radheef.info
ރަދީފު


ބެހޭ
ނއ (1) ގުޅޭ (2) ގުޅުންހުރި (3) ބެހުން މިބަހުގެ ވާކަމާއި އަމުރު
ކޮއްތަކާއިހެދުމަކާލިބުން
)ގބ ( މަޖާޒު: (1) ދެރަމީހަކަށް ގެދޮރުހުރި މުއްސަނދި އަންހެނަކާ އިނދެވިގެން ބުނެ އުޅޭ ބަހެއް (2) އެއްކަމަކުން ދެބޭނުމެއް ފުދޭގޮތަށް ދިމާވާ ކަންތަކާ ބެހޭގޮތުން ބުނެއުޅޭ ބަހެއް
އަނގަބޭނުން
މ ތިމާޔާނުބެހޭ ވާހަކައެއް ބަޔަކު ދައްކަނިކޮށް އެވާހަކައިގެ ތެރެއަށް ވަދެގެން ވާހަކަ ދެއްކުން
އަނގަބޮޑުވުން
މ މަޖާޒު: (1) ނުބެހޭ ވާހަކަ ދެއްކުން (2) ބޭނުންނޫން ވާހަކަދެއްކުން (3) ނަހަމަ ވާހަކަ ދެއްކުން
އަތަރުގޭމީހުން
ނ އަތަރުގެއަށް ދައުލަތުން ލައްވާފައިތިބި މަސައްކަތުމީހުން. މަތިގެފޮޅާ ދުވާލަކު އެއްފަހަރު ފެންފޮތިލާ އަހަރަކު އެއްފަހަރުދޮވެ ގަނޑުވަރުތެރެޔާބެހޭ ހިސާބުގައިހުންނަ ލަންޓަންތައް ބަލަހައްޓައި ހަދާނީވެސް މިމީހުންނެވެ
އަތިރިމަތި
ނ އަތިރިޔާބެހޭ ހިސާބު
އަތްބެލުން
މ އަތްތިލައިގެ ބަނޑުފުށުގެ ނާރުތަކާއި އިނގިލިތަކާއި ނިޔަފަތިތައް ހުންނަގޮތް ބަލައިގެން އެމީހާގެ ދިރިއުޅުމާބެހޭ ކަންތައްތައް ފިލުވުން
އަތްދިގުކުރުން
މ މަޖާޒު: (1) ތިމާއާނުބެހޭކަމަކަށް އަތްލުން (2) އަމިއްލަނޫން އެއްޗެއް އަމިއްލަކުރުން
އަޑިގަނޑު
ނ (1) އަޑިވެފައި އޮންނަ ތަންގަނޑު މަޖާޒު: (2) ލިބޭ ދެރައެއްގެ ސަބަބުން ދިރިއުޅުމަށް އަންނަ އުނިކަން މިބަސް ބޮޑަށް ބޭނުންކުރަނީ އަތްމަތިދަތިވުމާ ބެހޭ ގޮތުންނެވެ
އިސްޓޭޝަން
ނ (1) ދަތުރުވެރިން ދަތުރުކުރުމުގައި އާދަވެގެން މަޑުކުރުމަށް ހަމަޖެހިފައިވާ ތަންތަނާއި އެތަންތަނުގައި ހުންނަ އެކަމާގުޅޭ ޢިމާރާތް (2) ސައިންސްގެ ޚާއްޞަ ކިޔެވުމަކަށް ނުވަތަ ކަނޑައެޅިފައިވާ ކަންތައް ތަކެއް މުޠާލިޢާ ކުރުމަށް ހުންނަތަން (3) ޢާއްމުންނަށް ޚިދުމަތްކޮށް ދިނުމަށް ހަމަޖެހިފައިވާ ބައެއް ތަންތަން މިސާލު: )ހ( ފުލުސް އިސްޓޭޝަން )ށ( ފައަރ އިސްޓޭޝަން )ނ( ރޭޑިއޯ ނުވަތަ ތެލްވިޒަން ޓްރާންސްމިޓް ކުރުމާއި ރިސީވް ކުރުމަށް ކަނޑައެޅި ރޭވި އެއާބެހޭ އެއްޗެހި ބަހައްޓައިފައި ހުންނަ ތަން
އެކޮޅުމަތި
ނ (1) ތިމާއުޅޭ ތަންގަނޑާ ދުރުހިސާބުގަނޑު މަޖާޒު: (2) ކުރިމަތީ ދޮރު (3) ކުރިމަތީ މިދޮރާބެހޭހިސާބު
އެއްމެދު
