radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ތުންފަތް
ނ (1) އަނގައިގެ މައްޗާއި ތިރީގެ ކައިރިފަށް (2) ފަރުޖުގެ ދެފަރާތުގެ ކައިރިފަށް (3) ތެލިތަށިފަދަ އެއްޗެހީގެ ބޭރަށް މަޅައިލައިފައި ހުންނަ މަތީކައިރި (4) ވަޅުވަޅާއި ފެންއަރުވާ ވަޑާމާއި ފާރުފާރު ފަދަ ތަންތާގެ މަތީކައިރިން ބޯކޮށްފައިހުންނަތަން
ތުންފިއްތުން
މ (1) ހިތުގައިޖެހި ރޮވޭގޮތްވުމުން ދެތުންފަތް ފިއްތައި ބާރުކުރުން (2) މަޖާޒު: ނުރުހުން ވެގެން ބޮޑާދެއްކުން
ތުންދިގުހަނޑަސް
ނ ތުންމާދިގުކޮށް ހަދައިފައި ހުންނަހަނޑަހެއް މިއަށް "ތުންދިގު" މިހެންވެސްކިއައެވެ
ތުންދިގުބިބީ
ނ ފަރުފަރުގެ ބޭރުގައްޔާއި ފަޅުތެރޭގައި ހުންނަމުރަކަތަކުގެ ތެރޭގައި ދިރިއުޅޭ މަހެއް. މިމަހުގެ ކުލައަކީ ގަދަރީނދޫ ކުލައެވެ. މިއީ މަހުގެ ބަނޑުދަށްފަރާތުގެ ކޮތަރިބައިގައި ކަޅުކުލައިގެ ވަށްލަފެއް ހުންނަ ބޮލުގެ މަތީބައިގެ ކުލަކަޅު ތިރީބައިގެ ކުލަ ހުދުމަހެކެވެ މިއީބިބީ ޢާއިލާގެ މަހެކެވެ
ތުންދިގުތޮޅި
ނ ކަނޑާއި ފަޅުގައިއުޅޭ ހިމަދިގުކޮށްހުންނަ ތުންގަނޑު ދިގުމަހެއް
ތުންތެޅުވުން
މ (1) އަނެކަކަށް އަޑުނީވޭގޮތަށް އެއްޗެއްކިއުން (2) އަނެކަކަށް އަޑުނީވޭގޮތަށް ވަކިމީހަކު ގާތުގައިވާހަކައެއް ބުނުން ނުވަތަ ދެމީހުންދެމީހުނަށް އެގޮތަށް ވާހަކަދެއްކުން
ތުންގަނޑު
ނ (1) ދޫނިސޫފާސޫފީގެ ތުން (2) މަސްމަހާމެހީގެ ދިގުކޮށް ނިކުމެފައި ހުންނަތުން (3) ވައިޖަހާގުންބާއާއި ވައިޖަހާނޮޅީގެ ކުރީގައި ގުޅައިފައި އޮންނަބައި (4) ބައްތެލި ދޯނީގެ ދިރުނބާކޮޅު މައްޔަލުގައި ބޭރަށް ނެރެފައި ހުންނައެތި މިހަދައިފައި ހުންނަނީ ލޮއިން ނުވަތަ ކުރެދިންނެވެ (5) ދޯނިފަހަރުގެ ދިރުނބާކޮޅު މައްޔަލާ ގުޅައިގެން ހަނިކޮށް ދިގުކޮށް ކުރިއަށް ނެރެފައިވާބައި
ތުންޖެހުން
މ އެއްޗެއްގައި އަނގަޖެހުން
ތުރިއްޔާނު
ނ ސަމުގާގެ މިސުރާބެއް މިއީމުރިނގާ އެންމެ ކައިރިޔަށް ދެފަރާތުން ހުންނަ މިސްރާބެވެ
ތުރުކަސް
ނ ދުނިދަނޑީގެ ދުނިތައް އަޅައިފައި ހުންނަ އުރަ
ތުރުކީން
ނ ތުރުކީވިލާތުގެ މީހުން
ތުރުކީތާކިހާ
ނ ތުރުކީން އަޅައި އުޅުނު ރަތްކުލައިގެ ތާކިހަލެއް މިތާކިހާ ހުންނަނީ އުސްކޮށް މައްޗަށް ހިމަކޮށެވެ އަރިމަތީގައި އެޅިފައި އޮންނަ ގޮތަށް މާގަނޑެއްލައިފައެވެ
ތުޅާ
ނ (1) ދިޔާއެއްޗެހި ނަގަން ދަނޑިއެއްލައިފައި ހުންނައުނބު (2) )ހ ( އުނދުޅި
ތުޅު
ނ (1) އެއްޗެހި ކިރުމަށް ހަދައިފައި ހުންނަ އެއްޗެއް މި ތަފާތު ގޮތްގޮތައް ހަދައިފައި ހުރެއެވެ (2) އެއްފައުލާގެ ބަރުދަން
ތުކުއްލާޖެހުން
މ )ގ ( ސުންކަން ޖެހުން
ތުއްރަވާސް
ނ ރަސްކަލުންނާއި ހަތްކޮޅުނަގާ ބޭފުޅުންގެ ފަގުޑިކޮޅުގެމެދުގައި ޖަހައިފައިހުންނަ ހިމަދިގު މާގަނޑެއްކަހަލަ އެއްޗެއް މިހަދައިފައި ހުންނަނީ ރަނުންނެވެ
ތުއްރަވާސްގަސް
ނ އެއްތަނޑަކަށް ވަރަށް ދިގުކޮށް މައްޗަށް ހިމަކޮށް ތިރިޔަށް ފަލަކޮށް ހެދޭގަހެއް މިގަހުގެ ބޮޑެތި ފަތްތައް ހުންނަނީ ގަހުގެ ވަށައިގެން ބަރިބަރިއަށް ނުކުމެފައެވެ އެފަތުގެ ދެފަރާތުގައިވާ ކުދިފަތްތައް ހުންނަނީ ހިމަފޯލިތަކެއްހެންނެވެ
ތުއްބުރުން
މ )ޏ ( ރޯކޮށްފައި ހުންނަ އަލިފާނުން ހުޅުނާރައި ދުންއެރުން
ތުއްވުން
މ (1) މުލިއްސާއި ފޮޅުފަދަ ތަންތަން ތޫނު އެއްޗަކުން ކޮއްޓައިގެން ފަޅައިލުން (2) ބިހުގެ އެތެރޭގައި ހުންނަ އެއްޗެހި ނެރުމަށްޓަކައި ތޮށިގަނޑުން ތަންކޮޅެއް ނައްޓައިލުން
ތުއްލަޑި
ނ )ގ ( ބޮލުގައި ކަސްއަޅައި ދޮސްގެންފައި ހުންނަ ތަން