radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ތައިވަރު
ނ (1) ރައިވަރުގެ ވައްތަރެއް )ރީތިބަހުން ކިޔައިފައިހުންނަ ބެރެކި ރައިވަރު( (2) މަލިކު ރައިވަރު
ތައު
ނ މަސްދޯނިފަހަރުގެ ކުނބުންފެށިގެން ދިރުނބާކޮޅުގައި ހަފޮޅުގެ ތިރީކައިރިޔާ ހަމައަށް އަޅައިފައިވާ ހުރަސްތަކުގެމަތިން ދިގަށް އަޅައިފައި އޮންނަދެފަތް
ތައުބާލައިދިނުން
މ ތައުބާގެ އިބާރާތް އަޑުދަށުން ކިއުމަށްޓަކައި ކިޔައިދިނުން. މިކަންކުރަނީ މުރުތައްދުވުންފަދަ ބޮޑުފާފައެއްކުރުމުން ޝަރީޢަތުގެ ފަރާތުން އެކަމަށް ނަސޭހަތްތެރިވާ ހިނދުގައެވެ
ތައުބާގެދޮރުޖެއްސެވުން
މ (1) އަސްތަޣުފާރުކޮށް ތައުބާވުމުގެ ވަގުތު ދިއުން )މުސްލިމުން ޤަބޫލުކުރާގޮތުގައި ޤިޔާމަތަށް ފެށުމުން ތައުބާގެ ދޮރު ބަންދުކުރައްވާނެއެވެ ( (2) މަރަށް ޙާޟިރުވެ ނޭވާހޮޅިޔަށްއެޅޭ ހިސާބަށްދިއުން
ތައުފީޤު
ނ ހެޔޮކަންތައްކުރުމަށް މާތްﷲ ދެއްވާވާގި
ތައުފީޤުދެއްވުން
މ މާތްﷲ ހެޔޮކަމަށް ވާގިދެއްވުން
ތައުފީޤުލިބުން
މ ހެޔޮކަމެއް ކުރެވުމުގެ މަގުތަނަވަސްވުން
ތައުޙީދު
ނ (1) ﷲ އެއްކައުވަންތަކަން އަންގައިދޭ ޢިލްމު (2) އިހުގައި ދީނުގެ ވާހަކަ ލިޔެގެން ގެންގުޅޭ ރައިވަރުފޮތް
ތައޮޒިޔާކިޔުން
މ )ޏ ( ތައުޒިޔާކިޔުން
ތައްކަށިރުއް
ނ ތައްކަށްޓަށް ނަގާރުއް. ރަށްރަށުގައި މީހުން އިންދައިފައި ހުންނަ ރުއްރުކުގައި ތައްޖަހައި ބަންޑާރަ ބަޔާއި އަމިއްލަބައި ވަކިކުރުމުގައި އެކެއްގެ ފަންސަވީސް ރުކުން އެއްރުއް ތައްކަށީގެ ނަމުގައި ބަންޑާރަޔަށް ނަގައެވެ މިރުކުގައި ހުންނާނީ ތިންތައްޖަހައިފައެވެ މިއީ ގޮއިފާލައްބައިގެ ތެރޭގައި ހިމެނޭ ވަކިން ވަރުވާކޮށް ލިއެދެއްވާ ބައެކެވެ
ތައްގަނޑަށްޖެހުން
މ އުޅާބައިގެ ފިތްތައް ފަދަ އެއްޗެހި ފުއްވުމަށް ތައްޔާރުކޮށްފައި އޮންނަ ތައްގަނޑަށް ރަންރިހިފަދަތަކެތި ތަޅައި ތުނިކޮށްފައި ޖެހުން
ތައްގަނޑު
