radheef.info
ރަދީފު


ކައި
ނ )ބދ ( އަތްތިލަ
ފަތުންފަތްފަޅާ
ނ ފަތުގެ ކައިރި ފަށުގައި ހުންނަ އޮށަކުން ގަސްފަޅާ ފަތްބޯކޮށް ހުންނަ ދެތިން ފޫޓަކަށް ހެދޭ ގަހެއް
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހައްކަޅެ
ނ. (ގ) ކައިރިފަށް ގިރިގެން ނުވަތަ ކަންފަތިވެގެން ލޯވަޅެއްވާ ބޮޑު
ހައްކަޅޮވުން
ނ )ޏ ( ލޯވަޅެއް ފަދަތަނެއް ކައިރިފަށް ގިރިފެން ނުވަތަ ކަންފަތިވެގެން ބޮޑުވުން
ހައްވާމަހަ
ނ )ޏ ( ފަޅުގައިއުޅޭ ކަޅުކުލައިގެ ކުޑަމަހެއް މިއީ ފެނަށް ދިރޭމަހެކެވެ މަހުގެ ބަނޑުދޮށްހުންނަނީ ދޮންކުލައިގައެވެ މަހުގެ ބޮލާވީ ކޮޅުން ބުރިކަށިމަތިން ދެފަރާތަށް ހުދު ރޮނގެއްހުންނާނެވެ ނިގޫފަތުގެ ކައިރީގައި ދެފަރާތަށްވާގޮތަށް ވަރަށް ކުލަފަނޑު ރީދޫ ކުލައިގެ ރޮނގެއް ހުންނާނެއެވެ
ހައްދުފަށަށް އެރުން
މ ކައިވެނިވުމަކާއި ނުލައި ދެމަފިރިންގެ ދަރަޖައަށް ގައިގޯޅިވެގެން އުޅުން
ހައްތޮށި
ނ )ސ ( (1) ގާހައްޕަޅި (2) ގާހަކައިގެ ތޮށިގަނޑު
ހަވަރަށްދެއްވުން
މ ދައުލަތަށް ނުވަތަ ރަދުންނަށް ބޮޑުކުށެއް ކޮށްފި މީހަކަށް އަދަބު ދިނުމަށްޓަކައި ޚާއްޞަގޮތެއްގައި ހަނގުބޭކަލުން ބޭނުން ކޮންމެ ގޮތެއް އެމީހާއަށް ހަދައިލުމަށް ރަދުން އެމީހަކު އެބޭކަލުންނަށް ދެއްވުން
ހަވަރުހުއްޓިލެއްވުން
މ ހަވަރުގެ ފަރާތުން ރަދުންގެ އަރިހުގައި ރަސްމީގޮތުން ކޮންމެވެސް ބޮޑުކަމަކާމެދު އެއްޗެއް ދެންނެވުމަށްޓަކައި ގުޅަކުޅޭ ފަސްގަނޑަށް ހަވަރު އެއްވުން މި އެއްވުން ގިނަ ފަހަރަށް އެއްވަނީ ހުކުރުދުވަހު ހުކުރުން ފޭބުމަށް ފަހުގައެވެ
ހަމަރޮދި
ނ ފަހަންވީގޮތަށް ފޮތިގަނޑު ހަރުކޮށްލުމަށްޓަކައި ތިނޯސްވަޅު ދުރުދުރުކޮށް ޖަހާ ދުވާރޮދި
ހަތަރުކަންކަށި
ނ އޮޑިދޯނިފަހަރުގެ ދެމައްޔާ ކައިރީން ބޭރު ހަތަރު ފަރާތް އެއީ ދިރުނބާކޮޅުގެ މައްޔަލާއި ހުރަސްފިލަޔާ ދޭތެރެއެވެ ކޮޅުފަސްކޮޅުގެ ދަށްމަޅުގެ ކޮޅުފަސްކޮޅުން ފެށިގެން މައްޔަލާއި ދޭތެރެއެވެ
ހަތަރުކަންކައްޓަށްހިފުން
މ އޮޑިދޯނިފަހަރު އަޅާއިރު ދެމައްޔާ ކައިރިން ބޭރު ހަތަރުފަރާތަށް ވައު ހިފައިފައި އޮޑިއަޅައިފައި އޮތުން
