radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ތެރަސްފުޅި
ނ (1) ތެރަސް އަޅައިފައިހުންނަފުޅި (2) މަޖާޒު: ކަނދުފަތި ކަނބާމީހާ
ތެޅިހަވާދު
ނ ވަގުތުން ބޭނުންކުރެވޭ ގޮތަށް މުގުރައި ހިމުންކޮށްފައި ހުންނަ ހަވާދު
ތެޅިއެރުވުން
މ މަޖާޒު: އުޅޭނެ ނޫޅޭނެ ގޮތެއް ނޭނގިގެން އުޅޭމީހުންނާމެދު ބުނެއުޅޭބަހެއް
ތެޅިމިރުސް
ނ ތަޅައި ހިމުން ކޮށްފައި ހުންނަމިރުސް
ތެޅިދުންފަތް
ނ ދުންބުއިމަށްޓަކައި ތަޅައިމޮޑެފައި ހުންނަދުންފަތް
ތެޅިތެޅިއޮތުން
މ (1) ވެއްޓިއޮވެ ހަތަރެސްފައި ހޫރުން. (2) ހިމޭންކަންނެތި އެގޮތްމިގޮތަށް އެއްލި އޮތްތަނުން ނެގި ނުވަތަ އުފުލިއުފުލިފައި ޖެހުން
ތެޅިލާ
ނ (1) ވިރުވައި ކުލައާއެއްކޮށް ތަޅައި ފަތިކޮށްފައި ހުންނަލާ. ލިޔެލާޖަހާއިރު އެއްޗެހީގައި ލާ ޖަހަނީ މިއިންނެވެ (2) ތެޅިލުން މިބަހުގެ ވާކަމާއި އަމުރު
ތެޅުން
މ (1) ގިނަޢަދަދަކަށްޖެހުން (2) ބިއްލޫރި ނުވަތަ މުށިފަދައެއްޗަކުން ހަދައިފައި ހުންނައެއްޗެހި ވެއްޓިގެން ނުވަތަ އެނޫންވެސް ގޮތަކުން ރެނދުލުން ނުވަތަ މުގުރި ހަލާކުވުން (3) އެއްޗެއް ހެލިހެލި ހުރުން (4) ތަޅުންގަނޑު (5) ގުޑުން
ތެއޮތާނގީ
ނ ތެޔޮއަޅަން ހަދައިފައި ހުންނަ ތާނގީ
ތެއްލިމަސް
ނ ތެލުގައި ކައްކައި ރޯފިލުވައިފައި ހުންނަމަސް
ތެވެރިން
ނ )ސ ( ތިޔަބައިމީހުން
ތެވެލި
ނ )ޏ ސ ( އިރުހަނދު އަރައިގެން އަންނައިރު ނުވަތަ އޮއްސެންދާއިރު އުދަރެހުން ފެށިގެން ރިހިކުލައިގެ ނުވަތަ ރަންކުލައިގެ ދޫލައެއްހެން ފެންގަނޑުމަތީގައި ފެތުރިފައިއޮންނަ އަލި
ތެތަށްކެނޑުން
މ (1) ހިއްކައިގެން ކިރުވާ އެއްޗެހި ހުންނަންވާ ވަރަށް ހިކިފައި ނެތުމުގެ ސަބަބުން ހިކޭނެކަމަށް ލަފާކުރެވޭ ވަރު ބަރުދަނުން އުނިކުރުން (2) މަޖާޒު: ވާހަކަދެއްކީމާ އެއިން ދޮގަށްވާބައި ދޫކޮށްލުން
ތެތްބޮޑުވުން
މ ރާނަމުންދާއިރު ތިރީގައިހުންނަ އުވަފަށްތައް ނުވަތަ ސިމެންތިފަށްތައް ނުހިކި މާބޮޑަށް ތެތްވުން
ތެތްކަން
ނއނ (1) ފެނުގެ އަސަރުހުރިކަން (2) އަންހެނާގެ ފަރުޖުގައި ހުންނަ ލޮނދިކަން ނުވަތަ ދިޔާކަން (3) މަޖާޒު: ސިކުނޑީގައި ހުންނަތާޒާކަން
ތެތްމަސް
ނ (1) ކައްކައިފައި ދިލަނުޖައްސައި ހުންނަމަސް (2) ރަނގަޅަށް ވަޅޯނުވެ ހުންނަމަސް
ތެތްފޭލި
ނ ފެންވަރާއިރު އަނދެގެން ހުންނަ ފޮށާ ނުވަތަ މުންޑުފަދަ ތަކެތި
ތެތްލޮނުމަސް
ނ ސީރާކޮށްފައި ހުންނަމަސް
ތެލަބަގުޑި
ނ ދެބަޔަށް ބެހިގެންކުޅޭ ކުޅިވަރެއް މިއީ އެއްބަޔަކު ވަށްރޮނގެއްގެ މަތީ ތިބެގެން އަނެއްބައިގެ މީހަކު އެމީހުންގެ އަތުނުޖެހި އެތެރެޔަށް ވަދެގެން ކުޅޭ ކުޅިވަރެކެވެ މިގޮތަށް އެތެރެޔަށް ވަދެފައި މަޑިޔަކަށްޖެހެން ޖެހޭނެއެވެ މިހެން ހެދިއްޖެނަމަ ލަނޑެއްދެވުނީއެވެ އަތުޖެހިއްޖެނަމަ އެމީހާ ނުބައިވީއެވެ
ތެލަފޮޅި
ނ )ސ ( ވަށްކޮށް ކުޑަކޮށް ބޯކޮށް ފިހެފައިހުންނަ ފޮނިފޮޅިއެއް