radheef.info
ރަދީފު


އާދަ
ނ (1) ވަކިޤަވާޢިދަކަށް ހިނގަމުން އަންނަކަމެއް (2) ބައެއްކަންތައް ކުރާތަނަށް ބޭރުމީހުންވަނީމާ ދޭންޖެހޭ ދަރަނި (3) ރަސްމީ ބައެއްތަންތަނަށް ވަނުން ހުއްދަކުރުމަށްޓަކައިދޭ ފައިސާ (4) ކުރަމުން އަންނަކަމެއް
ރަތް ބުރުލީފާނަ
ނ އާދައިގެ ފާނައަށްވުރެ ފަހަތުކޮޅަށް ހިމަކޮށް ހުންނަ ރަތްކުލައިގެ ފާނައެއް
ރަތްހޮނޑަލި
ނ ހޮނޑަލީގެ ބާވަތެއް. މިއީ އާދައިގެ ހޮނޑައްޔަށްވުރެ ފަލަ ކުޑަކޮށް ރީނދޫކޮށް ހުންނަ އެމެކެވެ
ރަތްކަށިމާ
ނ ކަށިމަލުގެ ބާވަތެއް މިބާވަތުގެ މަލުގައި އާދައިގެ ކަށިމަލުގައި ހުންނަ ކަހަލަ މީރު ވަހެއް ނުހުންނާނެއެވެ
ރަތްމުށި
ނ (1) އާދައިގެ ތަވަޔާ ބަނޑިޔާ ހަދައިފައި ހުންނަ މުށި (2) އާދައިގެ ތަވަޔާ ބަނޑިޔަލުގެ ކުލަ
ރަތްލިލީ
ނ ލިލީގެ ބާވަތެއް މިމަލުގެ ފިޔަ ހުންނަނީ އޮރެންޖުކުލައިގައެވެ މިގަހުގެ ފަތް ހުންނަނީ އާދައިގެ ލިލީގަހުގެ ފަތަށްވުރެ ކުރުކޮށެވެ ފަތުގެ ބޮޑުމިނަކީ ގާތްގަނޑަކަށް ފޫޓެކެވެ
ރަޖާ
ނ ސުތުލި ނުވަތަ ކެހެރި ފަދަ އެއްޗަކުން އާދައިގެ ފޮއްޗަށްވުރެ ބޯކޮށް ވިޔެފައި އޮންނަ ހީފިލުވަން ގައިގައި އަޅާއެއްޗެއް
ރާބޮނދިމުގުރާން
ނ )ހ ( މުގުރާމުގެ ބާވަތެއް: މިއީ އާދައިގެ މުގުރާމަށްވުރެ ގިނައިން ރޮނގު ހުންނަ ބަލި މުގުރާމެކެވެ
ރިހުންނެގުން
މ މާބަނޑު މީހުން ވިހަން ބަނޑުގައި ރިހޭއިރު އާދައިގެ ރިހުމަށްވުރެ ގަދައަށް ވޭންވަރު އައުން
ރިނދަވާލި
ނ )ހ ( އާދައިގެ ވާއްޔަށްވުރެ ފުޅާ ރަތްކުލައިގެ މަހެއް މީގެ ކަރުތާފަތްގަނޑު ކައިރިން އެތެރޭގައި ރިނދައެއް ކަހަލަ ހުދު އެއްޗެއް އޮވެއެވެ
ރެސްޓޯރެންޓް
ނ ކައިބޮއި ހެދުމަށް އާދައިގެ ސައިހޮޓާ ހޮޓަލަށްވުރެ މަތީ ފެންވަރަށް ޢާއްމުކޮށް ހުޅުވައިފައި ހުންނަ ތަންތަން
ރޭފަނާ އެރުން
މ (1) ކަންހުރިގޮތް އެނގުން (2) އާދަކާދަ ދަތުން
ރޭފަނާނާރާކުދިން
ނ (1) ކަންހުރިގޮތް ނޭނގޭ ވަރުކުދިން (2) އާދަކާދަ ނުފިލާވަރު ކުދިން މިބަސް ޒުވާނުންނަށް ބޮޑެތި މީހުންނަކަށް ކިޔައެއް ނޫޅެއެވެ
ރޭފަނާނޭރުން
މ (1) ކަންހުރިގޮތް ނޭނގުން (2) އާދަކާދަ ނުދަތުން
ރޯހާ
ނ (1) ޤުރުއާން ކިޔެވުން އާދަވެގެންވާ ތަންތާގައި ރޭގަނޑުގެ އަނދިރީގައި ފެންނަ ރޫހާނީ އައްޔެއް (2) )ސ ( ޒާތެއްގެ ޖިންނިއެއް
ބަބުރުތިންހަމަ
ނ ރާއްޖޭގައި ކުޅޭ އާދައިގެ ތިންހަމަ މިކުޅިވަރުގައި ހަމަޔަށް އެޅުނު ކަމަށްވަނީ ތިން ފުއް ދިމާވީމައެވެ
ބަޅެއްގެ ނަގޫ ސަންފާ އޮނަކަށް ލައިފައި އޮތަސް ތެދެއް ނުވާނެއެވެ
(މުސްކުޅިބަހެއް) ނުބައި އާދަތައްހިފި އަޚުލާގު ނުބައިވެފައި ހުރިމީހަކަށް ނަޞޭހަތެއް ދިނަސް، ކިތައްމެ ނަމޫނާއެއް ދެއްކިއަސް އެއާދަތަކަކާ ވަތްކެއް ނުވެވޭނެއޭ ބުނުމަށް ބުނެއުޅޭ ބަހެއް.
ބަދެޅި
ނ ފަރުތޮޅީގެ ބާވަތެއް: މިއީ އާދައިގެ ތޮޅިއަށްވުރެ ކުދިކޮށޗ ފަތިކޮށް ހުންނަތޮޅިއެކެވެ މީގެ އަނގަތަންކޮޅެއް ކުޑަވާނެއެވެ ނަގޫފަތުގެ މަތީކޮޅު ކުރުވާނެއެވެ ތޮޅީގެ ކުލައަކީ ރިހިކުލައެވެ
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ
ބިލެތްމުރާކި
ނ މުރާކީގެ ބާވަތެއް އާދައިގެ މުރާތްކަށްވުރެ ފަތްބޮޑެތި ފަތުގެ ތުނޑު ތޫނުކޮށްހުންނަ ގަހެއްގައި އަޅާ އެއްޗެކެވެ
ބީރަށްވެހި
ނއ (1) ތަނުގެ ވަޒަންވެރިންނަށް ނުވާ (2) ތަނުގެ އާދަކާދައާއި ޚަބަރު ނޭނގޭ