radheef.info
ރަދީފު


ހުރެ
އ (1) ހެދި މިބަހުގެ މާނަ ދޭހަވަނީ އެހެން އެއްޗަކާއި ގުޅުވައިގެން ބުނީމައެވެ މިސާލު: މަދިރިޔާ ހުރެ ނިދޭކަށް ނެތެވެ (2) )ގ ( ރޫ
ހިޔަމަރިނދަލި
ނ ރިނދަލީގެ ބާވަތެއް މިރިނދަލީގައި ހުންނަނީ ނުސާފު ހުދުކުލައެކެވެ ރިނދަލީގެ ބޭރުގައި ދިގު ފައިކަށިތަކެއްހެން އެކިވަރުގެ އުންތަކެއް ހުރެއެވެ
ހީނާ
ނ މީރުވަސްދުވާ މާ އަންނަ ފަތްކުދި ގަހެއް. ހުދުހަމާއި ނިޔަފައްޗާއި ނުރަ ރަތްކުރާން މިގަހުގެ ފަތްބޭނުންކުރެއެވެ. މިގަހުގެފަތާއި މަލާއި އޮށް ބޭހަށް ބޭނުން ކުރެއެވެ. މީގެފަތްބޮޑު ވަތްތަރެއްވެސް ހުރެއެވެ މިވައްތަރަށް ކިޔަނީ ސުވޭހު ހީނާއެވެ
ހީވަނީ ރެވިތާޔޮވަށައިގެން އުޅޭހެން
(މިސާލުބަހެއް) މާއަވަސް އަރައިގަނެގެން އެއްތަނެއްގައި ހިމޭނުންނީދެވިގެން ނުވަތަ ނުހުރެވިގެން އުޅެން ފެށީމާ ބުނާބަހެއް
ހުނގުމަސް
ނ ފަރުމަހުގެ ބާވަތެއް މިމަހުގެ އަނގަހުންނަނީ މަހުގެ މައްޗަށް ވާގޮތަށް ތެދަށެވެ މަހުގެ ކަރުތާފަތް ގަނޑުގެ ތިރީބައިގައި ރާޅުކަމެއް ހުރެއެވެ މަހުގެ ހަމުގައި ރާޅުކޮށް ހުންނަ ކުދި ހުޅުނބުތަކެއް ހުރެއެވެ ނަގޫފަތުގެ ދެކޮޅު ފަހަތަށް ދިގުކޮށް ހުރެއެވެ މިމަހުގެ ކުލައަކީ ރަތްކުލައެވެ
ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުރަސްގަޅިލޮނދިމަސް
ނ ފަރުފަޅުގެ އުރަފަށުގައި ދިރިއުޅޭމަހެއް މީގެ ކުލައަކީ މަޑުރީނދޫކުލައެވެ މަހުގެ ބުރަކަށިމަތީގައި ކޮތަރިބައިގެ ކުރީކޮޅުން ފެށިގެން ލޯ ހުރަސްކޮށް ތިރިއަށް ގަދަމުށިކުލައިގެ ރޮނގެއް ހުރެއެވެ މިބާވަތުގެ މަހުގެ ބޭރު ހަމުގައި އާދަޔާ ޚިލާފު ވިހައެއް އެކުލެވޭ ލޮނދީގެ ފަށަލައެއް ހުރެއެވެ
ހުރެހުރެ
ކއ (1) އިންތިޒާރުކޮށްކޮށް (2) ހުރިތާހުރެ ގިނައިރު ވެގެން (3) ތަނެއްގައި ހުންނަތާ ގިނައިރުވެގެން
ހުޅިހިކާ
ނ ހިކާގެބާވަތެއް މިބާވަތުގެ ހިކާގެބޮލުގައި ހުޅިއެއްހުންނާނެއެވެ ބޯބޮޑުކޮށް ފަތާކޮށް ހުރުމާއެކު ބޮލުގައި ރަތްކުލައިގެ ލައްގަނޑެއް ހުރެއެވެ
ހުކުރުޙަދީޘް
ނ ހުކުރުނަމާދަށް ބަންގިދީފައި މީސްތަކުންނާ ދިމާޔަށް އެނބުރިހުރެ މާމުދިންމީހާ ކިޔައިއުޅުނު މަޝްހޫރު ހަދީޘް
ހުއިފަތުހިކާ
ނ ހިކާގެ ބާވަތެއް މިއީ ހަލުވި ޙަރަކާތްތަކެއްކުރާ ރީތި ހިކައެކެވެ މަހުގެ ކުލައަކީ ހުއިފަތުފެހި ކުލައެވެ ބުރަކަށިމަތިހުންނަނީ ފެހި ކުލައިގައެވެ މިފެހި ކުލައިގެ ތެރެއިން ރަތްކުލައެއް ފާއްދާފައި ހުރެއެވެ އަނގައިގެމަތިން ފެށިގެން ކަރުތާފަތުގެ ކުރީކޮޅާހަމައަށް ރިހިކުލައެއްގެ ރޮނގެއް ހުރެއެވެ
