radheef.info
ރަދީފު


ނަރު
ނ (1) މަޢުދަނީ ބާވަތަކުން އުފައްދާ ހިމަފަށް. (2) ބޮނބި، ކަށިކެޔޮ، ތޮރާ، މިފަދަތަކެތީގައި ހުންނަ ހިމަ ހަރު ފަށް. (3) މިއުޒިކު ކުޅޭސާމާނުގައްޔާއި ކުޅިވަރުކުޅޭ ބައެއް ކަހަލަ ރެކެޓްގައި ފުރާފައި ހުންނަ ފަށް (4) ހިމަ ފަށްފަށަށް ވާގޮތަށް ތައްޔާރުކޮށްފައި ހުންނަ ބައެއް ކާތަކެތި މިސާލު: (ހ) ހަލުއިދާނަރު (ށ) ފަޅޮލު އަސާރައިގެ ނަރު (5) ވެޔޮވެލުގެ ފަތްވަޅުން ފަޅައިފައި ހުންނަ ހިމަފަށް (6) ފުރާދުއްވާތަކެތީގެ ހުންގާނުގައި މާދާއަޅުވަން މައްޔަލުގައި ހަރުކޮށްފައިހުންނަ ލޯފޯލި (7) (ބދ) ހިމަކަން
ރޯނުވެށުން
މ ބޮނބިނަރުން ލީލި އަޅައިގެން ރޯނަށް ހެދުން
ބަނޑުލުން
މ (1) ގަހަކަށް ނުވަތަ ރުކަކަށް އަރާއިރު ގަހުގައި ނުވަތަ ރުކުގައި ބަނޑުޖެއްސުން. (2) ބަނޑުގައި ޖައްސައި ބެއްދުން. (3) ސަރުބީޖަހައިގެން ބަނޑު ބޮޑުވުން. (4) ދަމައިފައި ހުންނަ ނަރު ނުވަތަ ވާ ނުވަތަ ރޯނު ފަދައެއްޗެއްސާއި ދޫކޮށްފައި ހުންނަ ކިރު ފަދަތަކެތީ ތިރިއަށް ގޮނިލުން
ބަރަބޯ
ނ ތަރުކާރީގެ ބާވަތެއް. ބަރަބޮލަކީ ސިފަޔާއި ބޮޑުމިނާއި ކުލަ ތަފާތުކޮށް ހުންނަ ތަރުކާރީއެކެވެ. ވަށްކޮށް ފަތާކޮށާއި އަދި ވަށްކޮށް ދިގުކޮށްވެސް ހުރެއެވެ. ބަރަބޯ ހުންނަނީ އެކި ބޮޑުމިނުގައެވެ. ބަރަބޮލުގެ ތެރޭގައި ފެހިކުލައިގެ ބަރަބޮލާއި މުށިކުލައިގެ ބަރަބޯހުރެއެވެ. ލައްލައް ޖަހައިފައި ފެހިކުލައިގައި ހުންނަ ބަރަބޮލާއި މަޑުމުށި ކުލައެއްގައި ހުންނަ ބަރަބޯވެސް ހުރެއެވެ. ބަރަބޯވެލަކީ ވަރުގަދަކޮށް ފެތުރިހެދޭ ފަތް ބޮޑެތިކޮށް ވެޔޮގަނޑުގައި ހަރުކެހެރިއެއް ހުންނަ އަދި އިސްފިރޭނުތަކެއްހެން އޮޅިފައި ހުންނަ ނަރުވާތަކެއް ހުންނަ ވެލެކެވެ
ބަބުރުއަނބު
ނ އަނބުގެ ބާވަތެއް. މިއީ ނަރުހިމަ ދޮންވީމާވެސް ބޭރު ގަދަފެހި ކުލައިގައި ހުންނަ އަނބެކެވެ
ބަފޯހިކާ
ނ ހިކާގެ ބާވަތެއް މިއީ އަނގަބޮޑު ހުޅުނބުގިނަ މަހެކެވެ މިމަހުގެ ތުން ކައިރީގައި ދެނަރުވާ ހުރެއެވެ
ބުންނަރު
ނ މިއުޒިކު ކުޅެން ބޭނުންކުރާ ނަރުފުރާފައި ހުންނަ ބައެއް އާލާތުގެ އެންމެ ފަލަނަރު
ބުރުސް
ނ (1) އެއްޗެތި ތާހިރުކުރަން ނަރުން ހަދައިފައި ހުންނަފިހި (2) ޖަހަޑު
ބުރެކި
ނ އެމުގެ ބާވަތެއް މިއީ ހިމަ ދިގުކޮށް ބޯކޮޅަށް ވަށްކޮށް ހުންނަ މަހެކެވެ މަހުގެ ނަގޫ ވަރަށް ބޮޑަށް ކަފިވެފައި ހުރެއެވެ އަދި ނަގޫކޮޅު ހިމަވެގެން ގޮސް ނަރުވާޔަކަށް ބަދަލުވެފައިވެއެވެ މަހުގެ ކަންފަތްގަނޑު ބޮލަށްވުރެ ކުޑަތަންކޮޅެއް ކުރުވާނެއެވެ މަހުގެ ބުރަކަށި މަތީގެ ކުލައަކީ ފެހިކުލައަކަށްދާ ދަނބު ކުލައެކެވެ
