radheef.info
ރަދީފު


ހަވާ
ނ (1) އުޑާއި ބިމާއި ދެމެދުގައި ވާ ހުސްތަން (2) ބަޑިބޭސްއަޅައިގެން ހަދާ މައްޗަށް އަރާއެއްޗެއް
ބޮލުއެޅުން
މ ކަމަކާ ހަވާލުވުން
ބޮލުގައި އެޅުން
މ (1) ތާކިހަލާއި ރުމާ ފަދަތަކެތި ބޮލުގައި ބޭއްވުން (2) މަޖާޒު: ކަމަކާ ހަވާލުވުން
ޅެން
ނ ހިތުގައި އުފެދޭ ޝުއޫރެއް ނުވަތަ ހިތަށްވައްދާ ޝުއޫރެއް މާނައެއް ދޭހަވާގޮތަށް ވަޒަނަކަށް ފެތޭނޭހެން ބައިތުތަކެއްގެ މައްޗަށް އެކުލަވައިލައިގެން ފާޅުކުރާ ބަސްތައް
ކަނޑުކުކުޅު
ނ ކަނޑުމަހުގައި ކައްކާ ރިހައެއް. މީގެމަސް ހުންނާނީ ގަނޑަށް ކަނޑައި ދެއިންޗިހާވަރަށް ބުރިކޮށް ހޮޅިކޮށް ކަފައި ހަވާދުހާކައިފައި އޮޅައިލައި ފަންވަތެއްގެ ފަށަކުން ނުވަތަ ރާނބާފަތުގެ ފަށަކުން ބަނދެފައެވެ ކައްކާނީ ހަވާދާއި ކިރާ އަޅައިގެންނެވެ
ކަރުގައިއެޅުން
މ (1) ދިރުވާލި އެއްޗެއް ކަރުތެރޭގައި ތާށިވުން (2) ކަނދުރާގައި އެއްޗެއް އެލުވުން (3) މަޖާޒު: ނުރުހެވޭ ކަމަކާ ހަވާލުވާން ޖެހުމުން ބުނެއުޅޭގޮތް
ކަވާބު
ނ (1) މަސްކަހައިގެން ހަވާދުލައި މޮޑެގެން ތެލުލައިފައި ހުންނަ ލައިގެންކާއެއްޗެއް (2) މަހާއި ފުށާއި އެއްކޮށްގެން ހަދާ ހެދިކާ އެއްޗެއް މިމުގުންނާއި މިނޫންވެސް މިފަދަ އެއްޗެހިން ހަދައި އުޅެއެވެ
ކަވާބުކުރުން
މ އެއްގަމުމަސް ހަވާދުލައިގެން އުލަށް ޖަހައިގެން ފިހުން
ކަތީބު
ނ (1) މާލެފިޔަވައި ރާޖޭގެމީހުންއުޅޭ ރަށްރަށުގެ ވެރިކަމާ ހަވާލުކުރައްވައިފައި ހުންނަމީހާ. (2) އިހުގައި ހުކުރުނަމާދާއި އީދުނަމާދު އިމާމުވެކޮށް މަރުވާމީހުން ވަޅުލައިހެދުމަށް އިސްކޮށްފައިހުންނަ މީހާ
ކުދީނާ
ނ ބިމުންމައްޗަށް ވަރަށް ކުޑަކޮށް ހެދޭ ގަހެއް. މިއީ ޒަވިވަހެއްދުވާ އާވި ކުޅިރަހައެއްދޭ ފެހިކުލަގަދަ ފަތެކެވެ. މިފަތް ހުންނަނީ ދެކޮޅު ވަށްކޮށް މެދަށް ފުޅާކޮށްނެވެ. ހަވާދާއި ޝަރުބަތާއި ސަޓަނި ހެދުމަށާއި ބޭހަށްވެސް މިފަތް ބޭނުންކޮށް އުޅެއެވެ
ކެނދިއޮށުހަވާ
ނ (1) ކަނދު އޮށަށް ބޭސް އަޅައިގެން ކުޅޭން ހަދާހަވާ. (2) މަޖާޒު: ކަމެއްގައި ކުރިއަށްތިބޭ ބޮޑެތި މީހުންކޮޅު ހުސްވުމަށްފަހު ދެންތިބޭ އެކަމަކަށް ދެރަމިސްކޮޅު
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮތަނބިރި
ނ ހަވާދުގެ ބާވަތެއް މިއީ އަސޭމިރުސް ފުކެއްވަރަށް ވައްކޮށް މަޑުރީދޫކުލައިގައި ހުންނަ ފުކެކެވެ މީގެ ގަހުގެ ފަތުގެ ކުލަ ހުންނަނީ މަޑުފިޔާތޮށި ނުވަތަ ހުދުކުލައިގައެވެ މިގަހުގެ މާ ހުންނަނީ ބޮނޑިކޮށެވެ
ކޮތަނބިރިލުން
މ )މ ( ކޮތަނބިރި ހަވާދުލައިގެން މަސްހަނާކުރުން
އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
އަރިސްވުން
މ މޮޅުމީހަކާއި ހަވާސާވުން
އަމާކީތީ ފަރަށްދިއުން
)މިސާލުބަހެއް( (1) ބުނާލަފުޒުން ދޭހަވާ ކަމެއްގެ ބޭރު ކަމެއް ނުކުރީމާ ދޭ މިސާލެއް އެއީ ބެބުރުފުތުގެ އަމާފަރަށްދާން ބުނެގެން ބެބުރުފުތު ފަރަށް ގޮއްސްފައި ބޮލިނުހިލާ އައިމާ އޭގެ ފަހުން ޖެހުނު މިސާލެއް ކަމަށް ބުނެއެވެ (2) ބުނާކަންތައް ފަރުވާ ކުޑަކޮށް ކުރުން
އަލި
ނ (1) އަނދިރީގެ އިދިކޮޅު (2) ސާފު (3) ހަވާސާ (4) ލޮލޮގެ ކޮޔަށް އޭގެ އަސަރުކޮށްގެން ތަކެތި ފެންނަބާރު (5) ތަކެތިދަސްކުރާން ހިތަށްލިބޭ ބާރު
އަލިފާނުކުޅިވަރު
ނ (1) ބަޑިކުޅި ހަވާ އަލިދަނޑި މިބާވަތުގެ ކުޅިވަރު (2) ބަޑިބޭހުން ހަދައިގެން ރޯކުރާން ގެންގުޅޭ ކުޅިވަރުގެ ތަކެތި
އަސާރަ
ނ އަނބު ބިލަމަގު ކަދުރު ފަދަ އެއްޗެހީގައި ބައެއްހަވާދުލައިގެން ހުތް ނުވަތަ ތެޔޮއަޅައިގެން ތައްޔާރުކުރާ ކާނާއެއް ގިނައިން މިތައްޔާރުކުރަނީ ނުކައްކައެވެ