radheef.info
ރަދީފު


ނެގުން
މ (1) އުފުލުން (2) އަތުލުން (3) ލިބިގަތުން (4) ދުރުކުރުން (5) ފުރާދުއްވާ އެއްޗެތި ވަޔަށް ހިއްލުން މިސާލު: )ހ( އެއްޗެއް އޮތްތާކުން ދުރުކުރުން )ށ( ސުންކަންނެގުން )ނ( ބިހިމުލިހިފަދަ ތަންތަން ނެގުން )ރ( ވަޒީފާނެގުން
ކައިވަތުއިލޮށިނެގުން
މ ހުނަރުވެރިކަމުގެ ކުޅިވަރެއް. މިކުޅިވަރުގައި ކައިވަތެއްގެ ދިގުމިނުގެ ތިންއިލޮށިކޮޅު ކޮންމެ ދެއިލޮށިކޮޅު ދޭތެރޭ ކައިވަތެއްގެ ދުރުމިން ހުންނާނޭހެން ހަމަތާކު ބާއްވާފައި ފުރަތަމަ އިލޮށިކޮޅުގެ ދެކޮޅުގައި ދެފައިގެ ބޮޑުވާއިގިލިކުރި ޖައްސައިގެން އުޑަފައިން އިށީނދެ ދެއަތް ދެފައިގެ ދޯނގިދޮށުން ކުރިމައްޗަށްނެރެ މެދުގައިއޮތް އިލޮށިކޮޅުގެ ދެކޮޅުގައި ދެއަތުގެ ބޮޑުވައި އިނގިލި އެޅުމަށްފަހު ކުރިމަތީގައި އޮތްއިލޮށިކޮޅު އަނގައިން ނެގުން
ކަޑަމަށްނެގުން
މ )މަލިކު( ދަރަންޏަށް ނެގުން
ކުނބުނެގުން
މ (1) ފުރާދުއްވާ ތަކެތީގެ ކުނބު އޭގައި ކޮޅަށް ޖެހުން. (2) މަޖާޒު: ދެބުމަ ދޭތެރެއިން ފެށިގެން މައްޗަށް އަނދުން ރޮނގެއް ދެމުން. އަނދުން ނޫން އެހެން އެއްޗަކުން މިރޮނގު ދެމި ނަމަވެސް ކިޔާނީ މިހެންނެވެ
ކުޑަނެގުން
މ ބޮލާއިދިމާއަށް ކުޑައެއް ފޮޅުވައިލުން
ކެހުންގަނޑުނެގުން
މ ކެހުންވަރު އައުން
ކޭލިނެގުން
މ ދެކާށި ގުޅުވާން ބޮނބިގަނޑުން ތަންކޮޅެއްނެގުން
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
ކޮޕީނެގުން
މ (1) ނަކަލުނެގުން (2) އަނެކައްޗަކަށް ނަކަލުއެރުވުން
ކޯނަރުނެގުން
މ ހޮކީއާއި ފުޓުބޯޅައިގައި ދަނޑުގެކަނުން ޖެހުން މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަބޭރުވުންނެވެ
އަނގަނެގުން
މ ޙައިރާން ވެގެން އަނގަހުޅުވިފައި ހުރުން
އަރިނެގުން
މ (1) ހިނަވާއިރު މައްޔިތާ އަރިޔަށް ޖެހުން (2) އުދުހޭ އެއްޗެހީގެ ފިޔައިގެ ފަތުގެ ކުރީން ތަންކޮޅެއް ބަހައްޓައިފައި ދެން ހުރިބައި ނޮޅައިލުން (3) އެއްފަޅިނެގުން
އަރިއަށްނެގުން
މ ހިނަވާއިރު މައްޔިތާ އަރިކުރުން
އަމާންނެގުން
މ އަމާން ދިންކަމުގެ ދިދައެއް ނެގުން
އާވިނެގުން
މ (1) ބައެއްތަކެތީގެ އަރަގު ނެގުން (2) އެތެރެހައްޓަށް ވާގޮތަކުން ހަށިގަނޑުގެ ތާކަށް ހޫނުވާހެން ހީވުން (3) އުދާސްނެގުން
އިސްނެގުން
މ (1) މޫނު މައްޗަށް އުހުލައިލުން (2) ކަންތަކުގައި ކުރިޔަށް އަރައި ކަންހިންގާން އުޅުން (3) އިސްވެކަމެއްކުރާން ފެށުން
އުޅަނެގުން
މ އުޅަހަރުގައި ހިފައިފައި އުއި ފަށް މައްޗަށް ހިއްލައިލުން
އުދާސްނެގުން
މ (1) އުދާސްވާގޮތުން ހޫނުވުން (2) ހޫނުއެރުން (3) ދިލަހޫނެއް ނެގުން
އެކޮޅުކޮޅުންނެގުން
މ (1) ދެއަތް ޖައްސައިފައި ދެފައި މައްޗަށް ދަމައިލުން (2) ދެފައިގައި މީހަކު ހިފައިފައި ބޯކޮޅު ތިރިޔަށް ވާނޭހެން އުފުލައިލުން
ވަގޮނެގުން
މ )ޏ ( ވަގަށްނެގުން
"ވިހަދަނޑި" ބަލާ! ވިހަދަނޑިނެގުން
މ ވިހަދަނޑި ދުޅަވުން