radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ހައިޑުރޯފޯބިޔާ
ނ (1) ފެންދެކެ ބިރުގަންނަ ބަލި، އެންމެ އާންމުކޮށް މިބަލިޖެހެނީ ކުއްތާ ދަތްއެޅުމުންނެވެ. (2) ވަކި އެއްޗެއް ދެކެ ގަންނަ ބިރު
ހާކަނޑުގައި ލަބަރިތެޅުން
މ (1) މަސްއައިނެއްގެ އެއްވެސް ޢަލާމާތެއް ނުފެންނަނީސް ކަނޑަށް އެންއުކަމުން ދުއްވުން (2) މަޖާޒު: ކަމެއްކުރާނެ ގޮތެއް ފެނިނެތީސް އެކަމެއް ކުރާން އުޅުން
ހާކާލާފަތް
ނ އެންމެމޮޅު ގުޑާކު މީގެ ދުންފަތް އަޅާގޮތަކީ ދަގަނޑު ފޮތީގައި އެތިކޮޅެއް އުނގުޅައިލަނީއެވެ
ބަށިގަން
ނ ބަށީގައި ކައްކާ ފޮނި ހިކިރިހައެއް. މިހަދަނީ ބަށި މުޅިން ވަކިނުކޮށް ހަތަރުފަޅިއަށް ފަޅާ ވަކި ވަރަކަށް މަޑުކޮށްލުމަށްފަހު އޭގެ ތެރޭގައި ހުރި އޮށްތަކާއެކު ކަރުގަނޑުނަގާ މަސްކޮޅެއްމޮޑެ އޭގެ ތެރެއަށް ލޮނުމިރުސް ހަވާދުކޮޅަކާ ބަށިން ނެގި ބަޔާ އަޅައިއެއްކޮށް މޮޑެ އެއިން އެއްބައި ބަށީގެ އެތެރެއަށް އަޅައި ރޮދިން ބަށިބަނދެލާ ގިތެޔޮފޮދެއްގައި ބާކީ ހުރި ހަވާދުކޮޅު އަޅައިގެން ފުށްފުށަށްޖަހައި ރަނގަޅަށް ރޯފިލުވައިގެންނެވެ
ބަނބުޅަންބޮނޑި
ނ އިހުގައި ރަސްކަމަށް ކޮލިލާ ދުވަހު ފުރޮޅާ އެއްޗެއް ޚަޒީނާއޭ ކިޔާ ބަޑިޖަހާނީ މިފުރޮޅައިލީމައެވެ މިއޮންނަނީ މުރުސަލް ފާޑަށެވެ މިފުރޮޅުއްވާނީ ކަނބާދިކިލެގެފާނެއެވެ
ބަނބުޅަބޮސް
ނ ބޮނޑުލުބޯ ޒާތުގެ މޭވާއެއް މީގައިދޭނީ ހިތިފޮނި ރަހައެކެވެ މީގައި ބޯތޮށިގަނޑެއް އޮންނާނެއެވެ
ބަނބުކެޔޮ
ނ ފަލަމަޑީގެ ބާވަތެއް މިއަޅަނީ ފަތް ބޮޑެތިބިޔަ ގަހެއްގައެވެ މިހުންނަނީ ސައްކޭލަށް ވުރެ އޮމާންކޮށް އެގޮތަށް ބޭރުގައި އުން ޖަހާފައެވެ
އެތްދަތް
ނ އެތުގެ އަނގައިން ބޭރަށް ނުކުމެފައި ހުންނަދެދަތް މި ދެދަތް ހުންނާނީ ހޮނޑުގެ ދެފަރާތުން ފައިބައިފައެވެ
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލުން
މ (1) އެއްޗެއްގެ މަތީކޮޅު ތާކު ހަރުވެފައި އަނެއްކޮޅުތިރިއަށް ވީއްލިފައި އޮތުން. (2) ގަސްގަހުގެ ގޮފީގެ ކުރީކޮޅު ހުންނަންވީ ވަރަށްވުރެން ތިރިޔަށްޖެހިފައި އޮތުން. (3) ތެދަށް އޮންނަންވީ އެއްޗެއްގެބައެއް އޮންނާންވީ ވަރަށްވުރެ ތިރިޔަށް ޖެހިފައި އޮތުން. (4) މަޖާޒު: ނާކާމިޔާބުވެގެން ދެރަވުން. )އެލުނު ނނކ އެލިއްޖެ ނކ އެލެނީ ވވ އެލޭނެ ވނ އެލޭ! އމ