ހަތަރުފަށްއެއްތެޔޮ
ނ ސިޔާސީ ބޮޑެތި އަދަބު ދިނުމަށްޓަކައި ހަތަރު އެއްތެލުން ހަދައިފައި ހުންނަ ހަންމުށި މީގެ ކުރީކޮޅު ހުންނާނީ ހަތަރުފަށް ވަކީންނެވެ ފަހަތުގައި އެއްތެޔޮ އޮޅައި ހަތަރުފަށް އެއްކޮށްފައެވެ މިހަންމުށި އޮންނަނީ އެތެރެކޮއިލުގައެވެ
ހަތިމައު
ނ )ސ ( މުރަކައިގެ ބާވަތެއް މި ވައްތަރުވާނީ މާގަނޑުކޮޕީއާއެވެ މީގެ ކުލައަކީ މުށިކުލަށެވެ މި މުރަކައެކޭ އެއްގޮތަށް މުރަނަވާނެއެވެ
ހަތް
ނ (1) ރަސްކަމުގެ ޢިއްޒަތަށްޓަކައި ގެންގުޅޭ މަތިހަމަޔަށް ހުންނަ ހުދުކުލައިގެ ވިހޭފަށްލީ ކުޑައެއް (2) ރަސްކަމަށް ކޮލިލާ ދުވަހު ހަތަރު އަވަށު މައިޒާން ދޮށުގަޔާ ގުޅަކުޅޭފަސްގަނޑުގައި ހަތަރު ކޮށީންމެ ޖަހާ ކުޅިއެއް މިކުޅިޖަހާނީ އިސްދަރިވަރުންގެ ތެރޭގައި ތިބި ކޮށީގެ އެދުރުކަމާއި އެންމެ ގާތް މީހުންގެ ތެރެއިން ދެމީހެކެވެ (3) ނއ ގުނުމުގެ ހަތްވަނަ ޢަދަދުގެ ނަން އިތުރު މިސާލު: )ހ( ހަތްދުވަސް )ށ( ހަތްބިން )ނ( ހަތްސާއަތް
ހަތްނަރަކަ
ނ ނަރަކައިގެ ހަތް ވަތްގަނޑު އެއީ ޖަހައްނަމު ޖަޙީމު ސަޤަރު ސަޢީރު ލަޡާ ޙުޠަމާ ހާވިޔާ
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްއަތްތަވާޅީންގާނެގުން
މ ރިޔަނު ދެކޮޅުން މުގޯއްޔެއް އަޅަމުން ގޮސް ހަތްމުގޯލި އަޅައި ކޮންމެ މުގޯއްޔެއްގައި ހަތްގައުކޮޅު ބާއްވައިގެން ކުޅޭ ކުޅިވަރެއް މިކުޅިވަރުގައި އެއް މުގޯލި ދޮށުގައި އުޑަފައިން އިށީނދެ ގައުކޮޅެއް ހިފައިގެން ތެދުވެ ހިންދަމާލައި ދެން ޖެހިގެން ހުރި މުގޯލި ކައިރީގައި އުޑަފައިން އިށީދެ ބާއްވަނީއެވެ މިގޮތް މަތީން އެއް މުގޯއްޔަށް ފަހު އަނެއް މުގޯލި ހުސްކުރަމުންގޮސް ހަތްމުގޯލި ހުސްކުރަނީއެވެ
ހަތްފުކުދިއްލުން
މ ވޮށުގައި ހަތްފުއްރޯކުރުން މިކަންކޮށްއުޅުނީ ރާއްޖޭގައި ވޮށްދިއްލި ޒަމާނުގައެވެ މިކަންކުރަނީ ރޯދަމަހުގެ އުފަލަށްޓަކައި މުލަރޯދަ ވިލޭރޭގައެވެ އަދި ބައެއް ޚާއްސަ ރޭރޭވެސް މިކަން ކޮށް އުޅުނެވެ
ހަލާހެލި
ނ )ބދ ( ދަމައި ފިރުކައި ނެއްތައިލާ ނެއްތައިލުން