ހުއިފަތުފިލޮޅު
ނ ފިލޮޅުގެ ބާވަތެއް މިމަހުގެ ތުން ދިގުވެފައި މަހުގެ ހަށިގަނޑުގައި ހުންނަ ހުޅުބުތައް ހަރުވެފައި ބޮޑެއްޗެވެ މަހުގެ ބޮލުގެ މަތީބަޔާއި ކަރުތާފަތް އަދިކަންފަތްގަނޑުގެ ބުޑުދޮށުގައި ހުޅުނބެއްނުހުރެއެވެ މިމަހުގެ ކުލައަކީ މުށިކުލައެވެ
ހުއިފިލަނޑާ
ނ މޫދުގައިއުޅޭ ދިރޭ އެއްޗެއް މީގެ ތަފާތު ވައްތަރުތައް ހުރެއެވެ ބައެއް އެއްޗެހި ކަޅުކުލައިގައި އުންފަޅައިފައި އަނެއްބައި އެއްޗެހި ކުކުޅުބިސް ކުލައިގައި ކަޅުލައް ޖަހައިފައިހުރެއެވެ މީގެތެރެއިން ބައެއް އެއްޗެހީގެ ބަނޑުގައި ބިއްލޫރި ކުލައިގެ ހިމަދިގު މަހެއް އޮވެއެވެ
ހުފީބަތެ
ނ )ގ ( (1) މަތިކަރާބޭސް ލައިގެން ހަނޑުލުގައި ކައްކާ ބޮނޑިބަތެއް (2) ކުޅި ބޮނޑިބަތް (3) ފުއްޕި ބަތް )މިތަފާތު ސިފަސިފައަށް ހިކިކެޔޮފަތުގައި ބަންދުކޮށްފައި ހުރެއެވެ
ހުދުކާޅު
ނ (1) ހުދުފަތް ހުންނަ ކާޅު. މިއީވަރަށްމަދު އެއްޗެކެވެ. (2) މަޖާޒު: ތިމާގެ މީހަކު ނުވަތަ ރައްޓެއްސަކު އެތައް ދުވަހަކު ނައިސްހުރެފައި ގެއަށްއައިމައި ހިތްހެޔޮކަމާއިއެކު ސަމާސާއަށް ބުނެއުޅޭ ބަހެއް މިބަސް ބުނެއުޅޭ ގޮތަކީ "އައްދޭ! ހުދުކާޅެއްދޯ!" (3) ނާދިރުއެއްޗެހި
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހުދެންމަސްދަރި
ނ )ހ.( އެމުގެ ބާވަތެއް. މިއީ ބުރަކަށި މަތީގެ ކޮތަރިބައި މަޑުނޫކުލައެއް ހުރެފައި ބަނޑުދައްފަރާތް ހުދުކުލައިގައި ހުންނަ 2 އިންޗިވަރުގެ ކުދިއެމެކެވެ. މިގިނައިން ހުންނަނީ އެންދަމާއިރު އެންތަކުގެ ތެރޭގައެވެ. މިގިނައިން ހުރެއްޖެނަމަ މަސްވެރިކަން ވަރަށް ރަނގަޅުވާނެއެވެ
ހޫނުވައި
ނ (1) ހޫނުކަން ހުންނަވައި (2) ފަރުބަދަމަތިން ސަހަރާއަށް އަންނަ ވައި މިވައިގައި ދިލަހޫނެއް ހުރެއެވެ
ހޮނޑުމިޔަރު
ނ މިޔަރުގެ ބާވަތެއް މިއީ ހިމަތޮޅި ދިގުކޮށް ހުންނަ މިރަށެވެ ބުރިކަށިމަތީގައި ދެއުރަހަ ހުރެއެވެ އަދި ބަނޑުދަށް ފަރާތުގައިވެސް ދެއުރަހަހުރެއެވެ މި މިޔަރުގެ ނިގޫ ކުރުވެފައި ކޮޅަށް ފުޅާ ވާނެއެވެ
ހޮން ބޮއް
ނ )ސ ( ކުޑަފަރުމަހެއް މިއީ މަޑު ރީނދޫ ކުލައިގެ މަހެކެވެ މިމަހުގެ ބޮލުން ފެށިގެން ނިގޫފަތާ ހަމައަށް ރީނދޫކުލައިގެ ފަސްރޮނގު ހުރެއެވެ ބުރަކަށިމަތީގެ ކޮތަރިބައި ނިމޭ ހިސާބުގައި ގަދަ ރީނދޫކުލައިގެ ލަފެއް ހުރެއެވެ