއްފަރާތަށް ކުޑަ ފުއްޕުމެއް ލައިފައި އަދި އެފުއްޕުމާ ދިމާއިން އަނެއްފަރާތުގައި ކުޑަ އަޑިކަމެއް ހުންނަ ހުދުކުލައިގެ ހަރު އެއްޗެއް އޭގެ ކައިރިފަށުގައި ދެފަޅި ތަތްކޮށްފައި ހުންނަ ކަހަލަ ގޮތެއް ހުންނާނެއެވެ އަދި ގޭނީމާ ތެރަސްކަންވެސް ހުންނާނެއެވެ
އެސްފިނޮޅު
ނ އަނދުން ހުލި ފަދައިން ލޮލުގެ މަތީ ރަވައިގައި ނަގާ ބައްޔެއް
އެޑެފަތި
)ސ ( (1) އުރަހައިގެ ކޮޅުހުދު މިޔަރެއް (2) އައިންމަތީމިޔަރު
އެޑްމިރަލް
ނ ކަނޑުމަތީ ސިފައިންގެ އެންމެމަތީ ވެރިޔާ ކަނޑުމަތީ ސިފައިން ނުވަތަ ކަނޑުގެ ސަރަޙައްދީ ހިސާބު ބެލެހެއްޓުމާ ޙަވާލުވެގެން ހުންނަ އޮފިސަރަށްވެސް އެޑްމިރަލް ކިޔައެވެ
އެޔަ
ނ މާލެއިން ދެކުނުގެ ބައެއް އަތޮޅުއަތޮޅުގައި އަންހެނަކަށް ނިސްބަތްކޮށް އޭނާއޭ ބުނުމުގެ ބަދަލުގައި ބުނެއުޅޭއެއްޗެއް
އެޔޯ
ނ މާލެއިން ދެކުނުގެ ބައެއް އަތޮޅުއަތޮޅުގައި ފިރިހެނަކަށް ނިސްބަތްކޮށް އޭނާޔޭ ބުނުމުގެ ބަދަލުގައި ބުނެއުޅޭ އެއްޗެއް. މިބަސް ސުވާލެއްގެ ގޮތުގައިވެސް ބޭނުންކުރެއެވެ. މިސާލު: އެއީކީއްވެގެންހޭ އެހުމުގެ ބަދަލުގައި އެއީކޮންއެއްޗެއްހޭ އެހުމުގެ ބަދަލުގައި އެއީ ކިހިނެއްހޭ އެހުމުގެ ބަދަލުގައި