radheef.info
ރަދީފު


ހަނގުރާމަ
ނ (1) ހަތިޔާރު ހިފައިގެން ނުވަތަ ހަތިޔާރު ބޭނުންކޮށްގެން އެއްބަޔަކު އަނެއްބަޔަކާ ތަޅައިމެރުން މިބަސް އާންމުކޮށް ބޭނުންކުރަނީ އެއްޤައުމު އަނެއް ޤައުމާ ދެމެދު ހިނގާ މިފަދަ ޙަމަލާތަކަށެވެ (2) މިސައިލާއި ރޮކެޓް ބޭނުންކޮށްގެން އެއްޤައުމު އަނެއް ޤައުމާ ކުރާ ހަނގުރާމަ
ތޮޅޭފާރު
ނ ރަށްރަށާއި ކިއްލާފަދަ ތަންތަން ދިފާޢުކުރުމަށް ލައިފައި ހުންނަފާރުގެ އެތެރޭގައި އެއަށްވުރެ ތިރިކޮށްލައިފައި ހުންނަފާރު މިފާރަކީ އޭގެމަތީގައި ތިބެގެން ހަނގުރާމަ ކުރުމަށް ބޭނުންކުރާ ފާރެކެވެ
ލޭއޮހޮރުވުން
މ (1) ތަޅާފޮޅުން. (2) ހަނގުރާމަކުރުން. (3) މީހުންގެ ފުރާނައަށް ގެއްލުންވާފަދަ ނުވަތަ މީހުން ޒަޚަމްވާފަދަ ކަމެއް ހިންގުން (4) މަޖާޒު: ގުރުބާންވުން
ލޮންސި
ނ ހަނގުރާމައިގެ ހަތިޔާރެއް މިއީ ހިމަ ދަނޑިއެއްގެ ކޮޅުގައި ތިލައެއް ލައިފައި ހުންނަ އެއްޗެކެވެ
ގުރާބު
ނ ރިޔަލުގައި ދަތުރުކުރާ ހަނގުރާމަމަތީ ބޮޑެތި އުޅަނދު
ގުރުޒު
ނ (1) އިހުގައި ހަނގުރާމަވެރިން ބޭނުންކުރި ހަތިޔާރެއްގެ ނަން މިހަތިޔާރު ހުންނަނީ އެއްކޮޅު ވައްކޮށް ފަލަކޮށެވެ ހިފަން މުށްގަނޑެއް ލައިފައެވެ (2) ތާރަޖަހާއިރު ނަށާމީހުން ވަކިހަމަޔަކަށް ޖަހަންގެންގުޅޭ ކުރުދަނޑިކޮޅެއް ލައިފައި އޮންނަ ލޯބޮޅު ފައްޗެއް
ގެރިއްލާ
ނ ޢާއްމުކޮށް ތަމްރީންދެވޭ ޔުނިފޯމްއެޅި ސިފައިންނާ ޚިލާފަށް ސިއްރު ޖަމާޢަތްތައް ހަދައިގެން ހަނގުރާމަކުރާމީހާ
ސިކަންދަރު
ނ (1) ދުނިޔޭގެ މަޝްހޫރު ހަނގުރާމަވެރި ފާތިޙުންގެ ތެރެއިން އެއްބޭފުޅެއްގެ ނަންފުޅު މީނާ ދުނިޔޭގައި އުޅުއްވީ އީސާގެފާނު ދުނިޔެއަށް ވަޑައިގަތުމުގެ ކުރިން 323 ން 653 އަށެވެ މިޞްރުގެ އިސްކަންދަރިއްޔާ ބިނާކުރެއްވީ އޭނާއެވެ އަވަހާރަވީ ޢިރާޤުގެ ބާބިލްގައި ގަދަ ހުންފުޅެއްގައެވެ (2) ބެރު ވާންކުރުމަށްޓަކައި ޓިނބުލީގެ ބަދަލުގައި ނަނުން ފުރާފުރުމެއް
ސިފައިން
ނ (1) ޤައުމު ދިފާޢުކުރުމަށްޓަކައި ހަނގުރާމަ ކުރުމަށް ތައްޔާރުކޮށްފައި ތިބޭ މީހުން (2) ލަޝްކަރުގެ މީހުން (3) ހަނގުރާމަ ވެރިން
ޓޭންކު
ނ (1) އެއްގަމު ސިފައިން ބޭނުންކުރާ ހަނގުރާމަމަތީ އުޅަނދެއް. މިހުންނަނީ މެޝިން ބަޑިޔާއި ލުއިބޮޑުބަޑި ހަރުކޮށްފައެވެ. މިއީ ވަޒަން ނުވަންނަ ގޮތަށް ހަދައިފައި ހުންނަ އެއްޗެކެވެ. މީގެ ފުރޮޅުތައް ހުންނަނީ ފުޅާކޮށް ފަތިކޮށް ހުންނަ ދިއުޅިއެއްކަހަލަ ބަންދެއްގެ ތެރޭގައެވެ (2) ފެން ނުވަތަ އެފަދަ ދިޔާތަކެތި އެޅުމަށް ހަދައިފައި ހުންނަ އެކި ވަރުގެ ތާނގީ
ޖިހާދު
ނ ދީނާއި ޤައުމު ހިމާޔަތް ކުރުމަށް ކުރާ ހަނގުރާމަ
ޖިހާދުކުރުން
މ ދީނާއި ޤައުމު ހިމާޔަތް ކުރުމަށްޓަކައި ހަނގުރާމަކުރުން
ޝަހީދަށްނުކުތުން
މ ދީނުގެ މަގުގައި ނުވަތަ ވަޒަނުގެ ޙައްޤުގައި މަރުވިޔަސް ހެޔޮ ކަމަށް ހަނގުރާމައަށް ދިއުން
ޝަހީދަށްކިޔެވުން
މ ދީނީ ހަނގުރާމައިގައި ޝަހީދުވުން އެދި ދުޢާކުރުން
ޝަހީދު
ނ ދީނުގެ މަގުގައި ނުވަތަ ވަޒަނުގެ ޙައްޤުގައި ކުރާ ހަނގުރާމައިގައި ވާމަރު
ޝަހީދުވުން
މ ދީނުގެ މަގުގައި ނުވަތަ ވަޒަނުގެ ޙައްޤުގައި ހަނގުރާމަކޮށް މަރުވުން