ބޭލާ
ނ މިޔުޒިކުގެ އާލާތެއް މީގެ މައިގަނޑު ބައިތަކަކީ ބަޓަން ލައިގެން ހަދައިފައިވާ ފޮއްޓަކާއި އެފޮއްޓަށް ހަރުކޮށްފައި އޮންނަ ދަނޑިއެކެވެ މީގައި އާންމުކޮށް ހުންނާނީ ހަރުނަރު ފުރައިފައެވެ މީގެއަޑު ނެރޭނީ މިނަރުތައް އޭތީގެ ދަނޑިޔާލައި އިނގިލި އޮބައި ކެހެރި ނުވަތަ އެފަދަ އެއްޗެހިވާންކޮށް ފުރައިފައި އޮންނަ ދަނޑިއެއް ނަރުތަކުގައި ކާއްތައިގެންނެވެ
ބޮނބިކީ
ނ (1) ބޮނބިނަރު (2) )ސ ( ބޮނބިކުނޑި
ބޮނބިކޭލި
ނ )ސ ( ބޮނބިނަރު
ބޮނބިއެޅުން
މ (1) ބޮނބި ފާލުގައި ބޮނބި ވަޅުލުން މިއީ ބޮނބި ފާކޮށްގެން ތަޅައިގެން ނަރުނެގުމަށް ކުރާކަމެކެވެ (2) )ބ ( ވިޔާން ފުރައިފައި ހުންނަ އުއިގަނޑުގެތާން ހިއްކާން ފިހިކޭއްތުން
ބޮނބިތެޅުން
މ ބޮނބިގަނޑުން ނަރުވަކި ކުރުމަށްޓަކައި ބޮނބިފާކޮށްގެން ތަޅާ ކުނޑި ފިލުވުން
ބޮޅުފަތި
ނ (1) ރާވައިލީމާ އަނގޮޓިޔަކަށް ވާނޭހެން އެއްބޮޅު އަނެއްބޮޅަށް ލައިމެހިފައި އޮންނަ ކޮންމެ ބޮޅެއްގައި މާވަތެއް ޖަހައިފައިވާ ބޮޅުތަކެއް (2) ލަނބައިފައި އޮންނަ ނަރުގަނޑަކަށް އަޅުވައި ނައްޓައި ހެދުމަށް މަހައިފައި އޮންނަ ބޮޅުތަކެއް މިއީ ކުޅިވަރެއްގެ ގޮތުންނާއި ފޫހި ފިލުވަން ގެންގުޅޭ އެއްޗެކެވެ (3) ލާމަހައިފައި އޮންނަ ބޮޅުތައް
ބޮޅުފަތިނެއްޓުން
މ އިހުގައި ކުޅެއުޅުނު ކުޅިވަރެއް މިކަންކުރާގޮތަކީ ނަރުގަނޑަކަށް މަހައިފައި އޮންނަ ބޮޅުފައްޗެއް އެކުގައި ނަރުގަނޑުން ވަކިކޮށްލުމެވެ މިއީ ހިކުމަތަކުންނޫނީ ވެވޭކަމެއްނޫނެވެ
ބޮކި
ނ (1) ފެނާއި އެހެނިހެން ދިޔާއެއްޗެހީގެ ތެރޭގައި ހުންނަ ވައިގެ ބަނޑިބަނޑި (2) ކަރަންޓުން ދިއްލޭގޮތަށް ހުންނަ ނަރުކޮޅެއްލައިފައިވާ ބިއްލޫރި އެއްޗެއް އާންމުގޮތެއްގައި ހުންނާނީ މީގެ ފޫ ހޯލްޑަރަކަށްޖެހޭ ގޮތަށެވެ މީގެ ވަރަށް ގިނަ ވައްތަރުހުރެއެވެ (3) އެތެރެ ހުހަށް އޮންނަގޮތަށް ބިއްލޫރިން ނުވަތަ އެހެނިހެން ތަކެތިން ހަދައިފައި އޮންނަ ބޯޅަ
ބޮކިއެނދުން
މ (1) އެލެކްޓްރިކް ބޮކީގައި ހުންނަ ނަރުކޮޅު އަނދައިގެން ނުދިއްލޭގޮތްވުން (2) މަޖާޒު: ލޯކަނުވުން
ބޯނބިކޭލި
ނ )ޏ ( ބޮނބިނަރު
ބޯރުދޫބައްތި
ނ (1) ފުރާދުއްވާ އެއްޗެތީގެ ބޯރުދޫގައި ދިއްލާބައްތި (2) ނަރުގަނޑު ފާނޫޒު
ޅެންވެރިކަން
ނއނ (1) ޅެން ހެދުމުގެ ހުނަރުވެރިކަން (2) ޅެން ހެދުމުގެ ހުނަރު ލިބިފައިވާކަން