radheef.info
ރަދީފު


ނިގޫ
ނ (1) ނަގޫ (2) ގަދަވައިރޯޅި
ކަޅުފާނަ
ނ ފާނައިގެ ބާވަތެއް މިމަހުގެ ބުރިކަށިމަތި ހުންނަނީ ކަޅުކުލައިގައެވެ މަހުގައި ހުރަހަށް ފުޅާ ރޮނގުތަކެއްހުރެއެވެ މަހުގެ ނިގޫފަތުގެ ކޮޅު ހުންނާނީ ވަށްކޮށެވެ
ކަޅުފޫރޮނޑު
ނ )މ ( ފަޅުތެރޭގައިއުޅޭ ކަޅުކުލައިގެ ރޮނޑެއް މިރޮނޑުގެ ނިގޫފަތާއި ކޮތަރިހުންނަނީ ރަތްކުލައެއްގައެވެ ކަނޑުގައިއުޅޭ މިބާވަތުގެ ރޮނޑު ހުންނަނީ މުޅިން ކަޅުކުލައިގައެވެ
ކައްޓަފުޅި
ނ ފެނަށްދިރޭ ކުޑަ މަހެއް މިއީ ވަޅުވަޅާއި މަސްޓޭންކުތަކުގައި ގެންގުޅޭ މަހެކެވެ މިމަހުގެ އުރަހައިގެ ކޮޅުގައްޔާއި ނިގޫފަތުގެ ކޮޅުގައި ތޫނުކައްޓެއް ހުރެއެވެ ނިގޫފަތުގައި ހުދުކުލައިގެ ރޮނގެއްހުރެއެވެ މަހުގެ ކުލައަކީ އަޅިކުލައެވެ
ކަލަރުބިބީ
ނ ބިބީމަހުގެ ބާވަތެއް މިމަހުގެކުލައަކީ މަޑުމުށިކުލައެވެ މަހުގެ ތުންކޮޅުގައި ހުދުކުލައިގެ ކުދިކުދި ރޮނގުތަކެއް ހުރެއެވެ ނިގޫފަތް ހުންނަނީ ފަނޑު ރަތްކުލައެއްގައެވެ ބޮލުގެ ނިމޭ ހިސާބުން ކަރުތާފަތްގަނޑު މަތީން މަހުގެ ހުރަހަށް ފުޅާ ހުދު ރޮނގެއް ހުރެއެވެ މިމަހަށް ކަލަރުބިބީ ކިއުނީ މިހުދު ރޮނގަށް ނިސްބަތްކޮށެވެ
ކަސްފާނަ
ނ ފާނައިގެ ބާވަތެއް މިއީ ބޮލާއި ހަށިގަނޑުގައި ގަދަކުލައެއްގެ ލައްތަކަކުން އެކިގޮތްގޮތަށް ކުރެހުން އެޅިފައި ހުންނަ މަހެކެވެ ކުދިކުދި ތިކިތަކެއް މުޅިމަހުގައި ހުރެއެވެ ނިގޫފަތުގެ ބުޑުދަށުގެ މަތީ ކައިރީގައި ކަޅުކުލައިގެ ލަފެއް ހުރެއެވެ ނިގޫފަތް ހުންނަނީ ވަށްކޮށެވެ މަހުގެ ކުލައަކީ ފަނޑު މުށިކުލައެވެ
ކުލަކޮކާމަސް
ނ ކޮކާމަހުގެ ބާވަތެއް. މިއީ ފަރުފަޅުތަކުގެ ބޭރުމަތީގައްޔާއި ގުންޑޮޅިތަކާ ފަރުގައި އުފެދިފައިހުންނަ ހޮހަޅުތަކުގައި ދިރިއުޅޭމަހެކެވެ. މުޅިމަހުގެ ހުރަހަށްވާގޮތަށް ދޮންނާރިނގުކުލައާއި ހުދުކުލައާއި ނޫކުލައިގެ ރޮނގުތަކެއް ހުރެއެވެ މަހުގެ ނިގޫ ފަތާއި ކުޑަ ކޮތަރިބައިގެ ކުލައަކީ ރީނދޫ ކުލައެވެ
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ
ކޯބިޔަ
