radheef.info
ރަދީފު


އަޅި
ނ (1) ތަކެތި އަނދައި ހުލިވީމާ ހިމުންކޮށް ހުންނަބައި (2) ދަރުފަދަތަކެތި އަނދައި ހުލިވީމާ ހިމުންކޮށް ހުންނަބައިގައި ހުންނަކުލަ (3) ނއ އަޅިކުލަހުރި
ކަނޑުއުނިޔަ
ނ ފަރުމަހުގެ ބާވަތެއް. މިއީ ހަށިގަނޑު ފުޅާކޮށް ހުންނަ މަހެކެވެ. މިމަހުގެ ލޯ ބޮޑުވެފައި އަނގަ ކުޑަވާނެއެވެ. މަހުގެކުލައަކީ ރިހިއަޅިކުލައެވެ. މަހުގެ ކަރުތާފަތްމަތީގައްޔާއި ތުންކޮޅުގައި ނޫކުލައިގެ ތިކިތަކެއް ހުރެއެވެ
ކަނޑުގެރި
ނ ވާލަންމަސް ޢާއިލާގެމަހެއް. މިމަހުގެ ސިފައާއި އުޅުން ވާލަންމަހާއި ވަރަށް ވައްތަރުވާނެއެވެ. މިބާވަތުގެ ފިރިހެންމަހުގެ ނިތްމަތިން މަހުގެ ކުރިއަށްވާ ގޮތަށް ދަޅެއް ފަޅާފައިހުރެއެވެ. އަންހެންމަހުގެ ނިތްމަތި ހުންނަނީ ގޮތްބެއްހެން އުސްވެފައެވެ. މަހުގެ މަތީބައިގެ ކުލައަކީ ގަދައަޅިކުލައެވެ ބަނޑުދަށްފަރާތް ހުންނަނީ ފަނޑުހުދު ކުލައެއްގައެވެ މަހުގެ އަނގަ ކުޑަވާނެއެވެ ހަންގަނޑު ބޯވެފައި ކުދިކުދި ހުޅުނބުތަކެއް ހުރެއެވެ
)މުސްކުޅިބަހެއް( ނޭދެވޭ ކަންތައްތައް ހިނގާ ތަންތަނަށްގޮސް އުޅެންޏާ ބަދުނާމު ވެދާނެކަން ދޭހަ ކޮށްދިނުމުގެ ގޮތުން ބުނެއުޅޭ ބަހެއް ކަބުރުގެއަށް ވަންނަންޏާ އަޅި ބުރާނެއެވެ
ކަޅަހަނދި
ނ ހަނދީގެ ބާވަތެއް. މިމަހުގެ ކުލައަކީ ވަރަށް ގަދަ އަޅިކުލައަކަށްދާ ކަޅު ކުލައެކެވެ. މަހުގެ ކަރުތާފަތްގަނޑުގެ މަތީ ކައިރީގައި ކަޅުކުލައިގެ ލަފެއް ހުރެއެވެ އަނގައިގެ މަތީ ތަލީގައި ދެބަރިއަކަށް ދަތް ހުރެއެވެ
ކަޅަވަތިމިއަރު
ނ )މ ( އުރަހައިގެ ކޮޅުކަޅުކޮށް ހުންނަ ކުދިމިޔަރު މިއީ ބަނޑުދޮށާއި ދެއަރިމަތީގައި މަޑު ރީނދޫ ކުލައެއް ހުންނަ މިޔަރެކެވެ މިމަހުގެ ބުރަކަށިމަތި ހުންނަނީ އަޅިކުލައިގައެވެ
ކަޅިޔަމަސްދޫނި
ނ )ގ ( ކިރުދޫނީގެ ބާވަތެއް މިއީ ބޯކަޅުކޮށް ތުންގަނޑު ރީނދޫކުލައިގައި ހުންނަ ދޫންޏެކެވެ މިދޫނީގެ ކުލައަކީ މަޑުއަޅިކުލައެވެ
ކައްޓަފުޅި
ނ ފެނަށްދިރޭ ކުޑަ މަހެއް މިއީ ވަޅުވަޅާއި މަސްޓޭންކުތަކުގައި ގެންގުޅޭ މަހެކެވެ މިމަހުގެ އުރަހައިގެ ކޮޅުގައްޔާއި ނިގޫފަތުގެ ކޮޅުގައި ތޫނުކައްޓެއް ހުރެއެވެ ނިގޫފަތުގައި ހުދުކުލައިގެ ރޮނގެއްހުރެއެވެ މަހުގެ ކުލައަކީ އަޅިކުލައެވެ
ކައްޓަފުޅިމިޔަރު
ނ މިޔަރުގެ ބާވަތެއް. މިމިޔަރުގެ ސިފަ ހުންނަނީ ކައްޓަފުޅިޔާ އެއްގޮތަކަށެވެ. މިޔަރުގެ މަތީބައިގެ ކުލައަކީ ގަދައަޅި ނުވަތަ އަޅިމުށި ކުލައެވެ ބަނޑުދަށް ހުންނަނީ ހުދުކުލައިގައެވެ
ކައްޗާ
ނއ (1) ދެރަ. (2) ފައްކާނޫން. (3) ނ. ބަތާނަޔަށްލާ ދަވާދު. (4) އަޅިކުލައިގެ ދަވާދު. (5) ގުޑިއާއި މަޑިފަދަ ތަކެތި ދެފަރާތު އަރިމައްޗަށްދާ ދިއުން
