radheef.info
ރަދީފު


ރެވި
ނ ގަހެއްގެއަޅާ އޮއްޓަރެއްގެނަން މީ ވަރަށް ތޫނު ރަހައެއް ހުންނަ ކުދި އޮށެކެވެ އެގަހަށްވެސް މިހެން ކިޔައެވެ މިގަހުގެ އޮށާއި ފަތްކެއުމަށާއި ބޭހަށް ބޭނުންކުރެއެވެ
މަޤްބޫލު
ނއ ޤަބޫލު ކުރެވިފައިވާ ރުހިގެންވާ
މާފަތޭރި
ނ މާބޮޑަށް ބަރާކޮށް ދަތުރުކުރާއިރު އޮޑިދޯނިފަހަރުގެ ފަށް ގަނޑުގެ އެތެރޭން އޭގެމައްޗަށް ހުންނަގޮތަށް ފަނުންޖަހާ ފަށްގަނޑު މިއޮންނާނީ އެއްފަށްގަނޑު ޖައްސާ ވަރަށް ގަދަޔަށް ހަރުކުރެވިފައެވެ މިފަށްގަނޑު ޖެހުމުގެ ބޭނުމަކީ ރާޅު އެރިޔަނުދިނުމެވެ
މާޗްޕާސްޓްކުރުން
މ ރަސްމިއްޔާތެއްގެ ޝަރަފުވެރި މެހްމާނަކަށް ސެލިއުޓްދީގެން އެކަމަށް ޚާއްޞަ ކުރެވިފައިވާ ބަޔަކު އެބޭފުޅެއްގެ ކުރިފުޅުމަތިން ދިއުން.
މިސްކިތުފަންސަންގު
ނ އިހުގެ ފަންޑިތަވެރިން ބޭނުންކުރާ އެއްޗެއް. މިއީ މިސްކިތު ފުރާޅުން ފީ އިލޮށިކޮޅަކާއި ވަކަރު ނުވަތަ ދަނޑިބޮއިގެން އެޅިފައިހުންނަ ގެރެވި ކޮޅަކާ ފީފަންކޮޅަކާއި ފީވަކަރުކޮޅަކާ ގަލުން ހުންނަ ހިސާބުން ފެހިކޮޅަކާއެވެ
މިސްކިތްތެރެ
ނ މިސްކިތުގެ ގޯތިތެރޭގައި މީހުން ވަޅުލުމަށް ޚާއްޞަ ކުރެވިފައިވާތަން
މުންނާރުކަލޭގެ
ނ މުންނާރުން ގޮވަންޖެހޭ ގޮވުންތަކަށް ޚާއްޞަ ކުރެވިފައިވާމީހާ
މުޖައްރިބު
ކއ (1) އެއްވެސް ޝައްކެއްނެތި (2) ޔަޤީންކުރެވިފައިވާ (3) ތަޖުރިބާ ކުރެވިފައިވާ
މުޝްތަޝާރު
ނ ލަފާއެހުމަށް ޚާއްޞަ ކުރެވިފައިވާ މީހާ
މޫނުއެޅުން
މ (1) ކަފުންކޮށް ނިމިގެން މައްޔިތާގެ މޫނުމަތީގައި ބޭއްވުމަށް ޚާއްޞަ ކުރެވިފައިވާ ކަފަގަނޑު މޫނުމަތީގައި ބޭއްވުން ނުވަތަ ކަފަގަނޑުން މޫނު ނިވާކުރުން (2) މަޖާޒު: ހިނގަހިނގާހުރި ކަމެއް ހުއްޓުން
މޫޑު
ނ (1) ބަންދުކުރެވިފައި ހުންނަ ތަކެތީގެ ފުނިވަރު (2) ރިޔަލުގެ ދަންމާނު ފޫޅުގަނޑު )ލޮއިން ނުވަތަ ދަގަނޑުން ނުވަތަ ލަކުޑިން ހަދައިފައި ހުންނަ ބޮޅެއް( (3) މިޖާޒު (4) އެވަގުތަކު އެމީހެއްގެ ޠަބީޢަތު ހުރިގޮތް