ނ ފަރުމަހުގެ ބާވަތެއް. މިއީ އައްޓަމަހާ ސިފަ ވަރަށް އެއްގޮތް މަހެކެވެ. ބޯފަތިކޮށް އަނގައާއި ކަރުތާފަތް ބޮޑުކޮށް ހުންނަ މަހެކެވެ ނިގޫފަތުގެ ކޮޅުހުންނަނީ ހަނދުފަޅި ބުރަށް ކަފިކޮށްނެވެ ބުރިކަށިމައްޗާއި އަރިމަތީގެ ކުލައަކީ މުށިކުލައެވެ ބަނޑުދޮށް ހުންނަނީ ފަނޑު ހުދު ކުލައެއްގައެވެ
މަސްމުގުރާން
ނ އެމުގެ ބާވަތެއް. މިއީ ކަންފަތްގަނޑުގެ ދިގުމިން ބޮލުގެ ދިގުމިނާ އެއްވަރު ލޯބޮޑު އަނގަކުޑަ އެއްޗެކެވެ މިއެމުގެ މަތީ ކޮތަރިބަޔާއި ބަނޑުދޮށްފަރާތު ކޮތަރިބައިގައި ހުޅުނބު ފަޅައިފައި ހުންނާނެއެވެ މިއެމުގެ މަތީބައި ނޫވާނެއެވެ އަރިމަތި ރީނދޫވާނެއެވެ ލޮލުން ފެށިގެން ނިގޫފަތުގެ ބުޑާ ހަމައަށް ފުޅާފަށެއް ހުންނާނެއެވެ
ދަނޑިމަސް
ނ (1) މަސްދޯނިފަހަރު ވަކިވަރަކަށް މަސްބާނައިގެން އައިމާ އެބޭނިމަހުން ގަނޑުވަރުތެރެއަށް ގެންދާމަސް މިމަސްގެންދާ ގޮތަކީ ތިންމީހުން ތިންދޮށީގެ ބުޅީގައި މަސް އަޅުވައިގެން ތިންދޮށި ކޮނޑުމަތީގައި ބާއްވައިގެން ކޮންމެ މީހަކު އެމީހަކު ދޮށީގެ ބުޅީގައި އަޅުވައިފައި އޮންނަމަހުގެ ނިގޫފަތުގައި ހިފައިގެންނެވެ (2) ޚާއްޞަގޮތްގޮތުން ދޯނިފަހަރުންދޭ މަސް
ދަންބޮޑު
ނ ވިދުންހުރި މަޑުރަތްކުލައިގެ މަހެއް މިމަހުގެކޮތަރިތަކާއި ނިގޫ ފަތްހުންނާނީ ރަތްކުލައިގައެވެ ނިގޫފަތުގެ މަތީކައިރިއާއި ތިރީ ކައިރި ހުދުވާނެއެވެ މިއީ ރޭގަނޑުގެ ކެޔޮޅުކަމުގައި ބޭނޭމަހެކެވެ
ދިދަމަސްބިބީ
ނ ބިބީއާއިލާގެ މަހެއް މިމަހުގެ ބުރަކަށިމަތީ ކޮތަރީގައި ދިގުނަރުވައެއް ހުރެއެވެ މީގެކުލައަކީ ހުދުކުލައެވެ މަހުގެ ހުރަހަށް ކަތިކޮށް ވަރަށްފުޅާ ކަޅުކުލައިގެ ދެރޮނގު ހުރެއެވެ މަހުގެ ކަންފަތާއި ނިގޫފަތާއި އަދި މަތީ ކޮތަރިބައިގެ ކުލައަކީ ރީނދޫކުލައެވެ ބަނޑުދަށް ފަރާތުގެ ހަރުކަށިތައް ހުންނަނީ ކަޅުކުލައިގައެވެ
ދުންތަރި
ނ ވަކިދުވަސްވަރަކު ރޭގަނޑު އުޑުމަތިން ފެންނަ ތަރިއަކަށްވުރެ ބޯޅައަކާ ވައްތަރު އައްޔެއް. މިޢަލީގައި އެކުލެވެނީ ނުގުޅިހުންނަ ކުދިކުދި އެތިކޮޅު ތަކެކެވެ. މިއަލިއިރާއި ކައިރިވުމުން ދިގުނިގުލެއް ފާޅުވެއެވެ. މި ނިގޫ ފެންނާނީ ނިއުޅާލައިފައިވާ އިލޮށި ފައްޗެއްހެންނެވެ ނޫނީ ދިގު އިސްތަށިގަނޑެއްހެންވެ