ނއ ދެމީހަކަށް ނުވަތަ އެއަށްވުރެ ގިނަ ބަޔަކަށް އެއްވަރަށް ބެހޭންވާ. މިބަސް ގިނައިން ބުނެއުޅެނީ އަނބިމީހާވެސް އެއްޗެހި ހޯދުމަށް މަސައްކަތްކޮށް ތަކެތި ހޯދުމުގެ ސަބަބުން ދެމަފިރީންނަށް އެއްވަރަށް ބެހޭ މުދަލާ މެދުގައެވެ
އެއްމެދުވުން
މ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތް ކޮށްގެން ހޯދުނު މުދަލަކަށް ވުމުގެ ސަބަބުން މުދައު އެމީހުންނަށް ހަމަހަމައަށް ބެހޭގޮތްވުން
އެއްމެދުމުދައު
ނ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތްކޮށްގެން ހޯދި މުދަލަކަށް ވުމުގެ ސަބަބުން އެއެންމެންގެ މެދުގައި ހަމައަށް ބެހޭންވެފައިވާ މުދައު
)މުސްކުޅިބަހެއް( ކޮންމެއެއްޗެއްވެސް ރަނގަޅުވުމަކީ އެއެއްޗަކުން ހިފެންވާ ބޭނުން ރަނގަޅަށް ހިފުމެވެ. ވަޅިން ހިފަންވާ ބޭނުން ރަނގަޅަށް ހިފޭނީ އޭގައި ތޫނުކަން ހުރިއްޔާއެވެ. ހަމަ އެފަދައިން އަނބިމީހާވެސް ރަނގަޅު އަނތްބަކަށްވާނީ އުޅުންހުރި ގޮތްހުރި ހެޔޮމީހަކަށް ވިއްޔާއެވެ މިބަސް އާންމުކޮށް ބޭނުންކޮށް އުޅެނީ އަނބިންނާ ބެހޭގޮތުންނެވެ ވަޅިރީތީ ތޫނިއްޔާއެވެ އަނބިރީތީ ހެވިއްޔާއެވެ
ވަދެގަތުން
މ (1) )ވެދެގަތުން( ކުޅިޖަހަން ނުކުތުމަށްޓަކައި ކަނޑި ނުވަތަ ލޮންސި ފަދަ އެއްޗެއް ހިފައިގެން ފަސްގަނޑަށް ނުކުމެ ކުރުނީސް ކުރުން. ހިފުމުގެ ތެރޭގައި ކުރާ ކަމަކަށްވެސް މިހެން ކިޔައެވެ. (2) ތަނަކަށް ނުވަތަ ކަމެއްގެ ތެރެއަށް ގަދަކަމުން ނޫންނަމަ ކުއްލި ގޮތަކަށް ވަނުން (3) ތިމާއާ ނުބެހޭކަމެއްގެ ތެރެއަށް ވަނުން
ވަގުފިނދަށް ބަދުރުވަ ލައިގަތުން
މ )މިސާލުބަހެއް( ބިރުދެއްކުމުގެ ގޮތުން ސިފަދައްކައިގެން ބުހުތާނެއްގެ ގޮތުގައި ދައްކާ ހުއްޖަތް މިއީ މިނިކާވަގާބެހޭ ގޮތުން ކުޑަކުދިންނަށް ކިޔައިދޭ ފުލޯކުވާހަކައަކުން ނެގިފައިވާ މިސާލުބަހެކެވެ
ވާކަން
ނ (1) ޒަމާނެއްގެ ނަން (2) ހިނގާކަން (3) ބެހޭކަން މިސާލު: ތިޔައީ އަހަންނާ ވާކަމެއްނޫނެވެ (4) ހަށިގަނޑުގެ ގުނަން ގުނަނުގެ ބާރު މުޅިން ނެތިފައިވާކަން (5) ތިމާއަށް ކަމެއް ކުރެވޭކަން މިސާލު: މީ އަހަންނަށް ވާކަން ދައްކައިލަން ކުރިކަމެއް (6) ވައުކަން
ވެލާނާ
ނ (1) ކޮލީނަމެއް މިއީ ދިވެހި ސަރުކާރުގައި އިހުގައި އޮތް މަޤާމެކެވެ (2) ބޭރާބެހޭ ކަންތައް ކުރައްވަން އިސްވެ ހުންނަވާ ވަޒީރު
ވެލާނާކަން
ނ ބޭރާބެހޭ ވަޒީރުކަން
މަރައްކާރު
ނ އޮޅުދޫ ކަރައިގައި އިހުގައި ހުންނަ ދިވެހިރާއްޖޭގެ ވިޔަފާރިއާބެހޭ އެޖެންޓް