ކިރުޅިފާނަ
ނ ފާނައިގެ ބާވަތެއް. މި ފާނަ އާދައިގެ ފާނައަށްވުރެ ކުޑަވާނެއެވެ. މަހުގެ ކުލައަކީ ގަދައަޅި ނުވަތަ ގަދަމުށިކުލައެވެ
ކިރުޅިޔަމަސް
ނ ފަރުމަހުގެ ބާވަތެއް މިއީ ކުދިއައިން ހަދައިގެން ފަޅުތެރޭގައާއި ވިލުވިލުގައި ދިރިއުޅޭ މަހެކެވެ މަހުގެ ކުލައަކީ ގަދައަޅިކުލައެވެ ބަނޑުދަށް ފަރާތުގައި ހުންނަނީ މަޑުއަޅިކުލައެވެ މަހުގެ ދިގަށް ހުންނަ ހުޅުނބު ބަރި ދެމެދުގައި ރަންކުލައިގެ ރޮނގެއް ހުރެއެވެ
ކުނބުސް
ނ އަޅި އުނދުނުގައި ފިހެއުޅޭ ފޮނި ބޯކިބަލެއް
ކުނބޯ
ނ (1) ހުދުކުލަޔާއި އަޅިކުލައިން ކުކުޅު ހާލުގައި އެޅިފައި ހުންނަ ކުރެހުމެއް (2) ކޮވެލި
ކުރަނގި
ނ ކަނޑުމަތީ ދޫންޏެއް މިއީ މާރަނގައިގެ ތެރޭގައި އުޅޭ މާރަނގައަށް ވުރެ ތަންކޮޅެއް ކުޑަ ދޫންޏެކެވެ ދޫނީގެ ކުލައަކީ ކަޅުއަޅިކުލައެވެ ބޮލުގެ ތަލަ ހުންނަނީ ހުދު އަޅިކުލައެއްގައެވެ މިއީ އައިނާ އަޅާ ދޫންޏެކެވެ
ކުކުޅުމާދޫނި
ނ ކަނޑުމަތީ ދޫންޏެއް މިއި ސިނައަސްދޫންޏާއި ވައްތަރުގޮތަކަށް ހަށިގަނޑު ފަލަކޮށް ގަދަފަދަކޮށް ހުންނަ ދޫންޏެކެވެ މީގެ ތުން ހުންނަނީ ބޮޑު ހޯގުޅާގެ ތުންހެން ކުރީކޮޅު ލެނބިފައެވެ މިދޫނީގެ ދެފިޔަ ހުޅުވައިލުމުން ވަރަފަތްބައިގެ މެދުތެރެއިން ހުދު ފަތްބަރިއެއް ފެނެއެވެ ބިސްއަޅާ އުމުރުގެ ދޫނީގެ ކުލައަކީ ގަދަދިހުން މުށިކުލައެވެ ބޮޑެތި ނުވާއިރު ކުލައަކީ ގަދަ އަޅިކުލައެވެ
ކެޔޮޅުރޮއްވި
ނ ފަރުމަހުގެބާވަތެއް މިއީ ދިގުކޮށްހުންނަމަހެކެވެ މިމަހުގެ މަތީތުންގަނޑަށްވުރެތިރީތުން ދިގުވާނެއެވެ މަހުގެކުލައަކީ ނޫއަޅިކުލައެވެ މިކުލަހުންނަނީ ވައިލެޓުކުލައާއި ގާތްކުރާކަހަލަ ކުލައެއްގައެވެ ކަރުތާފަތުގެ ކުރީބައިގެ ކައިރިފަށް ހުންނަނީ ކަޅުކުލައިގައެވެ
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ
ކޮތަރު
ނ ދޫނީގެ ބާވަތެއް މިއީ ފައިކުރު ބޯކުޑަ ކަރުދޮށަށް ރީތި ކުލަކުލައަރާ ފިޔައިގެ ބާރުގަދަ ދޫންޏެކެވެ މިޢާންމުކޮށް ހުންނަނީ ހުދުކުލައިގައާއި މުށިކުލައިގައާއި އަޅިކުލައިގައެވެ
އަރަފާތުކޮތަރު
ނ ޅިނދުމަތީގައި ކަޅުކުލައިގެ ބަންދެއް ހުންނަ ކަރުދޮށަށް ރީނދޫ ދިހުން ކުލައަރާ އަޅިކުލައިގެ ކޮތަރެއް މިކޮތަރު ގިނައިން އުޅެނީ މައްކާ ޙަރަމްފުޅު ތެރޭގައެވެ
އަޅިބޮނޑި
ނ އަހިފަތަށް ނުވަތަ ޅޮސްފަތަށް ހޫނުއަޅި އަޅައިގެން ހަދާ ބޮނޑިއެއް މިއީ ބޭސްވެރިކަމުގެ ގޮތުން ގައިގެ ތަންތަން ހޫނުކުރުމަށްޓަކައި ގެންގުޅޭ ބޮނޑިއެކެވެ މިގެންގުޅެނީ ބޭރުން ފޮތިލައިގެންނެވެ