ދޮންނޫފާނަ
ނ ފާނައިގެ ބާވަތެއް މިމަހުގެ ނިގޫފަތާއި ކޮތަރިބައިތަކާއި ކަންފަތުގެ ކުލަ ރީނދޫ ވާނެއެވެ މަހުގެ ކުލައަކީ ގަދަނޫކުލައެވެ މިއީ ފާނައިގެ ބާވަތްތަކުގެ ތެރޭގައި ހިމެނޭ އެންމެ ދިހުންކުލަ ގަދަމަހެވެ މިމަހަކީ ވަރަށް މީރުމަހެކެވެ
ދޮންބިބީ
ނ (1) ބިބީ ޢާއިލާގެ މަހެއް މިމަހުގެކުލައަކީ ގަދަ ރީނދޫ ކުލައެވެ މަހުގެ ލޯހުރަސްކޮށް ކަޅުކުލައިގެ ހިމަރޮނގެއްދެމިފައި ހުރެއެވެ އަދިމަހުގެ އަރިމަތީގައި ކަޅުކުލައިގެލަފެއް ހުރުމާއެކު މަހުގެ ނިގޫފަތުގެ ބުޑުހުރަސްކޮށްވެސް ހިމަކޮށް ހުންނަ ކަޅުކުލައިގެ ރޮނގެއްހުރެއެވެ މީގެނިގޫފަތުގެ ކުލައަކީ ހުދުކުލައެވެ (2) ދިވެހި އަންހެނުންނަށް ކިޔައިއުޅޭނަމެއް
ދޮންއޮޅުފާނަ
ނ ފާނައިގެ ބާވަތެއް މިއީ ރަތްމުށިކުލައިގެ މަހެކެވެ ކުދިކުދި ނޫތިކިތަކެއް ހުންނަ މަހެކެވެ ނިގޫފަތުގެ ކައިރިފަށް ހުންނާނީ ހުދުކުލައިގައެވެ
ދޮންގިއުޅު
ނ ގިއުޅުގެބާވަތެއް. މިއީ ބޭރު ކަނޑުގެ ވަރަށްފުނުގައި އުޅޭ މަދުން ބޭނޭ މަސް ވަރަށް މީރު މަހެކެވެ މިމަހުގެ މައިގަނޑު ކުލައަކީ ވައިލެޓް ކުލައެވެ މަހުގެ ހުރަހަށާއި އެކިގޮތްގޮތަށް ދޮންރީނދޫކުލައިގެ ފުޅާރޮނގުތަކެއް ހުރެއެވެ ނިގޫފަތާއި ބަނޑުދޮށްފަރާތު ކޮތަރިބައި ހުންނަނީ ރީނދޫކުލައިގައެވެ
ތިއްޖެހިފާނަ
ނ ފަޅުތަކުގެ ބޭރުގައި މުރަކަތަކާއި ގާތަކުގެ ނިވަލުގައިއުޅޭ މަހެއް މިއީގަދަ މުށިކުލައިގެ ތިކިތަކެއް ހުންނަ ކޮތަރިބައިގައިވެސް ތިކިތަކެއް ހުންނަ ނިގޫފަތުގެ ކައިރިފަށް ފަނޑުހުދު ކުލައެއްގައި ހުންނަ މަހެކެވެ
ލަތާ
ނ )ސ ( ފަޅުގައި އުޅޭ ދޮންކުލައިގެ މަހެއް މިމަސް އެންމެ ބޮޑު ވާނީ ހައެއްކަ އިންޗި ވަރަށެވެ މަހުގެ ދިގަށް ކަޅުރޮނގުތަކެއް ހުރެފައި ނިގޫފަތުގެ ދެފަރާތުގައި ކަޅުދެލަކެއް ހުންނާނެއެވެ
ގައްޕީސް
ނ ޖަޕާނުމަހުގެ ތެރެއިން ނިގޫފަތުގައި ކުލަޖެހިފައި ހުންނަ ވައްތަރު މިއީ ފެނަށް ދިރޭ މަހެކެވެ