އެލްމެނިޔަމް
ނ ކަންވާރު ހަދާފައި ހުންނަ މަޢުދަނީ އެއްޗެއް ދިވެހީން މިޔަށް ޒިންކުވެސް ކިޔައެވެ މިއިން ހަދާފައި ހުންނަ ތެލިބުރިއާއި ސައިކުރާ ވަރަށްގިނައިން ގެންގުޅެއެވެ
އެސްނާޅި
ނ ލޮލުގެ ފަލަކޮޅުގެ އަޑީން ކަރުނަވަރުތެރޭ އުސްކޮށް ހުންނަ ތަންތަން މިދުޅަވާނީ ކުޑަމުލިއްސެއްހެނެވެ
އެސްވަޅު
ނ ހުދުހަމުގައި އުފެދޭ ބައްޔެއް. މިބަލި ހުންނާނީ ވައްކޮށް ހަރުކޮށް އެތެރެޔަށް ގޮނޑިލާ ގޮތަށެވެ
އެސްމައު
ނ އޮށްބޭހުގެ ތެރޭގައި ހިމެނޭ އެއްޗެއް. ވަށްކޮށް ފަތިކޮށް އެއްފަރާތަށް ކުޑަ ފުއްޕުމެއް ލައިފައި އަދި އެފުއްޕުމާ ދިމާއިން އަނެއްފަރާތުގައި ކުޑަ އަޑިކަމެއް ހުންނަ ހުދުކުލައިގެ ހަރު އެއްޗެއް އޭގެ ކައިރިފަށުގައި ދެފަޅި ތަތްކޮށްފައި ހުންނަ ކަހަލަ ގޮތެއް ހުންނާނެއެވެ އަދި ގޭނީމާ ތެރަސްކަންވެސް ހުންނާނެއެވެ
އޭނ
އ (1) ކީކޭ (2) ނޫނޭ (3) ހިތާނުވުމާއެކު އޯތްޔޭބުނާން ބުނާ ގޮތެއް މިމާނަތައް ދޭހަވާނީ ބުނާ ރާގުންނެވެ
ވަރަލުން
މ (1) ގުޑިއެރުވުމުގައި ބޭނުންކުރާ އޮނުފަތިރާރާގައި ވައިގެ ބާރުން އަޑުނެރޭން ކަށިކެޔޮފަތުން ނުވަތަ އެހެންވެސް އެއްޗަކުން ފަށެއް ހަރުކުރުން (2) ބައެއްކުޅިވަރުގެ ތެރޭގައި ދޫނީގެ ފިޔަގަނޑެއްގެ ސިފައިގައި މީހުންގެ ހަށިގަނޑުގައި ފިޔަހަރުކުރުން
ވަރި
ނ (1) ކާވެނީގެ ގޮށް މޮހޭމޮހުން (2) ފަހަރު (3) ޒަމާން (4) ފޯވަހި (5) ތޮށި ނުވަތަ ނާށި ހުންނަ ވަކިވަކި ތަކެތީގެ ކާން އޮންނަ ތަނަށް ކިޔާ ނަމެއް
ވަރިއަށްގޮވުން
މ ކާވެނީގެ ގުޅުން ކަނޑައިދިނުމަށް އެދި އަބިމީހާ ތަކުރާރުކޮށް ފިރިމީހާ ކިބައިން އެދުން
ވަރިވުން
މ ކާވެނީގެ ގުޅުން ކެނޑުން ކާވެނީގެ ގޮށް މޮހުން
ވަރުހަނގު
ނ ކުރީޒަމާނުގައި ދައުލަތުން ދެއްވި އޮޅިމެދުކަމުގެ ނަން މިމީހުން ތިބެނީ ތިންގެއަކަށެވެ. އެއީ ދޮށިމޭނާގެ ވެލާނާގެ ހަކުރާގެ މިތިންގެއެވެ އެއީ އެތިން ބޮޑުބޭކަލުންގެ ވެރިކަމުގެ ދަށުގައިވާ ބައެކެވެ