ނ (1) އެއްޗެއްގެ އަސްލާއެއްގޮތަށް އެއްޗެއް ހެދުމަށް ނުވަތަ ކުރެހުމަށް ބޭނުންކުރާ އެއްޗެއް މިސާލު: )ހ( މެޓާ އޮބާ ތައްގަނޑު )ށ( ހުންގާނުގެ މާދާފަދަ ތަކެތި ހެދުމަށް ވިރުވާ އަޅާތައްގަނޑު )ނ( ގަސްމުށި ފަދަތަކެތި ހެދުމަށް ސިމެންތި ފަދަ ތަކެތި ގަށައިގެންއަޅާ ތައްގަނޑު )ރ( ރަސްމީ ނުވަތަ އަމިއްލަ ނިޝާންޖަހާ ތައްގަނޑު (2) ކަނޑައި ނަގައިފައި ހުންނަ ނަމޫނާ (3) ގޮންގްރެޓް ކުރާ އިރު ގޮންގްރެޓް އެޅުމަށް ލަކުޑިން ނުވަތަ ދަނގަނޑުން ތައްޔާރުކުރާ އެތި (4) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާ ގޮތުން ތައްޔާރުކުރާ ސިއްކަ
ތައްގަނޑުޖެހުން
މ (1) ކަނޑައި ނަގައިފައި އޮންނަ މާދިރީ އެއްގެސިފަ އެއްޗަކަށް ނަގުލުކުރުން މިސާލު: ގަންޖުފަރާހުގައި ތައްގަނޑުޖެހުން (2) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާގޮތަށް ތައްޔާރުކުރާ ސިއްކައެއް އޮބުން
ތައްޔާރީހެދުން
ނ ބޭނުންވާ މިންތަކަށްފަހައި ތައްޔާރު ކޮށްފައި ގަންނަން ލިބޭ ގޮތަށް ފިހާރަ ފިހާރައިގައި ހުންނަ ހެދުން
ތައްޔާރުޖާގަޖާގަ
ނ (1) ތައްޔާރުވެގެން އެމީހެއްގެ މަޤާމުގައި އެމީހަކު ހުރުމަށް ގޮވާލާގޮތް (2) ތައްޔާރުވެގެން އެހެންމީހުންނަށް ތަންދީގެން ތިބުމަށް ގޮވާލާގޮތް
ތައްޔާރޮ
ނ )ޏ ( ތައްޔާރު
ތައްޔާރޮވުން
މ )ޏ ( ތައްޔާރުވުން
ތައްޚާނު
ނ (1) ދިވެހި ފިރިހެނުންނަށް ކިޔާނަމެއް (2) ބަނޑުހަނޑޫ ދެއްވީމާ އާދައިގެމީހުންގެ ނަމުގެ ފަހަތަށް އިތުރުކުރާ ލަޤަބަށް ކިޔާގޮތް މިސާލު: )ހ( އަލިތައްޚާނު )ށ( މުޙައްމަދު ތައްޚާނު
ތަވީދު
ނ (1) އެކިއެކި ބޭނުންތައް ފުދުން އެދި ފަންޑިތަހެދުމުގެ ގޮތުން ކަރުދާހާއި ފޮއްޗާއި ހަމާއި ތިމަރަފަތް ފަދަ ތަކެތީގައި އަޒީމަތަކެއް ނުވަތަ ގުރުއާނުގެ އާޔަތްތަކެއް ލިޔެގެން ބޭނުންކުރާ އެއްޗެއް (2) އިލެކްޓްރޯނިކް އެއްޗެހީގެ އެތެރޭގައި ހުންނަ އެއްޗެއް މިވައްތަރުވާނީ އަސްޖަހައިފައި އޮންނަ ތަވީދަކާއެވެ
ތަމަޅައިން
ނ (1) ދެކުނު އިންޑިޔާގައި އުޅޭ ތަމަޅަބަހުން ވާހަކަދައްކާ ދަރިކޮޅެއްގެ މީހުން (2) މާދަރީބަހަކަށް ތަމަޅަބަސް ބޭނުންކޮށް އުޅޭމީހުން