radheef.info
ރަދީފު


ބުނުން
މ (1) އަނގައިން ބަސްބޭރުކުރުން (2) ބަސްތަކަކުން އެއްޗެއް އެންގުން (3) އިޝާރަތަކުން އަޑަކުން ލިޔުމަކުން އެއްޗެއް އެންގުން
ކަނޑުލަބަރިހެދުން
މ މީހަކުބުނާ ހައި އެއްޗެއް އެމީހާއާއި ދިމާޔަށް ބުނުން
ކަންފަތްޕުޅަށް އެރުވުން
މ އެންމެ މާތް ބަހުރުވައިގައި މީހެއްގެގާތުގައި އެއްޗެއް ބުނުން
ކަންތަކުކިޔުން
މ ބޭނުންވާ ކަންކަމު އަނެކާގާތު ބުނުން
ކުފުރު
ނ (1) ކަލާނގެ ރަސްކަން ފުޅު ވޮޑިގެންވާކަން ޤަބޫލުނުކުރާ ނުކުރުން (2) ކަލާނގެ ރަސްކަންފުޅާމެދު އިހާނެތިކޮށްބުނާ ބުނުން (3) ލިބޭ ނިއުމަތަށް ދެކޮޅުހަދާ ހެދުން (4) މަޖާޒު: ކަމަކާހެދި މާބޮޑަށް އެދިގަނެގެން އުޅޭ އުޅުން
ކުފުރުވުން
މ (1) ކަލާނގެ ރަސްކަންފުޅު ވޮޑިވާކަން ގަބޫލުނުކުރުން (2) ކަލާނގެ ރަސްކަންފުޅާމެދު އިހާނެތި ކޮށް ބުނުން (3) ލިބޭ ނިޢުމަތަށް ދެކޮޅު ހެދުން (4) މަޖާޒު: ކަމަކާ ހެދި މާބޮޑަށް އެދިގަނެގެން އުޅުން
ކުސް
ނ (1) ކުޑަކުއްޖަކު ކަމެއް އެދިގެން ކުކުރާލުމަކާއެކީ ތަކުރާރުކޮށްބުނާ ބުނުން (2) ކުކުޅުހައު ބައެއްފަހަރަށް އަނެކައްޗަށް އަންގާން ގޮއްވާ އަޑު
އަނގައިން ބުނުން
މ ދެމީހަކު ބައްދަލުވެގެން އެކަކު އަނެކަކަށް ކޮންމެވެސް އެއްޗެއް ބުނުން
އަނގަފުރައިފައިބުނުން
މ އެއްޗެއް ބުނުމުގައި ތަނެއް ނުބަހައްޓައި ބުނުން
އަބުރާބެހުން
މ (1) މީހެއްގެ އަބުރަށް އުނިކަންލިބޭފަދަ ބަހެއް ބުނުން (2) ނުވަތަކަމެއް ކުރުން
އަޅައިގޮވުން
މ (1) ވައްލަފަދަ ބައެއްދޫނި އެކަތި އަނެއްކައްޗަށް ރައްޓެހިވެގެން އެކަތި ގޮވައިލީމާ އަނެކަތި ގޮވައިލުން (2) ދެޖިންސުގެ ދެމީހުން ރައްޓެހިވެގެން އެކަކު އެއްޗެއް ބުނީމާ އެޔާއަޅައި އަނެކަކު އެއްޗެއް ބުނުން (3) މަޖާޒު: ލާދީގޮވުން
(2) "އާނ" ބަލާ! އާނކިއުން
މ (1) "އާނ" މިހެން ބުނުން
އާދޭސް
ނ އެއްޗަކަށް ކަމަކަށް ނުވަތަ މާފަކަށް އެދިގެން ތިމާ ނިކަމެތިވުމާއެކު ބުނާ ބުނުން
(2) " އާދޭސް" ބަލާ! އާދޭސްކުރުން
މ (1) އާދޭހުގެ ގޮތުން ބުނުން
އޫނއެޅުން
މ ޙާލުދެރަވެ ނުވަތަ ނިދާފައިވާ މީހަކަށް ގޮވީމާ ކިރިޔާ އާނއެކޭ ބުނުން
އެހެންނަ
އ (1) އާނއެކޭ ބުނާބުނުން ގަދަކުރާން ބުނާ ގޮތެއް. (2) "އާނއެކޭ ތިޔަހެންނޭ" ބުނުމުގެ މާނައިން ބުނާ އަކުރެއް. (3) "ތިޔަހެންނަކުން ނުވާނެއޭ" ބުނުމުގެ މާނައިންވެސް މިހެން ބުނެއެވެ. މިމާނަ ދޭހަވާނީ ބަސްބުނާ ރާގުންނާއި ބުނާ މަޤާމުންނެވެ
އޯއް
އ ގޮވައިލީމާ އާއެކޭ ބުނާބުނުން
)މީހަކަށް ގޮވުން( އޯލުން
މ )ޏ ސ ( "އޯތް" މިހެން ބުނުން
ވައިމަތިކިއުން
މ (1) ވިއްސާރަ އައުމާ ނައުމާ ދޭތެރޭ ގޮތްކިއުން (2) ވިއްސާރައިން ރައްކައުތެރިވުމާ ދޭތެރޭ އުޑުމަތީން ފެންނަމުން އަންނަގޮތުގެ ލަފާ ބުނުން
ވައްބަހުންޖެހުން
މ މީހަކު ކުރާ ކަމަކާއިމެދު އެހެން މީހުންނަށް އެކަމެއް އޮޅުން ނުފިލާނޭ ގޮތަކަށް އެމީހާއާއި ދިމާއަށް އެއްޗެއް ބުނުން މިހެން ގިނައިން ބުނަނީ އެމީހާ އާއި ދިމާޔަށް ބުނިއެއްޗެއް ނޫންކަމަށް ހަދައިފައެވެ
ވަގަށްގޮވުން
މ މީހަކާ ނިސްބަތްކޮށް ވައްކަމާ މަތިވާކަހަލަ އެއްޗެއް ބުނުން