radheef.info
ރަދީފު


ހެން
އ (1) ކަހަލަ (2) ފަދަ (3) އެއްގޮތަށް މިސާލު "ކަލޭ ބައްޕަ އުޅޭހެން އުޅޭ" (4) ވައްތަރަށް
ހިނެވެނި
ނ އަންހެން ބޭފުޅުން އަރިހުގައި އުޅޭ ޚާއްޞަ ޚާދިމާ
ހިންހަރައިލުން
މ (1) ހިންބާރުކޮށްލުން (2) ޙާޖަތަށްދިއުމަށް ބާރުލާހެން އެތެރެ ހައްޓަށް ބާރުލުން
ހިރު
ނ (1) އަނގައިގެ ދަތްތައް ހިފެހެއްޓުމަށް ހުންނަ މަސް (2) އެއްޗެހި ޒީނަތް ކުޅައުމަށް ނުވަތަ ކުރެހުމުގައި ބޮޑުކޮށް ފާޅުކޮށް ހުންނަ ކޮންމެ ކުލައެއްގެ ނުވަތަ ރޮނގެއްގެ ކައިރީގައި އެހެން ކުލައަކުން ދަމާ ހިމަ ރޮނގު މިސާލު: )ހ( ފޭލީގެ ހިރު )ށ( ދަމާ ފޮތިގަނޑުގެ ހިރު (3) ބޯވަޅުގައި ހަރުކުރާން ކަސަބުން ނުވަތަ ބަރަނިން ހަނިކޮށް ފަތިކޮށް ގަތާ ފަށް
ހިރުއްދަ
ނ ދިވެހިގޭގޭގައި ހުންނަ އެނދުބައިލީދޮރުގެ އެނދުބައިގެ ތިރިޔާއި މަތީގައިކުދިކުދި އެއްޗެހި ބެހެއްޓޭނޭހެން ހުންނަތަން
ހިރުދެމުން
މ އެއްޗެހި ޒީނަތްތެރިކުރުމުގައި ނުވަތަ ކުރެހުމުގައި ބޮޑުކޮށް ފައުޅުކޮށް ހުންނަ ކޮންމެ ކުލައެއް ނުވަތަ ރޮނގެއްގެ ކައިރީގައި އެހެން ކުލަ އަކުން ހިމަރޮނގު ދެމުން
ހިކިބަލި
ނ އަނަރޫފަވާ ބައްޔެއް. މިއަށްކިޔަނީ ކެކެކްސިއާއެވެ.މިއީ މީހާގެ ހަށިގަނޑު މާބޮޑަށް ހިކޭބަލިތަކުގެ ނިޝާނެކެވެ. މިހެންވާ ކިތަންމެ ބައްޔެއް ހުރެއެވެ. މީގެތެރޭގައި ޓީބީ )ކެއްސުންބަލި( ޓައިފޮއިޑްހުން އެކިވައްތަރު ވައްތަރުގެ ކެންސަރު އަދި "ކާޑުބަލި" ހިމެނެއެވެ
ހިމަހޯއްދުން
ނއ (1) ހިމަތޮޅި ކަމާއި އެކުލެވިގެންވާ ރީތިސިފަހުރި )މިބަސް ބުނެއުޅޭނީ އަންހެންކުދީންނާ މެދުގައެވެ ( (2) ލޫޅާފަތި
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ހިތްހެޔޮކުރުން
މ (1) ހިތްބަރުކަމެއް ނުބޭއްވުން (2) ނުރުހުމެއް ރުޅިވެރިކަމެއް ހިތުގައި ނުބޭއްވުން (3) މަޖާޒު: ހިތުން ފިލުވައިލުން މިސާލު: އަހަރެންގެމަތިން ހިތްހެޔޮކޮށްލާށޭ މިހެންބުނެފިނަމަ އޭގެމާނައަކީ ހަނދާންނައްތާލާށޭ މިއެވެ
ހިލަކަންފަތި
ނ ފަނިހަނދީގެ ބާވަތެއް މިބާވަތުގެ ހަނދި އާދައިގެ ހަންޖަށްވުރެ ދިގުވެފައި ކަންފަތްގަނޑު ވަކީން ދިގުވާނެއެވެ އެހެން ހަންޖަށްވުރެ މިމަހުގެ ކަޅުކުލަ ގަދަވާނެއެވެ
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިލަމާދިއުން
މ )ބ ( (1) ބޭރުރަށްރަށުގައި ނުވަތަ ރަށުގެ އެހެން އަވަށެއްގައި ކާވެނިކުރުމުން އަންހެންމީހާގެ ގެނައުމަށް އެރަށަކަށް ނުވަތަ އެއަވަށަކަށް ބަލައިދިއުން (2) ބޭރުރަށްރަށުގައި ކުރާ ބޮޑެތި މަސައްކަތުގެ ޚަބަރުއިވިގެން ނުވަތަ އެހެން އަވަށެއްގައި ބޮޑުމަސައްކަތް ކުރާތީ އެކަމަށް ތަރުޙީބު ދިނުމަށް ހުރި އޮޅު ނުވަތަ ކޭން ހިފައިގެން ދިއުން
ހިލަފުއްޕުން
މ (1) ހަށިގަނޑުގެ އެކިތަންތާނގެ މަސްގަނޑަށް އަރުވާ ބާރަކުން އާދަޔާ ޚިލާފަށް އެތަންތަން ހަރުކުރުން. (2) ފުލޯކުވާހަކައިގައި އަންނަ ޞިހުރުވެރީން އެއުރެންގެ ހަށިތައް ހަދާގޮތެއް އެހެން ހެދުމަށްފަހު ކަނޑިއެއް ލޮންސިއެއް ނުވަންނަކަމަށް ބުނެވެއެވެ
ހިލަފޮތި
ނ ހިލަކަރުދާސްހެން ހުންނަ ފޮއްޗެއް
ހިޔަހެމި
ނ )ބދ ( އަންހެން
ހިޔަމަރިނދަލި
ނ ރިނދަލީގެ ބާވަތެއް މިރިނދަލީގައި ހުންނަނީ ނުސާފު ހުދުކުލައެކެވެ ރިނދަލީގެ ބޭރުގައި ދިގު ފައިކަށިތަކެއްހެން އެކިވަރުގެ އުންތަކެއް ހުރެއެވެ
ހިޖުރަ
ނ (1) ސަލާމާއި ޞަލަވާތްލެއްވި ރަސޫލު ﷲ ގެފާނު މައްކާ ދޫކުރައްވައިފައި މަދީނާގައި ހުންނަވާން ވަޑައިގަތް ވަޑައިގަތުން. (2) ތިމާގެ އަމިއްލަ ރަށް ދޫކޮށްފައި އެހެން ރަށަކަށް ވަޒަންވެރިވުމަށްދާ ދިއުން
ހިޖުރަކުރުން
މ ތިމާގެ އަމިއްލަ ރަށްދޫކޮށް އެހެން ރަށަކަށް ވަޒަންވެރިވާން ދިޔުން