radheef.info
ރަދީފު


ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހުހިވައް
ނ މޫދުގައި އުފެދޭ ނުހަނުލުއި މަޑުއެއްޗެއް. މީގެ އެތެރޭގައި ވަރުވަރުގެ ލޯވަޅުތައް ތޮރުފިފައި ހުންނާނެއެވެ. ބޭރުގައި ހުންނަ ކުރަކި ކަމަކާއި ތޫނުކަމަކުން އެއްޗެހި އުނގުޅައި ސާފުކުރުމަށާއި ގައި އުނގުޅުމަށް ގެންގުޅެއެވެ
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުރާ
ނ (1) ފަޅުފަޅުގައި އަކިރިއާއި ގަލުން ހިކިފައި ހުންނަ ތަންތަން މިތަންތާނގައި ގަސްގަހާ ގެއްސެއްނުހުންނާނެއެވެ (2) ހުރާގަނޑު (3) ކ އަތޮޅުގެ ރަށެއްގެ ނަން
ހުޅައްފަނި
ނ )ސ ( (1) ކިލާފަނީގެ ބާވަތެއް މިހުންނާނީ ކިލާފަންޏަށްވުރެ ކުލަގަދަކޮށް އެއަށްވުރެ ތަންކޮޅެއް ފަލަކޮށެވެ ތުންކޮޅު ހުންނާނީ ހުރަހަށް ބުރިކޮށްލީމާ ހުންނަހެންނެވެ (2) ފެންހަރުފަ
ހުޅިހިކާ
ނ ހިކާގެބާވަތެއް މިބާވަތުގެ ހިކާގެބޮލުގައި ހުޅިއެއްހުންނާނެއެވެ ބޯބޮޑުކޮށް ފަތާކޮށް ހުރުމާއެކު ބޮލުގައި ރަތްކުލައިގެ ލައްގަނޑެއް ހުރެއެވެ
ހުޅުނބުފިލާ
ނ ފަތްޕިލާވެއްޔެއް މިއީ ވިނަހުންނަ ތަންތާ ގައި ހެދޭގަހެކެވެ މީގެ ފަތްހުންނާނީ ކޮޅުވައްކޮށް ކުދިކުދި ކޮށެވެ ފަތްބުރަނދަގޮޑީފަތާ ވަރަށް ވައްތަރުވާނެއެވެ މިފަތުގެ ދިޔަ ދުޅަވާތަންތާގައި ވަށައެވެ
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުކުރެދި
ނ ބޭހަށް ބޭނުންކުރާ ފަތްޕިލާވެއްޔެއް މިއީ ގާތްގަޑަކަށް ދެފޫޓުބަޔަށް ހެދޭގަހެކެވެ ފަތްތައް ހުންނާނީ ކުރަދިފަތާއި ވައްތަރުކޮށް އެއަށްވުރެ މާތުނިކޮށެވެ
ހުދުހުތްޕިލާ
ނ ތިރިކޮށް ހެދޭގަހެއް. މީގެ ކޮންމެ ފަތްވަޅެއްގައި ހުދުކުލައިގެ ކުޑަކުޑަ މާބޮޑިއެއް ހުންނާނެއެވެ. ފަތްހުންނާނީ ދެކޮޅަށް ހިމަކޮށް ވަރަށް ކުދިކުދިކޮށެވެ މީގައި ކިރު ވަރަށް ގިނައެވެ
ހުދުރުވާ
ނ ރުވާގަހުގެ ބާވަތެއް މީގެ މަލާއި ތަނޑު ހުންނާނީ ހުދުކުލައިގައެވެ
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހުސްނުހީނާ
ނ މީރުވަސްދުވާ މަލެއް އަޅާގަހެއް މިއީ ވާކޮށްފެތުރި ހެދޭގަހެކެވެ މިއީ ފަތްގިނަ ގަހެކެވެ މާހުންނާނީ މަޑުފެހިކުލައިގައި ކޯޅިކޯޅިއަށެވެ މިމާހުންނާނީ ކުޑަކޮށް ހިމަދިގުކޮށެވެ މީގެ މަލުގައި ހުންނަނީ ފަސް ފިޔައެވެ މިގަހުގައި އަޅާމާ ހަތްފަހަރަށް ފޮޅެއެވެ
ހުސްކުރުން
މ (1) އެއްޗެއްގައި ނުވަތަ ތަނެއްގައި ހުރި އެއްޗެއް ނުބަހައްޓައި ނެރުން ނުވަތަ ވަކިކުރުން (2) އެއްޗެއްގައި ހުރި އެއްޗެއް ނުހުންނާނޭގޮތް ހެދުން
ހުޑޫ
ނ )ސ ( ފިލޮޅު ޒާތުގެ މަހެއް މީގެ ނަގޫފަތުގައި ލަފެއް ހުންނާނެއެވެ މިމަހުގައިވަރަށް ބޯކޮށް ހުޅުބުހުންނާނެއެވެ މިމަސް ހުންނަނީ ހުދުކުލައެއްގައެވެ
ހުޓެ
ނ )ގ ( (1) ގޮވާމުގެ ފުށް (2) އމ ހުންނާށޭ
ހެމަވަތި
ނ )ގ ( ފަތް ހިމަދިގުކޮށް ބަދަބަދަޔަށް ހެދޭތަނޑު ހިމަވެލެއް މިވެލުގެ ފަތުގެ ބުޑުދޮށުގައި ނޫކުލައިގެ ކުދިމަލެއް ހުންނާނެއެވެ
ހެލިކޮޕްޓަރު
ނ މަތިންދާބޯޓުގެ ބާވަތެއް މީގެ ބުރަފަތި ހުންނާނީ މަތީގައެވެ މިވައްތަރުގެ ބޯޓަށް ވައިގެތެރޭގައި ހުއްޓާލައިގެން އޮވެވެއެވެ މިއީ ބުރަފަތީގެ ބޭނުން ކޮށްގެން ސީދާ މައްޗަށްއެރޭ ބޭނުން ތަނަކަށް ތިރިކުރެވޭ އެއްޗެކެވެ