މޮޔަހީވުން
މ (1) ކުރެވިފައިވާ ކަމަކާމެދު ފަހުން ހިތާމަކުރުން (2) ފަހުން ދެރަވާންޖެހޭކަހަލަ ކަމެއް ކޮށްގެން އެކުރެވުނީ ގޯސްކަމެއްކަން އެނގުން
ފަށްއެޅިގަމީސް
ނ ރާއްޖޭގެ ސިފައިންނަށް ޚާއްޞަ ކުރެވިފައި އޮތް ގަމީހެއް )މިއީ ހުދު ގަމީހެކެވެ ( މިގަމީސް ހުންނަނީ ގިރުވާނުގެ ކައިރި ފަށުގައްޔާއި ގޮށްފަތީގެ ކައިރިފަށުގެ ބައެއްގައި ކަޅުފޮތިން ހިމަފަށެއް އަޅާފައެވެ
ފަންހިތި
ނ ގާތްގަނޑަކަށް ފޫޓެއްގެ އުސްމިނަށް ހެދޭ ރުކުގެ ފަނެއްހެން ފަތް ހުންނަ ގަހެއް މިގަހުގެ ފަތްތައް ހުންނާނީ ކުދިކޮށެވެ ކޮންމެ ފަތެއްގެ ބުޑުގައި ކުދި އޮށްތަކެއް ހުންނާނެއެވެ މީގެ އޮށެއްވާނީ ބޮޑު ރެވިފުކެއްވަރެވެ
ފަންވަތެއްގެމީހުން
ނ (1) ފާހަގަ ކުރެވިފައިވާ ޖަމާޢަތެއްގެ މީހުން (2) އެއްބައްގެ މީހުން
ފަރުމާނުކުރެވި
ނ (1) ރިޔަލުގެ ފަރުމާނުގައި އައްސާ ކުރަވި (2) )ހ( ދިހި ކުރެވި
ފަސްބައިކުރެވި
ނ ރިޔަލުގެ އޮޑިމަތީ ކުރެވި
ފަޚުރު
ނ (1) މާތް (2) މަތިވެރި (3) ނަފްސުގެ ގަދަރާއިމެދު ކުރެވޭ ހިތް ހަމަޖެހުމުގެ އިޚްސާސް (4) ރަނގަޅު ކަންތައް ކުރެވިގެން ލިބޭ ހިތްހަމަޖެހުމާއި އުފާ (5) ޤަދަރު
ފަޚުރުވެރި
ނއ (1) މާތްކަން ލިބިހުރި. (2) މަތިވެރި. (3) ޤަދަރުވެރި. (4) ނަފްސުގެ ޤަދަރާއިމެދު ހިތްހަމަޖެހުމުގެ އިޙްސާސް ލިބިހުރި. (5) ރަނގަޅު ކަންތައް ކުރެވިގެން ހިތްހަމަޖެހި ހުރި އަދި އުފާވެރި
ފަޚުރުވެރިވުން
މ (1) މާތްވުން (2) މަތިވެރިވުން (3) ނަފްސުގެ ޤަދަރާމެދު ހިތްހަމަޖެހުމުގެ އިޙްސާސްވުން (4) ރަނގަޅު ކަންތައް ކުރެވިގެން ހިތްހަމަޖެހުމާއި އުފާ ލިބުން (5) ޤަދަރުވެރިވުން
ފަޚުރުވެރިޔާ
ނ (1) މާތްކަން ލިބިހުރި މީހާ (2) މަތިވެރިކަން ލިބިހުރި މީހާ (3) ނަފްސުގެ ޤަދަރާމެދު ހިތްހަމަޖެހުމުގެ އިޙްސާސް ލިބިހުރިމީހާ (4) ރަނގަޅު ކަންތައް ކުރެވިގެން ލިބޭ ހިތްހަމަޖެހުމާއި އުފާލިބިފައިވާ މީހާ (5) ޤަދަރުވެރިކަން ލިބިހުރި މީހާ