radheef.info
ރަދީފު


ހާނ
އ (1) އާނއެކެވެ (2) ހޭއަރުވާލުމަށް ބުނެއުޅޭ ބަހެއް
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިފަސްގަނޑު
ނ އަމާޒަށް ބަޑި ޖަހާން ދަސްކުރަން ހަދައިފައި އޮންނަ ފަސްގަނޑު މިއީ އުސްކޮށް ފުޅާކޮށް އޮންނަ ފަސްގަނޑެކެވެ މި ފަސްގަނޑު އޮންނަނީ އެދުވަސް ވަރެއްގައި އެކަމަށް ހަމަޖައްސައިފައި އޮންނަ ތަނެއްގައެވެ
ބާރަގަން
ނ ކޮލިލާއިރު ކޮލިކިޔަން ހުއްޓޭ ހަތަރު އަނގޮޅި ހަމަވާ ބާރަތަން. މިއިން ކޮންމެތަނަކީ އަނގޮޅިއެކެވެ. މިއިން ކޮންމެ ތަނެއްގައި ކޮލި ކިޔައިފައި ލޯގަނޑުގައި ޖަހާނެއެވެ. އަޞްލުގައި ގަންކިޔަނީ އަވަށަށް ކަމަށްވިއަސް މިތާގައި ބޭނުންކޮށްފައި މިވަނީ ހަތަރު އަނގޮޅި ހަމަވާ ތަންތަނަށެވެ
ބާދަނޑި
ނ (1) މީހުންނަށް ހާނިއްކަ ދިނުމުގެގޮތުން ދެއަތްދަމައިފައި އަތުގައި ބަންނަ ދަނޑި ގަނޑު (2) އަރާދަނޑި (3) ކުދިންކުޅޭއިރު ކަނބިލި ފަދަ ދޫނީގެ ދެފިޔަ ދެފަރާތަށް ދަމައިފައި ދެފިޔައިގެ ދެކޮޅު ހިފަހައްޓަން ހުންނަ ދަނޑިގަނޑު
ބިކަހިނގުން
ނ (1) ސަލާންޖަހާން ހިނގުން (2) ގެއެއް ދޮރެއް ނެތިގެން އެކިއެކި ގޭގޭގައި ނިދައިއުޅުން
ބިއްލޫރިބަނޑިޔާ
ނ ތަށިދިއްލައިފައި ބަހައްޓާން ނުވަތަ އުށްބައްތި ޖަހާންބިއްލޫރީން ގޮނިކޮށް ހަދައިފައި ހުންނަކަންވާރެއް މިކިތަންމެ ސިފައަކަށް ހުރެއެވެ
ބިލެތްމަލާފަތް
ނ ބިލެތް ޖަހާން ނުވަތަ އަޅާން ގެންގުޅޭ ކަންވާރެއް މިއީ މަތިޖެހޭ ގޮތަށް ލޮއިން ހަދައިފައި ހުންނަ ކުޑަ މަލާފަތެކެވެ އެކި ސިފަސިފައިގައި މިހަދައިފައި ހުރެއެވެ
ބިލެތްދަފި
ނ ބިލެތްޖަހާދަފި މިއީ ޚާއްޞަކޮށް ބިލެތްޖަހާން ހަދައިފައި ހުންނަ ލޯކަންވާރެކެވެ
ބިސްތާނަ
ނ މަހާނަ ވަށައިގެން ރާނައިފައި ހުންނަ ފާރާއި އޭގެ އެތެރެ
ބުންހިއްޕިލަވަބައި
ނ ނެއްޓިޔަށް އަނބުރާލާ ލަވަބައި މިލަވަބައި ޖަހާނީ ދަނޑިގަނޑުގެ ބަދަލުގައި އަތުންނެވެ
ބުރާންތިވުން
މ ބޮލަށްލިބުނު ހާނީއްކައަކުން ނުވަތަ ހޫނަކުން ތަންދޮރުނޭނގޭ ގޮތްވުން
ބޮނބިފަޅީވައި
ނ ހާނީއްކައެއް ދުޅައެއްނުވެ ބޮނބިފަޅީގައި ރިހޭރިހުން
ބޮނޑިބަންދަނޑި
ނ ލޮންސީން ޖަހާން ފަރިތަކުރާން ކޮޅުގައި ފޮތިން ބޮނޑިއެއް ބަނދެގެން ގެންގުޅުނު ދަނޑިއެއް
ބޮނޑިކުޅުން
މ އެތެރޭގައި ހޮއި ނޯންނަގޮތަށް ރަބަރުން ހަދައިފައި އޮންނަ ބޯޅަޔަކުން ކުޅޭ ކުޅިވަރެއް ކުޅުން. މިކުޅިވަރުކުޅޭނީ މީހުން ދެބަޔަށް ބަހާލައިގެންނެވެ. ކުޅޭނީ ބިންމަތީގައި ބޯޅަޖަހައިގެން މައްޗަށް އެރީމާ އަތުން ކަނދު ހުރަސްކޮށް ޖަހައިގެންނެވެ. މީގައި ސައްޕު ޖަހާނީ ފައިންނެވެ. އަތްމަތި ފޯލީގައި އަތް ޖެހިއްޖެނަމަ ނުބައިވެފައިތިބި މީހުން ދިރޭނެއެވެ
ބޮލުފިލާ
ނ ކޯއްޓޭ ކޯއްޓޭގެ ދެބުރި އެއްކުރާން ތިރީބުރީގެ މަތީކޮޅަށް އެއްކޮޅުލައްވައިފައި އަނެއްކޮޅަށް މަތީބުރީގެ ފަހަތުކޮޅު މަހާން އޮންނަ ފިލާގަނޑު
ބޮލެޖެހި
ނ (1) މަސްމެރުމަށް މަހުގެ ބޮލުގައި ޖަހާން ގެންގުލޭ މުގުރު ގަނޑު (2) ސާމަރާ މިބަހުގެ 2 ވަނަ މާނަ ބަލާ!
ޅިނދު
ނ (1) މައިކަށީގެ ތިރީކޮޅާ އުނަގަނޑާ ދޭތެރެ (2) ވަޅިތިލައިގައި މުށްގަނޑަށް ޖަހާން އޮންނަތަން
ޅިޔައަކުރު
ނ ފައިކޮޅުތައް ދިގުކޮށް ހުންނާނޭހެން ލާމަހަމުން ލިޔެފައިހުންނަ ޢަރަބި ލިޔުމެއް މިބަލަލާއިރު ފުރަތަމަ ފެންނާނީ ކުރެހުމެއް ހެންނެވެ އިހުގެ ބައެއް މިސްކިތް މިސްކިތުގެ ބެރީގައްޔާއި ބައެއް މަހާނަގަލުގައި މިލިޔުން ލިޔެފައި ހުރެއެވެ
ކަށިމަތި
ނ (1) ފައިގެ ކުޑަހުޅާ ކަކުލާ ދެމެދުގެ ކުރިމަތީ ފަރާތް. (2) ކުޅިވަރު ކުޅޭއިރު ކަށިމައްޗަށް ހާނީއްކައެއް ވެދާނެތީ ބަންނަ ދާފަރާ
ކަށްގައު
ނ (1) މަހާނަގައު (2) )ބދ ( ރަތްއާނު