radheef.info
ރަދީފު


ކައް
ނ ދިވެހިލިބާހާއި ޕިޖާމާ ފަހާއިރު ކިހިލިފަތްދަށަށްވާ ދިމާގައި އަރިޔާއި އަތާ ގުޅުވައިފައި އޮންނަ ހަތަރެސްކަން ފޮތިކޮޅު
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިލިބޭސް
ނ ވިހައިގެން އުޅޭ މީހުންނަށް ދިވެހި ފޫޅުމައިންދޭބޭހެއް މިއީ ބައެއްބޭހާއި އަސޭމިރުހާއި ދިވެހި ހަކުރު އަޅައިގެން ކައްކާ ހަރު ބޮނޑިބަތެކެވެ
ހިލިކުސަ
ނ (1) ފޮނިކާއެއްޗެއް (2) މަޖާޒު: ކައްކާންއުޅެ ރަނގަޅަށް ނުކެކިގެން ދެން އެހިލައި ރޯފިލުވީމާ ކިޔާނަން
ހިލުން
މ (1) ހަލަމުން ކައްކައި އޮލަކުރުން ނުވަތަ މިގޮތަށް ކައްކައި ހިއްކުން މިސާލު: )ހ( މެޓާހިލުން )ށ( ހަކުރުހިލުން (2) މީހާ އާދައިގައި ހުންނަ ވަރަށްވުރެން އަނގަގަދަވެ ސަމާސާ ބޮޑުވުން (3) ބަޔަކު ސިހިގެން ގޮތްގޮތަށް އުޅެގަތުން (4) ބަޔަކު ޤަވާޢިދާ ޚިލާފަށް ނުކުމެގެން އުޅެގަތުން (5) ނަގިއްޔާއި ފަނާފަދަ ބުރަތަކެތި އޮތްތަނުން ގުޑައިލުން (6) ފާޅުވެގަތުން މިސާލު: )ހ( ލޭނާރު ހިލުން )ށ( ރޯގާ ހިލުން )ނ( ކުރަފިހިލުން (7) ދިރޭބޮލި ފަޅުތެރޭން ހޮވުން (8) އޮށްވަޅު ކުޅުމުގައި ގޮނޑީގެ ވަޅެއް ހުސްކޮށްނެގުން
ހިޔަނިއެޅުން
މ (1) އެއްޗެއްގެ އަނދިރި އަނެކައްޗަކަށް އެރުން. (2) މީހެއްގެ އަނދިރި ނުވަތަ އެއްޗެއްގެ އަނދިރި މީހަކަށް އުނދަގޫވާގޮތަށް ފޯރުން (3) މޫނުބަލާ ލޯގަނޑުފަދަ އެއްޗެއް މެދުވެރިކޮށްގެން ތަނަކަށް ނުވަތަ އެއްޗަކަށް އަލިއެރުވުން (4) ފެންގަނޑެއްގެ ތެރެއިން ނުވަތަ މޫނުބަލާ ލޯގަނޑެއްފަދަ އެއްޗަކުން މީހެއްގެ ނުވަތަ އެއްޗެއްގެ ސޫރަ ފެންނަން ހުރުން
ހުނިހަކުރު
ނ (1) ގަބުޅި ހުންޏަށް ހަކުރު އަޅައިގެން ކައްކައިގެން ހަދާކާއެއްޗެއް (2) ހުނިހަކުރު ފަތަފޮޅި
ހުނިކޮންނަ ކަށި
ނ ބިލެތްހުނި ނަގާން އެއްކޮޅު ފަތިކޮށް ހަދައިފައި އޮންނަ ކައްޓެއް
ހުނިލީބަތް
ނ ކާށި ހުނިއަޅައިގެން ކައްކާބަތެއް
ހުރަސްކީލި
ނ ލަކުޑީގައި ކައްޗަށް ހުންނަ ކީލި
ހުޅި
ނ (1) ޒީނަތަށް ބޮލުއިސްތަށިގަނޑުން ޖަހާ ގޮށް (2) ގުޅަކޮށް ހައްޔަރުކޮށްފައި އޮންނަ އިސްތަށި ގަނޑު (3) އަންހެނުންގެ ރުމާއޮޅާން ކައްޗޭ ބޯފަދަ ތަކެތީގައި ފޮތީން ބަންނަ ބޮނޑި (4) ބައެއް ދޫނީގެ ބޮޅުގައި ވަކީން އުފުލިފައި ހުންނަ ފަތްކޮޅު (5) ސިންގާ އަސްފަދަ ތަކެތީގެ ކަނދުރާމަތީގައި ވަކީން ދިގުކޮށް އޮންނަ ކެހެރިގަނޑު (6) )ޏ ސ ( ނާޅި ލާހިފަދަ ތަކެތީން މިނާއިރު އުސްތުނބަށް ހުންނަތަން (7) ރާޅު އުފުލިގެންދާއިރު ވަކީން އުސްކޮށް ހުންނަތަން
ހުއްބުކޭން
ނ ހުއްބުކިޔަވާ މީހާއަށް ކައްކާ ބަދިގެއިން ގެންދާ ބޮނޑިބަތް މަލާފަތެއް
ހުއްފޮނި
ނ )ސ.( ރުކުރާ ގާ ނާޅައި ކައްކައިފައި ހުންނައިރު ކިޔާނަން
ހުފީބަތެ
ނ )ގ ( (1) މަތިކަރާބޭސް ލައިގެން ހަނޑުލުގައި ކައްކާ ބޮނޑިބަތެއް (2) ކުޅި ބޮނޑިބަތް (3) ފުއްޕި ބަތް )މިތަފާތު ސިފަސިފައަށް ހިކިކެޔޮފަތުގައި ބަންދުކޮށްފައި ހުރެއެވެ
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދުކުރިކައްޓަލަ
ނ މޭޒުމަތީ ކައްޓަލަ
ހުދެކުރިކައްޓަލަ
ނ )ގ ( ހުދުކުރި ކައްޓަލަ
ހުތްވުން
މ ކައްކައިފައި ހުންނަ ރިހަޔާއި ބަތްފަދަ އެއްޗެހި ގިނައިރުވުމުން ނުބައިވުން
ހޫރަހި
ނ (1) އެއްޗެއް ބަންނައިރު އެއްފަށުގެ މަތިން އަނެއްފަށް ކައްތިރިވާހެން ބަންނަބަނުން (2) )ސ ( ހަތަރު އަނގޮޅި
ހޫރަހިކުރުން
މ އެއްޗެއް ބަންނައިރު ކައްތިރިވާގޮތަށް އެއްފަށުގެ މަތިން އަނެއްފަށް އަޅައިގެން ބަނުން