radheef.info
ރަދީފު


ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
ހިތާވުން
މ (1) މީހެއްގެ ނުވަތަ އެއްޗެއްގެ މައްޗަށް ހިތް ލެނބުން (2) ހިތްޖެހުން މިބަސް ގިނައިން ބުނެއުޅެނީ އިންސާނުންގެ ދެޖިންސުގެ ދެމެދުގައި ހިންގާ ލޯތްބަށެވެ (3) ޤަބޫލުވުން
ހިތިކަދޫވެލެއްގެ ބުޑަށް ފެންކަމުގައި މާމުއި އެޅިއަސް އޭގައި އަޅާ އެއްޗެއް ފޮންޏެއް ނުވާނެއެވެ
(މުސްކުޅިބަހެއް) ނުބައިކަމުގައި ޙައްދު ފަހަނަޅާފައިވާ މީހަކަށް ކިތަންމެ ހެޔޮ ނަސޭހަތެއް ދީ ވިސްނައިދީ ހެދިޔަސް އޭނާގެ ނުބައިކަމަށް ބަދަލެއް ނާންނާނެކަން އަންގައިދިނުމުގެ ގޮތުން ބުނެއުޅޭބަހެއް
ހިތުލީބޮލިނެގުން
ނ (1) ބޮލިއަތުރައިގެން ކުޅޭ ކުޅިވަރެއް މިކުޅިވަރުގައި އެކެއްގެ ހިތުން ގަސްތުކުރާ ބޮލި ދެވަނަ ފަހަރު އެތުރުމުގެ ގޮތުން އަނެކަކު ވިސްނައިގަނެއެވެ (2) މަޖާޒު: މީހަކާ ހިތާވެގެން އެކަން ފާޅުނުކޮށް ހުރެހުރެފައި އެމީހަކާ އިންނަ އިނުން
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިޔަނިފިލާކޮޅު
ނ މީހާ ވަޅުލާދުވަހު ތާރީޚުގައި ލިޔެފައި މަހާނައިގައި ޖަހާ ފިލާކޮޅު
ހުހި
ނ ދިވެހިރުއް ފަދަ ރުއްރުކުގައި ގަންނަ ތަކެތި ހަރުވަމުން އަންނައިރު އެތެރޭގައި ކާން ކަމުދާ އެއްޗެއްނެތި އަނަރޫފަ ވެފައިވާ ވައް
ހުނގުލިރޯނު
ނ ފަންގަނޑެއް ވިންނައިރު ފަންވަތްތަކުގެ ހުނގުލިތަކާ ކައިރިންޖަހާ ރޯނު
ހުނިބޮޅު
ނ ހުނިގުރާބުގެ ތެރެއަށް އިނގިލި ބާނައިގެން ދުފުމަށް ބޭނުންކުރަން ނަގާ މިންވަރު
ހުނިލުން
މ (1) ދުފާއިރު ބިލެތުގެކުޅިމަރާން ހުނިކޮޅެއް އަނގަޔަށްލުން (2) އުވަފުރާނައިގެން ނެގޭހިމުންބައި ފެނާއެއްކޮށް އޮލަކޮށް ގިރައި ތަންތާގައި ހޭކުން (3) ބައެއް ބާވަތުގެ ކާތަކެއްޗަށް ކާށިހުނި އެޅުން
ހުނިގޮނޑިފިލާ
ނ ހުނިގޮނޑި ތިލަހެން ފަތްހުންނަ ވެލަށްހެދޭ ފަތްޕިލާ ވެއްޔެއް މިއީ ވިނައިގެބާވަތެކެވެ މިފަތް ދިވެހިބޭހަށް ބޭނުންކުރެވެއެވެ
ހުރިގޮތަށްހުރުން
މ (1) އެގޮތްމިގޮތް ނުވެހުރުން (2) ގޮތެއްނުވެހުރުން (3) ބަދަލެއްނައިސް ހުރުން
ހުރެހުރެ
ކއ (1) އިންތިޒާރުކޮށްކޮށް (2) ހުރިތާހުރެ ގިނައިރު ވެގެން (3) ތަނެއްގައި ހުންނަތާ ގިނައިރުވެގެން
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުއިފަތުފެހި
ނ މޫދުވިނައިގައި ހުންނަ ކުލަ
ހުއިތޮށި
ނ )ސ ( ތުނިރިނދަލިހެން ހުންނަ ކުދިކުދި އެއްޗެއް މިއީ ގޮނޑުދޮށަށް ކަށިވެލި އަރާހެން އަރާ އެއްޗެކެވެ ގިނައިން މިއަރަނީ އައްޑުއަތޮޅަށެވެ
ހުއްފޮނި
ނ )ސ.( ރުކުރާ ގާ ނާޅައި ކައްކައިފައި ހުންނައިރު ކިޔާނަން
ހުވަނދުމައު
ނ (1) މީރުވަސްދުވާ ހުދުމަލެއް. ދިވެހީން މާފެންއަޅާން ގިނައިން ގެންގުޅެނީ މިމަލެވެ. (2) )މކ.( މާކެޔޮޅުކަމުގެ އިސްޠިލާޙުގައި އެންމަހުގައި އަޅާފުޅަ
ހުވަން
ނ (1) އަށާވީސް ނަކަތުގެ ތެރެއިން ތޭވީސްވަނަ ނަކަތް (2) އިރުވައި މޫސުމުގެ ހަތަރުވަނަ ނަކަތް (3) އެއްޗެއްގެ ޚަބަރު މިބަސްގިނައިން ކިޔައި އުޅެނީ "ހިލަން" މިބަހާއި ގުޅުވައިގެންނެވެ މިސާލު: އޭނާގެ ހުވަން ހިލަންވެސް ނުވެޔޭ ބުނެފިނަމަ އެއީ އޭނާގެ އެއްވެއް ޚަބަރެއް ނުވެއެވެ (4) )ޏ ސ ( ނަގުލުވައި
ހުވަފެން
ނ )ބދ ( (1) ނިދައިފައި އޮންނައިރު ފެންނަ އެކިބާވަތުގެ ކަންތައް (2) )ސ ( ތުނިޔައާ ވައްތަރު އެޔަށްވުރެ ކުދި އެއްޗެއް (3) މަޖާޒު: ފޮނިއުންމީދު
ހުދުކާޅު
ނ (1) ހުދުފަތް ހުންނަ ކާޅު. މިއީވަރަށްމަދު އެއްޗެކެވެ. (2) މަޖާޒު: ތިމާގެ މީހަކު ނުވަތަ ރައްޓެއްސަކު އެތައް ދުވަހަކު ނައިސްހުރެފައި ގެއަށްއައިމައި ހިތްހެޔޮކަމާއިއެކު ސަމާސާއަށް ބުނެއުޅޭ ބަހެއް މިބަސް ބުނެއުޅޭ ގޮތަކީ "އައްދޭ! ހުދުކާޅެއްދޯ!" (3) ނާދިރުއެއްޗެހި