radheef.info
ރަދީފު


ބައިން
ނ (1) ދެއެއްޗެއްގެ ދެމެދުގައި ފުރައިފައި ހުންނަ ކުސަ (2) ތިރީކޮޅުގައި މަޅިއަކަށް ވާނޭހެން އެލުވައިފައި ހުންނަ ފަށް މިސާލު: )ހ( ވަށްބައިން )ށ( އެލިބައިން (3) ގުޑިފަދަ ތަކެތީގައި ނަނު އެއްސުމަށް ހަރުކޮށްފައި ހުންނަ ފަށް (4) ސިނގުކޮށް ތިބޭ ކުދިންގެ އުނަގަނޑު ފައްޓަރު ސޮހުނަނު ދޭން ޖަހައިފައި ހުންނަ ފަށް (5) ފޭލީގެ މަތީގައި އަޅާ ދުޅައެއް (6) އެއްޗިހި އަޅަން ދަމައިފައި ހުންނަ ރޯނު
ކުސަ
ނ (1) ދެގަނޑެއްޗެއް އެއްކުރާން ރޯނުން ނުވަތަ ނަނުން ފުރާ ބައިން. މިގޮތަށް ހުންނަ ކޮންމެ ބައިނެއް. (2) ފުށާއި ހުންޏާއި ހަކުރާ އަޅައިގެން ހިލާ ކާ އެއްޗެއް. (3) މަޖާޒު: އެއްޗަކަށްނުވާހެން ކުރާކަންތައް ނުވަތަ ހަދާ އެއްޗެއްނޫނީ ދައްކާ ވާހަކަ
ކުސަގަނޑު
ނ ކުސައަށްވާނޭހެން ފުރާ ބައިންގަނޑު
ކެލާގުރާބު
ނ ކަލާސީންގެ އަށް ބައިން ކުރެ އެއްބައެއްގެ ނަން
އަދާރަސަމް
ނ ބަންގާޅުން ގެންނަ އަންހެނުންލާ ޚާއްޞަ ފޭރާމެއް މިވިޔެފައި ހުންނަނީ އުޔާފަށުޔާ ދެބައިންނެވެ
އިލިޖެހުން
މ (1) ދޭއްޗެއް ހަރުކުރުން (2) ތޮރުފައިފައި އިއްޔެއް ހެރުން (3) ދޯނިފަހަރު ދެބައިން ބާވެގެން ބައުއިލިތައް ދުއްވައިފައި އައު އިލިޖެހުން
އުލުބޭންދުން
މ ބުނާތީ އިވޭގޮތުގައި މާއިހުޒަމާނުގައި މީހުންމަރަންކުރާ ކަމެއްކަމުގައި ބުނެވޭގޮތެއް ހަދާގޮތެއްކަމަށް ބުނަނީ ތޫނުކޮށްފައި ހުންނަ ދަގަނޑު އުލެއްގައި މީހާ ބައިންދަނީއެވެ ބޭންދީމާ އެއޫ ފުރަގަސް ފަރާތުން ވަދެގެންގޮސް ބޮލުން ނުކުންނަނީއެވެ
ވަކިން
ކއ )ވަކީން( (1) ތަފާތުކޮށް. (2) ނިސްބަތްކޮށް ބަލާއިރު. (3) އެކަހެރިކޮށް. މިސާލު: އޭނާއަށް ވަކިން ހެޔޮކޮށް ހިތާށެވެ. އޭނާއަށްވުރެ އަހަރެން ވަކިދެރަހޭ ؟ އޭނާ ވަކިން ބައިންދާށެވެ
ވާރުންކެނޑުން
މ ވާރުނެގި ޒަމާނުގައި މީހެއްގެ ކިބައިން ވާރު މާފުކުރެއްވުން
ވާދިގުއުނދޯލި
ނ ދެފަށުން ނުވަތަ ހަތަރު ފަށުން ބައިން ޖަހައިގެން މަތީކޮޅު ދިގުކޮށް އެއްވަލަކަށް ނުވަތަ މިގޮތަށް ކޮންމެ ވަލެއް ވަކިން ނުވަތަ މިނޫންވެސް ގޮތަކަށް އެލުވާ އުނދޯލި މިއުނދޯލި އާދައިގައި އެލުވާ އުޅެނީ އުސްގަސް ގަހުގައެވެ
މައްސަރު
ނ އަހަރުގެ ދުވަސްތައް ބައިކޮށްފައިވާ ބާރަބައިން އެއްބައި
ފަހުކުޅިޖެހުން
މ ބަބުރު ތިންހަމަ ކުޅޭއިރު އެންމެ ފަހުން ބައިންދާ ފުއް ބެއިންދުން
ފަށްވަރު
ނ (1) ފަށްޓަރު ބައިން ވަކިކޮށްފައިވާ ފަށެއް (2) ފަށެއްގެ ބައެއް
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
ފައިކަށި
ނ (1) ފަޅުފަޅުން ނިކުތުމަށާއި ވަނުމަށް ހަދައިފައި ހުންނަ ނެރުގެ އެއްފަރާތުގެ ތޮށިގަނޑު. މިސާލު: ކަނޑިންމާ ފައިކަށި. (2) ކަތުރާއި ހަނޑަސް ފަދަ ދެފައިކަށި ހުންނަ ތަކެތީގެ އެއްފަޅި (3) އައިނު ފަދަ ތަކެތީގެ ދުނިގަނޑުގެ ދެފަރާތުން ކަންފަތުގައި އެލުވޭގޮތަށް ހުންނަ ދެބައިން އެއްބައި (4) ބައިސްކަލް ފަދަ ތަކެތީގެ ފުރޮޅު ހިފެހެއްޓުމަށް ދެބަޔަށް ހުންނަބައި
ފަސްކަނިދަށް
ނ ކަތިރިޔަލުގައި ދަތުރުކުރާއިރު ދޯނީގެ ދަށްކިބައިން މެދު އޮޑިން ފެށިގެން ދަންމާނު ބުޅިއާދޭތެރޭ ރިޔަލު ދަށުން ފެންނަތަން
ފަސްއޮށްކުޅުން
މ ފަސްއޮށްބައިން ވަކިގޮތަކަށް ކުޅޭ ކުޅިވަރެއް ކުޅުން
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ފާސްދިނުން
މ ތާސްބައިން ނީލަން ކުޅޭއިރު ތިމާއާ ޖެހޭފަހަރު ނީލަން ނުކިޔައި ދޫކޮށްލުން
ފުށުން
އ (1) ކިބައިން (2) ފަރާތުން މިސާލު: ތިޔައީ އޭނާގެ ފުށުން ވީ ކަމެކެވެ ތިޔައީ އޭނާގެ ފަރާތުން ވީ ކަމެކެވެ
ފުށް
ނ (1) ގޮވާމާއި އެނޫންވެސް ތަކެތީގެ ހިމުން ކުނޑި (2) ގައިގައި ޖެހުމަށް ތައްޔާރުކޮށްފައި ހުންނަ މީރުވަސްދުވާ ވަރަށް ހިމުން ކުނޑިއެއް (3) ފަރާތް މިސާލު: އޭނާގެ ފުށުން )އޭނާގެ ފަރާތުން( (4) ކިބަ މިސާލު: އޭނާގެ ފުށުން )އޭނާގެ ކިބައިން( (5) ބިތެއް މިސާލު: އެއްޗެއްގެ ފަރާތެއް (6) މުއި