radheef.info
ރަދީފު


ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު
ފެންބިހި
ނ ހަށިގަނޑުގެ އެކިއެކި ތަންތަނުން ނަގާ ފެންއެރިފައި ހުންނަ ބިހި
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންދުވަނި
ނ ކުޑަކުދިންގެގައިން ނަގާ ފެންއެރިފައި ހުންނަ ބިހިގަނޑެއް ބައެއް ފަހަރަށް މުޅިގައިންވެސް މިނަގާފާނެއެވެ
ފޮޅުދުވަނި
ނ ބިހިތަކެއްހެން ނަގައިފައި ފޮޅަށްވާ ދުވަނި މިއީ ޢާއްމުގޮތެއްގައި ކުޑަކުދީންގެ ގައިގެ ތަންތަން ކުޑަކޮށް ރަތްވެފައި ނަގާ އެއްޗެއް
ދާބިހި
ނ ހަށިގަނޑުގައި ހޫނުގަދަވުމުގެ ސަބަބުންނަގާ ކުދިކުދި ބިހިތަކެއް މިބިހިނެގުމުން ވަރަށް ބޮޑަށް ގައިހިރުވައި ކަހާނެއެވެ
ތުންބީހި
ނ )ޏ ( ތުންބިހި
ލޭފިތް
ނ ދުވަނީގެ ބާވަތެއް މިހުންނާނީ ބިހިތަކެއްހެން ލޭކުލައިގައެވެ މިއަށް ފަރުވާއެއް ނުލިބި ގިނަދުވަސް ވެއްޖެނަމަ މިތަން ފާރުވެދާނެއެވެ
ލޯލިތައްކޮޅަށްޖެހުން
ގބ (1) ބިރުގަތުމުގެ ސަބަބުން ނުވަތަ ރުޅިއައުމުގެ ސަބަބުން ނުވަތަ މިނޫންވެސް އިޙުސާސަކުން ގައިގައި ހުންނަ ލޯލިތައް ކޮޅަށް ޖެހުން. (2) ވާހަކައެއް އިވިގެން ނޫނީ ތަނެއް ނުވަތަ އެއްޗެއް ފެނިގެން ކުރި އިޙުސާސު ބަޔާންކުރުމަށް ބުނާގޮތް (3) ހީބިހި ނެގުން
ގިނިބީހު
ނ )ގ ( ދާބިހި